1 Juan 3:13 - Xochapa Mixteco

¹³ Ñani yo xiꞌin kuꞌva yo, ndïkanda ini ndo tá tu kúndasi nuu na ñuu ivi yóꞌó xíni na ndóꞌo̱.

1 Juan 3:13 Referans Kwoze

San Juan 17:14

Ta̱xi i tuꞌun un ndaꞌa na, yakan kua kúndasi nuu na ñuu ivi yóꞌó xíni ñaꞌa na, chi süvi kuenta na ñuu ivi yóꞌó ku na, ni mií i ta süvi kuenta na ñuu ivi ku i.

San Lucas 21:17

Kundasi ni nuu na kuni na ndóꞌo̱, xaꞌa ya ndíkun ndo yeꞌe.

Santiago 4:4

¡Ndóꞌo̱, ta süvi ndóꞌo̱ kúꞌvi ini xíni Ndioxi ku ndo! ¿Án köo xíni ndo ndiꞌi naꞌa, na kútoo ni ikan taꞌan ñaꞌa íkan na ñuu ivi yóꞌó, na ñaa ta na káni taꞌan xiꞌin Ndioxi ku na? Saa chi ndiꞌi naꞌa, na kútoo ni ikan ya väꞌa íkan na ñuu ivi yóꞌó, ta ndúu na naꞌa, na sâa ini xíni Ndioxi.

2 Timoteo 3:12

Ta xa xíni yo, na kúni kundikun ichí Tata yo Jesucristo, ta ndee ni va kundoꞌo na ikan naꞌa, na köo xíni tuꞌun ra.

San Marcos 13:13

Ndiꞌi ni kúu na kundasi nuu na kuni na ndóꞌo̱ xaꞌa ya ndíkun ndo yeꞌe. Ta ndiꞌi ndo köo síndoo ndo ichí i, ndíkun vaꞌa ndo ya nda nuu sindiꞌi ya tixuꞌvi ndo ñuu ivi yóꞌó. Saa sikaku Ndioxi ndóꞌo̱ kutaku ndo ndiꞌi saa kivi ya vaxi.

ROMANOS 8:7

Naꞌa na ndíkani ini xaꞌa ya väꞌa ya kútoo ni mií ikin kuñu na ikan ya, na ikán, ta na káni taꞌan xiꞌin Ndioxi ku na. Chi köo xíin na xaa súvi na ley ra, ta ni köo kúu mií na ndee xaa súvi na ya.

San Juan 16:33

Soꞌva káꞌan i xiꞌin ndo ya ná kündiꞌi ini ndo, ta tuun ni kundikun ndo yeꞌe saa koo vaꞌa ni ini ndo. Saa chi kixi ni tindoꞌo nuu ndo ñuu ivi yóꞌó, sundi kundaa ni ini ndo kuni ndo yeꞌe, saa chi yeꞌe ta xa ku̱chiñu i xa̱a kanaa i ñuu ivi yóꞌó ―káchi Jesús.

San Juan 7:7

Chi ndóꞌo̱ ta küvi kundasi nuu na ñuu ivi yóꞌó kuni na ndóꞌo̱, ta yeꞌe kúndasi nuu va na xíni na yeꞌe, chi káꞌan teꞌe i xiꞌin na xaꞌa ya väꞌa íkan na.

San Lucas 6:22

’Vaꞌa ni kée ndo tá tu kúndasi nuu naꞌa xíni na ndóꞌo̱, köo xíin ka na kaꞌan na xiꞌin ndo, káꞌan uꞌvi na xaꞌa ndo, chínuu kuéꞌe na tuꞌun ndo xaꞌa ya kándixa ndo yeꞌe, ra kú Taa ra xa̱a ñuu ivi yóꞌó.

San Mateo 24:9

’Ta kivi ikán tiin na ndóꞌo̱ kuꞌun ndo xiꞌin na, ta nditaxi na ndóꞌo̱ ndaꞌa na chiñu ya xaa nduvaꞌa ni na xiꞌin ndo, ta kaꞌni na sava ndo. Ta ndiꞌi naꞌa kundasi nuu na kuni na ndóꞌo̱ xaꞌa ya ndíkun ndo yeꞌe.

San Mateo 10:22

Ta ndiꞌi ni kúu naꞌa kundasi nuu kuni ndóꞌo̱ xaꞌa ya ndíkun ndo yeꞌe, sundi ndóꞌo̱ ta sïndoo ndo ichí i ya ndíkun ndo yeꞌe, chi saa kua kuchiñu ndo kaku ndo.

Los Hechos 3:12

Tá xi̱ni ra Pedro ndiꞌi na ikán, ta ndi̱kaꞌan ra xiꞌin na káchi ra saa: ―Ndóꞌo̱ na taꞌan yo, na Israel, ¿ndachu ndíkanda ni ini ndo xíto ndo ya ndo̱ꞌo ra yóꞌó? saa xíto ni ndo nuu nde ¿Án vaꞌa ni taa kúu nde yakan vaꞌa si̱ndaꞌa nde ra, káꞌán ndo? ¿Xiꞌin ndee mií nde si̱ndaꞌa nde ra, káꞌán ndo? Ta süvi saa íyo ya.

San Juan 16:2

Chi vaxi kivi ta tava ndaꞌa na chiñu naꞌnu nuu na judío ndóꞌo̱ ini veꞌe ñuꞌu sinagoga. Ta saa ni kuni na kaꞌni na ndóꞌo̱, saa chi tá íkan na saa xiꞌin ndo ta vaꞌa ni xáa súvi na ya kúni Ndioxi, kaꞌán na.

San Juan 3:7

Ta ndïkanda ini un xaꞌa ya káꞌan i xiꞌin un ya xíniñuꞌu ndikaku uvi tuku naꞌa.

El Apocalipsis 17:7

Saa ndi̱kanda ni ini i xaꞌa ya xi̱ni i yá ñaꞌa ikán. Ñaa ndi̱kaꞌan tatun xiꞌin i, káchi ya saa: ―¿Ndachu ndíkanda ni ini un? Vitin ndituꞌun i xiꞌin un unkua kúni kachi yá ñaꞌa yóꞌó, ta unkua kúni kachi kiti ìyo ni káa, kiti yóso yá, rí íyo uxa xiní ta uxi ku ndikin ri.