1 Juan 2:1 - Xochapa Mixteco

¹ Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

1 Juan 2:1 Referans Kwoze

1 Timoteo 2:5

Ta iindaa va ku Iva yo Ndioxi, ta iindaa ku tu taa ra si̱kitaꞌan mani yoo va xiꞌin Iva yo Ndioxi, ta taa ikán ku ra ku Tata yo Jesucristo.

ROMANOS 8:34

Ta ¿án ndá naꞌa káꞌan xaꞌa yo kuvi yo xaꞌa kuachi yo? Nda iin naꞌa küchiñu ikan saa xiꞌin yo, chi Jesucristo ku ra xa ndi̱xiꞌi xaꞌa kuachi yo, ta ndi̱taku ra, ta vitin íyo ra ñaꞌñu kuáꞌá Ndioxi, ta íyo ra xáku ndaꞌvi ra xaꞌa yo.

San Juan 14:6

Saa ndi̱kuiin Jesús ndi̱kaꞌan ra xiꞌin ra, káchi ra saa: ―Yeꞌe ku ra ku ichí, ta yeꞌe ku mií ya ndaa, yeꞌe ku ra táxi kutaku na. Nda iin na küvi kuꞌun nuu Iva i, tá tu süvi xiꞌna nuu yeꞌe vaxi na.

2 Corintios 5:21

Nda iin kuachi köo ndi̱kan Jesucristo, ta xaꞌa kuachi yoo kua si̱kuiso Ndioxi kuachi sata ra, ya ná kuchiñu yoo nduu yo tá íin naꞌa, na köo ka kuachi kúu mií nuu Ndioxi, xaꞌa ya ndi̱kitaꞌan yo xiꞌin Jesucristo.

1 Juan 4:4

Ñani yo, kuenta Ndioxi ku yo ta xa ku̱chiñu yo nuu na sáa ini xíni Tata yo, saa chi ndee ni ka Ndioxi ra íyo xiꞌin yo nuu tachi nduvaꞌa ya xáꞌnda chiñu nuu na ñuu ivi yóꞌó.

1 Juan 3:18

Ndóꞌo̱ ñani yo xiꞌin kuꞌva yo, tá íin seꞌe i saa íin ndo, ta káꞌan i xiꞌin ndo: Käꞌan ndo ndisaa tuꞌun mií xiꞌin taꞌan ndo, sundi ikan ndo ya vaꞌa xiꞌin ya ndaa nuu sínaꞌa ya ndixa kúꞌvi ini ndo xíni taꞌan ndo.

1 Juan 3:7

Na taꞌan yo, tá íin seꞌe i saa íin ndo, ta káꞌan i xiꞌin ndo täxi ndo sindaꞌvi naꞌa ndóꞌo̱. Chi na íkan ya ndaa ta na vaꞌa ku na, tá káa mií Tata yo Jesucristo ra vaꞌa ku ra.

San Juan 8:11

Saa ndi̱kuiin yá káꞌan yá: ―Köo ka nda iin nda, Tata ―káchi yá. Saa ndi̱kaꞌan Jesús xiꞌin yá káchi ra saa: ―Ni yeꞌe, ta köo táxi i kuachi xaꞌa un kuvi un. Vaꞌa, kuanuꞌu ta ïkan ka un ya väꞌa ―káchi ra xiꞌin yá.

HEBREOS 9:24

Saa chi veꞌe ñuꞌu nuu ndee ni I̱í ndi̱kiꞌvi Jesucristo, ta süvi na ñuu ivi yóꞌó ku na ndi̱sikuaꞌa ya. Chi ya si̱kuaꞌa na ivi yóꞌó, ta tá káa copia mií veꞌe ñuꞌu ya ndee ni vaꞌa íyo mií nuu ndivi saa káa ya si̱kuaꞌa na. Ta ikán ku nuu ndi̱kiꞌvi Jesucristo ini veꞌe ñuꞌu ya ndee ni vaꞌa ikán, káꞌan ndaꞌvi ra xaꞌa yo xiꞌin Ndioxi, ya ná xaa kaꞌnu ini ra xaꞌa yo.

1 Juan 3:5

Ta ndóꞌo̱ xa xíni ndo ya ki̱xi Tata yo Jesucristo ñuu ivi yóꞌó ki̱ndaa ra kuachi yo. Chi mií ra ta nda iin kuachi ra köo.

Efesios 2:18

Ta vitin xaꞌa ya i̱kan Jesucristo xaꞌa yo kua vaꞌa kuchiñu ndiꞌi ndaa yo kuyati yo nuu Iva yo Ndioxi tixin ndee Tachi I̱í ra.

San Juan 6:27

Xäa chiñu ndo xaꞌa ndisaa ya kuxi ndo, chi ya ñaa ta ya ndíꞌi xaꞌa va kua, sundi xaa chiñu ndo xaꞌa ya köo ndíꞌi xaꞌa, ya chindee ndóꞌo̱ koo ndo xiꞌin Ndioxi ndiꞌi saa kivi ya vaxi. Chi yeꞌe Taa ra xa̱a ñuu ivi yóꞌó ku ra kúu mií ichí ya taxi i ya ndaꞌa ndo, chi Iva i Ndioxi ku ra ta̱xi ichí ndaꞌa i ya ikan i saa ―káchi Jesús xiꞌin na.

1 Pedro 3:18

Saa chi saa kua ndo̱ꞌo tu mií va Tata yo Jesucristo xaꞌa yo, ndi̱xiꞌi ra xaꞌa kuachi yo, ta iindaa ichí ndo̱ꞌo ra ndi̱xiꞌi ra, ta küvi ka ra. Ra vaꞌa ni ndi̱xiyo ra, ta ndi̱xiꞌi ra xaꞌa ndiꞌi yo ivi kuachi ya kuchiñu kundaka ra yoo kuꞌun yo nuu Ndioxi. Tá ndi̱xiꞌi ra ta ndi̱ꞌi xaꞌa ikin kuñu ra, saa tá ndi̱taku ra xiꞌin ikin kuñu ra ya xa̱á küvi kuni yo.

Efesios 4:26

Yakan tá xáa ndo sáa ini ndo xiꞌin taꞌan ndo, ta vaꞌa kama sindiko ndo ini ndo, ta säa ndo inii nduvi ndaa xiꞌin taꞌan ndo.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

San Juan 10:15

Tá kuꞌva xíni Iva i yeꞌe, saa xíni vaꞌa tu mií va i ra ta íyo tuꞌva i kuvi i xaꞌa levo sana i.

San Juan 5:36

Sundi íyo inka ya ndíkuiin xaꞌa i, ta ndee ni ka ya ikán nuu ya ndi̱kaꞌan ra Juan. Ta ya ikán ku chiñu ya ndi̱kaꞌan Iva i Ndioxi xiꞌin i ikan i. Ta chiñu ikán ku ya ndíkuiin teꞌe xaꞌa i, ya ndixa kua ti̱ꞌvi Iva i yeꞌe vaxi i.

San Lucas 10:22

Ta saa ndi̱kaꞌan ka ra káchi ra saa: ―Iva i Ndioxi ta ta̱xi ra ichí ndaꞌa i xaꞌa ndiꞌi ñaꞌa. Ta nda iin naꞌa köo xíni ini yeꞌe ra kúu Seꞌe Ndioxi, iindaa mií Iva i Ndioxi ku ra xíni ini i, ta ni ini Iva i Ndioxi köo xíni na, iindaa yeꞌe ku Seꞌe ra ku i xíni ini ra, saa sínaꞌa i ra nuu na kúni mií i kuni taꞌan xiꞌin ra ―káchi Jesús.

1 Pedro 2:22

Nda iin kuachi ra köo ndi̱xiyo, ni köo ndi̱sindaꞌvi ra nda iin naꞌa.

1 Corintios 15:34

Ndikani vaꞌa ini ndo xaꞌa ñaꞌa íkan ndo, ta ndiko koo ini ndo xaꞌa ya väꞌa íkan ndo, saa ndikundikun ndo ichí vaꞌa. Saa chi sava ndo, vani xa ndíkun va ndo ichí Ndioxi, sundi täꞌan kuni taꞌan ndo xiꞌin ra. Xaꞌa ya ñaa kua káꞌan i xiꞌin ndo ya ná kukaꞌan nuu ndo. Ndá kuꞌva kua koo ikin kuñu yo tá ná nditaku yo

San Juan 5:14

Sindiꞌi ta ndi̱taꞌan Jesús ra ini veꞌe ñuꞌu, saa ndi̱kaꞌan ra xiꞌin ra: ―Koto un, vitin xa ndu̱vaꞌa un, ta ïkan ka un ndá ya ka ya väꞌa, saa chi koto ka ndoꞌo un ndá ka iin ya ndee vaꞌa ka ―káchi Jesús xiꞌin ra.

Santiago 1:27

Sundi ya vaꞌa ni va ku ichí Iva yo Ndioxi, ta ndiꞌi ndóꞌo̱, na ndíkun ra ta ya ndee ni xíniñuꞌu ndo ikan ndo nuu ra kua yóꞌó: Ná chindee taꞌan ndo xiꞌin na ndaꞌví vali, saa ná chindee taꞌan tu ndo xiꞌin ná síꞌi ná ndi̱ndoo ndaa, ta ná chindee ñaꞌa ndo xaꞌa tindoꞌo ya ndóꞌo ná, saa ná kundaa ni ndo mií ndo, ya ná ïkan ndo ya väꞌa taꞌan ya íkan na ñuu ivi yóꞌó.

1 Juan 5:21

Ñani yo, ndóꞌo̱ ta tá íin seꞌe i saa íin ndo. Ta ya yóꞌó ku tuꞌun ya sindiꞌi káꞌan i xiꞌin ndo: Küyati ndo nuu naꞌna ya káꞌan na xiꞌin kúu ndioxi, kuxika ndo nuu ya.

Santiago 3:9

Saa chi xiꞌin tuꞌun yo kua xáa kaꞌnu yo Iva yo Ndioxi ta suvi ni xiꞌin tuꞌun yo kua kátavi yo chiꞌña sata na taꞌan yo, na si̱kuaꞌa Iva yo Ndioxi, na íin tá kuꞌva káa mií ra.

ROMANOS 6:15

Ta vitin, ¿Án vaꞌa ikan ka ndo ya väꞌa? Chi köo íyo ka ndo tixin ley, sundi vitin ta ya xáꞌnda chiñu nuu ndo ku ya vaꞌa, ya kúꞌvi ni ini Ndioxi xíni ra ndóꞌo̱. Ta xaꞌa ya ñaa, ta ¿án vaꞌa ikan ni ka ndo ya väꞌa? ¡Nda loꞌo köo xíniñuꞌu ka ndo ikan ndo saa!

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

1 Timoteo 3:14

Ñani yo, Timoteo, kama ni va kúni i xaa i koto i yóꞌo̱, sundi xa tíꞌvi kuee i tutu yóꞌó xaa ya ndaꞌa un,

San Juan 21:5

Saa ndi̱kaꞌan ra xiꞌin nda, káchi ra saa: ―Ñani yo, ¿án xa ti̱in loꞌo ndo tiaka? ―káchi ra xiꞌin nda. Saa ndi̱kuiin nda káꞌan nda: ―Nda iin ri köo ndi̱tiin nde ―káchi nda.

San Juan 14:16

Ta yeꞌe nduku i ya mani nuu Iva i, ya ná tiꞌvi ra Tachi ra koo ya xiꞌin ndo Sindiko ya ini ndo, ta koo ya xiꞌin ndo ndiꞌi saa ichí.

Los Hechos 7:52

Saa chi xii sikua ndo ku na xa̱a nduvaꞌa ni xiꞌin nda ndi̱kaꞌan ndoso tuꞌun yuꞌu Ndioxi xinaꞌa, nda ndi̱tuꞌun xaꞌa taa ra xa íyo tuꞌun xaꞌa kixi. Ta ra ikán ku ra ti̱in ndo ndi̱taxi ndo ra ndaꞌa na sáa ini xíni ñaꞌa ta xa̱ꞌni na ra.

ROMANOS 5:10

Chi yachi tá íin yo ka̱nitaꞌan xiꞌin Ndioxi saa ndi̱xiyo yo, xaꞌa ya köo ndi̱xaa súvi yo ya káꞌan ra xiꞌin yo. Vani saa i̱kan yo, ta saa ni si̱kitaꞌan mani ra yoo xiꞌin mií ra, xaꞌa ya ti̱ꞌvi ra Seꞌe ra Jesucristo ki̱xi ra ndi̱xiꞌi ra xaꞌa yo. Ta ndisaa ka ví vitin sikaku ra yoo, chi xa ndi̱kitaꞌan mani yo xiꞌin ra.

1 Juan 5:17

Saa chi ndiꞌi kúu ya väꞌa íkan yo, ta kuachi ku ndiꞌi ya nuu Ndioxi. Sundi íyo kuachi ya köo síndiꞌi xaꞌa yoo.

3 Juan 1:4

Köo ka ya xáa sii ni ini i, ya kúsini ni i ku ya yóꞌó, saa chi yóꞌo̱ ta tá káa seꞌe i saa káa un, ta vaꞌa ni xíka un ichí ya ndaa.