1 Corintios 9:25 - Xochapa Mixteco

²⁵ Tá kúu ndiꞌi naꞌa, na xínu, xíka na xínu na ya síkuaꞌa na keꞌe taꞌan na xiꞌin inka naꞌa, ta xáꞌnu ini na xiꞌin ñaꞌa ya köo chíndee taꞌan xiꞌin na. Íkan na saa xaꞌa ya kúni na niꞌi na ñaꞌa, sundi ya ikán na ta ya ndíꞌi xaꞌa va ku ya. Ta ñaꞌa ya niꞌi yoo, ta nda iin kivi köo ndíꞌi xaꞌa ya.

1 Corintios 9:25 Referans Kwoze

2 Timoteo 2:5

Ta saa tu íyo iin taa ra kuaꞌan ku̱nu, ra kéꞌe taꞌan xiꞌin inka ra, ta xíniñuꞌu ra ikán xaa súvi ra ndiꞌi chiñu ya táꞌnda nuu ndiꞌi naꞌa, na xínu, saa vaꞌa kuchiñu ra xinu koo ra niꞌi ra ñaꞌa ya taxi na ndaꞌa ra.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

1 Timoteo 6:12

Xaꞌa ya ndáa ni ini un xíni un Tata yo Jesucristo, ta tá káa iin ra kéꞌe taꞌan saa káa un, chikaa ni ka un ndee ikan un tá kuꞌva íkan iin ra lapa ra ndee ni chíkaa ndee tá kuaꞌan ra nuu kuachi. Ta saa ikan un ya ná kuchiñu un niꞌi un koo un xiꞌin Ndioxi ndiꞌi saa kivi ya vaxi. Chi xaꞌa ya kutaku un xiꞌin ra kua ka̱na ra yóꞌo̱, ta nuu ndiꞌi na kua ki̱ndoo un ya xaa súvi un tuꞌun ra ya kándixa un.

El Apocalipsis 3:11

Kama ni ndiko koo i, yakan ni ndóꞌo̱ ta sïndikoo ndo ya ndíkun ndo ichí i, ya ná kïxi inka naꞌa kindaa na ñaꞌa ya taxi Ndioxi ndaꞌa ndo.

Santiago 1:12

Vaꞌa ni kée naꞌa, na kúndee ini xiꞌin tindoꞌo vaxi nuu na, saa chi Ndioxi ta taxi ra kutaku na xiꞌin ra ndiꞌi saa kúu kivi. Tá íyo ya ndi̱kaꞌan ra xiꞌin naꞌa, na kúꞌvi ni ini ra xíni ra, saa koo ya ikan ra xiꞌin na, niꞌi na ichí kutaku na xiꞌin ra.

2 Pedro 1:6

Tá kúndaa vaꞌa ini ndo xaꞌa ra, ta ndixita ndo mií ndo nuu ya väꞌa, ta xaꞌa ndee ni ini ndo xiꞌin ndiꞌi ñaꞌa, saa xaa toꞌo ni ndo Ndioxi.

1 Pedro 5:4

Saa chi tá ná ndiko koo Tata yo Jesucristo, ra ndáa yoo, ra chee nuu yo, ra íyo tá íyo nda ndáa levo, ta saa kua niꞌi yo iin corona ya ndee ni luvi ta nda iin ichí ndïꞌi xaꞌa ya.

1 Pedro 1:4

ndikiꞌin yo iin ya vaꞌa ni, ya chi̱vaꞌa ra xaꞌa yo íyo ya nuu ndivi. Ta ya ikán ta nda iin kivi tïvi ya, ni küu yakua ya, nda iin kivi ndïꞌi xaꞌa ndee kúu mií ya.

Gálatas 5:23

saa táxi tu ya ndúu yo na vita ini, ta táxi tu ya ndúu yo na xáꞌnu ini nuu ya väꞌa. Ta köo ley ya ndíkasi nuu yo ya ikan yo taꞌan ya yóꞌó.

HEBREOS 12:28

Nuu xáꞌnda chiñu Ndioxi, nuu koo yo xiꞌin ra kua ndoo koo chi küvi kanda ya ikán kutaꞌa ya. Yakan kua ná taxi ni yo tixaꞌvi ndaꞌa ra, ta saa ná xaa kaꞌnu ni yo ra tá kuꞌva kútoo mií ra, xaꞌa ya íꞌvi yo xíni yo ra.

HEBREOS 12:4

Chi ndóꞌo̱, vani ndee ni kánitaꞌan ndo xiꞌin tindoꞌo ya vaxi nuu ndo, sundi nda iin ndo täꞌan kuvi xaꞌa ya kánitaꞌan ndo xiꞌin ya väꞌa, köo ndóꞌo ndo tá kuꞌva ndo̱ꞌo mií Tata yo Jesucristo ndi̱xiꞌi ra xaꞌa yo.

1 Corintios 15:54

Yakan tá ná kuu saa xiꞌin ikin kuñu yo ya ndíꞌi xaꞌa, ta saa kua xinu tuꞌun Ndioxi ya ta̱a na xinaꞌa, káchi ya saa: “Xa ndi̱ꞌi xaꞌa ndee ya xáꞌni naꞌa, chi Ndioxi ta ku̱ndee ra nuu ndee ikán.

El Apocalipsis 4:10

Ta iin káchi káꞌan kumi saa ya táku ikán xáa kaꞌnu ya Ndioxi, ta saa tu oko kumi saa na xikuaꞌa, na ndi̱kava nduu ndóo sata tai ra, síkusiti na nuu ra xáa kaꞌnu ñaꞌa na, ta ki̱ndaa na corona ya oro ínuu xiní na, ki̱ꞌin na ya chi̱ndoo na nuu ra, ya xáa kaꞌnu ñaꞌa na, saa káꞌan na xiꞌin ra káchi na saa:

El Apocalipsis 4:4

Ta nuu ndíchi tai toꞌo chee ikán ndíta ka oko kumi tai toꞌo, ndi̱kava nduu ndiꞌi nu sata itun tai toꞌo chee ikán, ta ndóo oko kumi na xikuaꞌa nuu nu, yaa ka vi toto ndíxi iin iin na xikuaꞌa ikán, saa ínuu iin corona ya oro xiní iin iin na.

Tito 1:8

Ya ndee ni xíniñuꞌu nda ikan nda kua yóꞌó, ná koo ndúvi nda ndikuiso vií nda naꞌa veꞌe nda, na xíniñuꞌu chindee taꞌan nda xiꞌin, saa ná kutoo nda ikan nda ya vaꞌa, káxin ni ná koo ini nda, vaꞌa ná koo ini nda, i̱í ná koo nda, ná ndixita nda mií nda nuu ya väꞌa.

Tito 2:2

Saa sinaꞌa un nda ñani yo, nda xikuaꞌa, ya ná koo kaxin ni ini nda, ná koo ni ya toꞌo nda, ndá ya íkan nda ta xiꞌna ná ndikani vaꞌa ini nda saa ikan nda ya. Saa sinaꞌa un nda ndee ni ná kundaa ini nda kuni nda Tata yo Jesucristo ya taxi ra ndee ndaꞌa nda, saa ná kuꞌvi ni ini nda kuni taꞌan nda, ta káꞌnu ni ná koo ini nda xiꞌin taꞌan nda.