1 Corintios 9:19 - Xochapa Mixteco

¹⁹ Vani xa kúu mií i ichí ikan i ndiꞌi ñaꞌa ya kúni mií i, sundi tá káa ra sa̱ta na xáa chiñu nuu ndiꞌi na, saa nda̱sa i mií i, xaꞌa ya kúni i ná kuchiñu i chindee taꞌan i xiꞌin kuaꞌa ni ka naꞌa ya ná kandixa na Tata yo Jesucristo.

1 Corintios 9:19 Referans Kwoze

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

San Mateo 18:15

Saa ndi̱kaꞌan ka Jesús xiꞌin na, káchi ra saa: ―Tá íyo iin ra ñani un, ta íkan ra ya väꞌa xiꞌin un, ta vaꞌa kuꞌun iin mií un kaꞌan un xiꞌin ra ndá xaꞌa kua íkan ra saa xiꞌin un. Tá xi̱ni soꞌo ra ya ndi̱kaꞌan un xiꞌin ra, ta vaꞌa ni ke̱e un chi si̱xinu un ini ra ndi̱kitaꞌan vaꞌa ra xiꞌin un.

1 Corintios 10:33

Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.

1 Timoteo 4:16

Ta kuenta ni koo un xaꞌa kuꞌva íyo un xiꞌin kuꞌva ya sínaꞌa un na, kundiꞌi ni ini un xaa súvi un ya, chi tá vaꞌa íkan un ta síkaku un mií un xiꞌin na xíni soꞌo ya káꞌan un.

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.

2 Corintios 4:5

Tá káꞌan ndoso nde tuꞌun vaꞌa xaꞌa Jesucristo xiꞌin naꞌa, ta süvi xaꞌa mií nde kua káꞌan nde xiꞌin na, chi xaꞌa mií Jesucristo kua káꞌan nde xiꞌin na, ya kúu ra Tata yo. Ta ndeꞌe, tá íin moso ndo, na xáa chiñu nuu ndo, saa íin nde. Ta xaꞌa Tata yo Jesucristo kua íkan nde saa.

ROMANOS 15:2

Saa xíniñuꞌu iin iin yo ikan yo xiꞌin na taꞌan yo, ná ndikani ini yo unkua vaꞌa ikan yo xiꞌin na ya koo vaꞌa ini na. Tá íkan yo saa xiꞌin na, ta chíndee taꞌan yo xiꞌin na xáꞌnu ka na xiꞌin tuꞌun Ndioxi, ta ndúndee ka ya ini na, ndáa ni ini na xíni na Jesucristo.

1 Pedro 3:1

Saa ndóꞌo̱ kuꞌva yo, ndóꞌo̱ xa ti̱ndaꞌa, íyo ií, ta xaa toꞌo ndo ií ndo. Chi sava ií ndo ta täꞌan kandixa nda tuꞌun Tata yo, tá ná kuni nda ya vaꞌa ni íkan ndo, ta nda iin tuꞌun köo xíniñuꞌu ndo kaꞌan ndo xiꞌin nda,

1 Corintios 9:1

¿Án köo xíni ndo ya kúu i ra ka̱na Tata yo Jesucristo xáa chiñu i nuu ra? Ta íyo ichí i ikan i tá kuꞌva íkan inka nda xáa chiñu nuu ra. Chi yeꞌe ta xi̱ni xiꞌin nuu i ra. Ta ndóꞌo̱ ku ndo íin tá íin chiñu vaꞌa ni íkan i xáa chiñu i, chi tá ndi̱tuꞌun i tuꞌun vaꞌa xaꞌa Tata yo Jesucristo xiꞌin ndo kua ka̱ndixa ndo ra.

ROMANOS 1:14

Xaꞌa ya vaꞌa ni íkan Jesucristo xiꞌin i, yakan ndee ni xíniñuꞌu i kaꞌan ndoso i tuꞌun vaꞌa xaꞌa ra xiꞌin ndiꞌi naꞌa, na káꞌan tuꞌun griego tin na köo káꞌan tuꞌun griego, na ndíchi ni xiꞌin na köo xíni kaꞌvi, ndiꞌi na yóꞌó ku na xíniñuꞌu ni i kaꞌan i xiꞌin.

Gálatas 5:1

Na taꞌan yo, xaꞌa ya sa̱ña Jesucristo yoo yakan vaꞌa íyo ndíka yo. Kuenta ni koo ndo, tuun ni kundikun ndo ichí nuu íyo ndíka ndo, ta täxi ndo nduu tuku ndo naꞌa, na íin tá íin naꞌa, na sa̱ta na xáa chiñu nuu na xiꞌin ya nduxa.

1 Corintios 7:16

Saa chi yóꞌo̱, íyo ií, ta ni köo xíni un án sikaku un ií un xaꞌa ndiꞌi ñaꞌa íkan un tá ná koo ra xiꞌin un. Ta saa tu yóꞌo̱, íyo yá síꞌi, ni köo xíni un án kuchiñu un sikaku un yá síꞌi un xaꞌa ndiꞌi ñaꞌa íkan un, tá ná koo yá xiꞌin un.

ROMANOS 11:14

Yakan ndee ni ndíkundee i káꞌan ndoso i tuꞌun ra xiꞌin ndo, chi kúni i ná ndukuiñu xiní na ñuu i kuni na ndóꞌo̱, ta saa ndiko koo na nuu Ndioxi ya sikaku ra sava na.

1 Corintios 10:29

Süvi xaꞌa ndóꞌo̱ káꞌan i ya ndikani väꞌa ini ndo, xaꞌa naꞌa, na xíto ya íkan ndo saa kua káꞌan i. Chi na ikán ta án sana ndikani ini na ya köo xíniñuꞌu ndo ikan ndo saa. Chi yeꞌe, vani xa íyo ndíka i ya kuxi i ndiꞌi va ñaꞌa, sundi yeꞌe, ta xáꞌnu va ini i xaꞌa ya ndíkani ini na taꞌan yo, na vita ini.

2 Corintios 4:15

Ta ndiꞌi ya yóꞌó kua ndóꞌo nde ya ná nduu kuaꞌa ni naꞌa niꞌi ya vaꞌa nuu Ndioxi. Ta xaꞌa ya kuaꞌa ni na xi̱ni soꞌo tuꞌun Ndioxi ya ndi̱kaꞌan ndoso nde xiꞌin na yakan ndu̱u kuaꞌa ni na taxi tixaꞌvi ndaꞌa ra, saa xaa kaꞌnu ni na ra.

2 Corintios 12:14

Ta vitin ta xa íyo ndúvi tuku i xaa i koto i ndóꞌo̱ ichí uni. Ta köo kúni i sindiꞌi i ini ndo ya chindee taꞌan ndo xiꞌin i. Chi yeꞌe, ta köo ndúku i ñaꞌa ya kúu mií ndo nuu ndo, mií va ndo ku ndo ndíꞌi ini i xaꞌa. Chi na iva siꞌí va ku na xíniñuꞌu nduku xuꞌun ya kuniñuꞌu na vali seꞌe na, ta süvi seꞌe vali na ku na xíniñuꞌu nduku xuꞌun xaꞌa iva siꞌí na.