1 Juan 1:8 - Xochapa Mixteco

⁸ Tá tu káꞌan yo köo kuachi yo, káchi yo, ta síndaꞌvi yo mií va yo, ta köo ya ndaa íyo ini yo.

1 Juan 1:8 Referans Kwoze

ROMANOS 3:23

Kuꞌva saa kua xi̱niñuꞌu Ndioxi i̱kan ra xiꞌin yo chi ndiꞌi ni kúu yo ndíso kuachi xaꞌa ya väꞌa íkan yo nuu ra. Ta xaꞌa ya ikán kua ku̱xika yo nuu ra, küvi kuyati yo koo yo xiꞌin ra nuu íyo ndiꞌi ya luvi ni yéꞌe̱.

Santiago 3:2

Chi ndiꞌi yo ta yo yáꞌa yuꞌú ku ndiꞌi va yo, ta naꞌa, na köo yáꞌa tuꞌun káꞌan, na ñaa ku na xa ndi̱xinu íyo vaꞌa ni nima na xiꞌin ra, yakan kuchiñu na kaꞌnda chiñu na nuu ndiꞌi ikin kuñu na.

1 Juan 2:4

Ndiꞌi na káꞌan: “Xíni i ini Ndioxi”, káchi na, ta köo xáa súvi na ya xáꞌnda chiñu ra nuu na, na ñaa, ta na vata va ku na, köo ya ndaa íyo ini na.

1 Juan 1:10

Tá tu káꞌan yo köo íkan yo ya väꞌa, ta tá káa ra vata saa ndása yo Iva yo Ndioxi, ta ni tuꞌun ra ya ndaa ta köo ya íyo ini yo.

Gálatas 6:3

Tá ndá ndóꞌo̱ ndíkani ini ya ndee ni ndáa yaꞌvi ndo túvi ndo, ta síndaꞌvi ndo mií va ndo, chi süvi ya ndixa kua.

Santiago 1:26

Tá ndá ndóꞌo̱ ndíkani ini ndee ni vaꞌa kándixa ndo Ndioxi, ta köo ndi̱xita ndo mií ndo nuu ya väꞌa káꞌan ndo, ta síndaꞌvi ndo mií va ndo, chi süvi ya ndaa kua káꞌan ndo ndíkun ndo Ndioxi.

1 Timoteo 6:5

ndiꞌi saa ichí kánitaꞌan nda xiꞌin tuꞌun ya köo ndáa yaꞌvi. Chi köo ka vi ya xínituni nda, nda xa ndi̱yaꞌa vaꞌa ini va ku nda, köo xíni nda ya ndaa, köo íyo vaꞌa ka ini nda, xaꞌa ya ikán kua ku̱xika nda nuu ya ndaa. Saa ndíkani ini nda ya ndukuika ni nda xaꞌa ya ndíkun nda ichí Tata yo Jesucristo. Ta kütaꞌan un xiꞌin nda ñaa, vaꞌa kuxika un nuu nda.

1 Corintios 3:18

Sïndaꞌvi ndo mií ndo. Tá ndá ndóꞌo̱ ndíkani ini ya ndíchi ni ndo, chi xíni ni ndo xiꞌin ya ndíchi íyo ñuu ivi yóꞌó túvi ndo, ta vaꞌa xíniñuꞌu ndo ndasa ndo mií ndo tá kuꞌva íin naꞌa, na köo xíni, ta saa kua ndixa nduu ndo naꞌa, na ndee ni ndíchi.

2 Juan 1:2

Ta saa ndeꞌe kúꞌvi ni ini nde xíni nde ndóꞌo̱, saa chi íyo ya ndaa ini yo vitin, ta saa koo ya xiꞌin yo ndiꞌi saa tiempo ya vaxi.

1 Juan 1:6

Tá tu káꞌan yo iin yuꞌu ku yo xiꞌin ra, káchi yo, ta íkan yo ñaꞌa väꞌa, ta kúni kachi ya: yo vata ku yo. Ta tá káa yo xíka nuu naá saa íin yo, ta köo íkan yo ya ndaa.

Santiago 1:22

Ta süvi ndisaa xíniñuꞌu ndo kuni soꞌo ndo tuꞌun Ndioxi. Ndóꞌo̱ ta xíniñuꞌu ndo xaa súvi ndo ya káꞌan ya. Chi tá ndisaa xíni soꞌo ndo ya, ta köo xáa súvi ndo ya káꞌan ya, ta síndaꞌvi ndo mií va ndo.

2 Timoteo 3:13

Ta naꞌa, na íkan ya väꞌa xiꞌin nda síndaꞌvi naꞌa, ta iin iin kivi ndúkuaꞌa ka ya väꞌa íkan na, saa síndaꞌvi ka na naꞌa, ta saa síndaꞌvi tu naꞌa mií va nda.

3 Juan 1:3

Ku̱sini ni i tá ki̱xi sava na taꞌan yo, chi ndi̱tuꞌun na xiꞌin i xaꞌa un ya ndinuꞌu ni ini un xíka un ichí ya ndaa.

2 Pedro 2:13

Ta ndee ni kundoꞌo nda xaꞌa ya väꞌa íkan nda chi kúsini ni nda ya íkan nda saa xiꞌin ikin kuñu nda. Ta ni köo xáꞌnu nda mií nda, nduvi teꞌe íkan nda saa nuu ndiꞌi naꞌa. Tá kivi táva ndo viko ta kána ndo nda xáa nda xíxi xíní nda xiꞌin ndo, ta xaꞌa ya kaꞌa̱n ni nuu íkan nda kua sítivi ndiꞌi nda viko ndo.

San Juan 8:44

Kiti nǎꞌa va ku iva ndo: Seꞌe ri ikán va ku ndóꞌo̱ yakan kúni ndo ikan ndo ya íkan ri ikán. Saa chi ri ikán ta nda tá xaꞌa vi xa̱á ri xáꞌni ri ndìì. Ta nda iin ichí köo íkan ri ya ndaa, ta ni köo káꞌan ri ya ndaa. Tá káꞌan ri ya siki ta ndínaꞌa ri mií ri ya saa íyo ri, ta ri ikán ku iva siꞌí ndiꞌi ya vata.

ROMANOS 3:10

Tá kuꞌva káꞌan tuꞌun Ndioxi ya ta̱a na xinaꞌa, káchi ya saa: “Köo nda iin mituꞌun naꞌa, na ndaa ni ini nuu Ndioxi, nda iin mituꞌun na köo.

1 Juan 4:20

Tá tu ndá na káꞌan: “Kúꞌvi ni ini i xíni i Ndioxi”, káchi na, ta kúndasi nuu na xíni na ñani taꞌan na, ta na ñaa ta na vata ku na. Saa chi tá tu köo kúꞌvi ini na xíni na ñani taꞌan na, na xíto na nuu, ta küvi kuꞌvi ini na kuni na Ndioxi, ra täꞌan kuni na.