1 Corintios 7:25 - Xochapa Mixteco

²⁵ Ta xaꞌa nda kuâán xiꞌin ná kuâán taki ná täꞌan tindaꞌa, ta köo ñaꞌa ndíxaꞌnda chiñu Tata yo nuu i xaꞌa na. Sundi vaꞌa va kaꞌan i xiꞌin ndo ndá kuꞌva ku ya ndíkani ini i, saa chi ta̱xi Tata yo ya xínituni i ndaꞌa i xaꞌa ya kúndaꞌvi ni ini ra xíni ra yeꞌe.

1 Corintios 7:25 Referans Kwoze

1 Corintios 7:6

Ya káꞌan i tuꞌun yóꞌó xiꞌin ndo ta süvi yeꞌe xáꞌnda chiñu ku i nuu ndo ya ikan ndo saa, yeꞌe ndíkani va ku i nuu ndo.

1 Corintios 4:2

Xa xíni yo, iin naꞌa, na ndíso chiñu xiꞌin ñaꞌa ya ta̱xi Ndioxi ndaꞌa na, ta xíniñuꞌu na kuu na naꞌa, na ndaa ini, na ndixa xáa súvi chiñu ndi̱kiꞌvi ndaꞌa na.

1 Corintios 7:40

Sundi, vaꞌa ni ka va koo yá tá tu ná tïndaꞌa tuku yá. Soꞌva ndíkani ini yeꞌe, chi mií Tachi I̱í Ndioxi ku ya táxi ya ndíchi ndaꞌa i ndíkani ini i saa.

1 Corintios 7:12

Ta ya yóꞌó ku ya ndítuꞌun i xiꞌin ndiꞌi ndo. Yeꞌe ku i káꞌan xiꞌin ndo, süvi ya káꞌan Tata yo ku ya: Tá ndá iin ñani yo íyo yá síꞌi ra ta täꞌan kandixa yá síꞌi ra tuꞌun Tata yo Jesucristo, ta kúni va yá koo yá xiꞌin ra, ta saa ná koo ra xiꞌin va yá, ná käꞌnda ra tutu xiꞌin yá.

2 Corintios 11:17

Xaꞌa ya káꞌan vaꞌa i xaꞌa mií i ta nda tá káa iin ra kíꞌvi saa káa i, xaꞌa ya chínuu vaꞌa i tuꞌun i, chi süvi xiꞌin ichí táxi Tata yo Jesucristo ndaꞌa i kua káꞌan i, ya káꞌan i saa.

2 Corintios 2:17

Ndeꞌe, ta köo kíꞌin nde yaꞌvi nde xaꞌa ya ndítuꞌun nde tuꞌun Ndioxi xiꞌin naꞌa, tá kuꞌva íkan sava na, chi síndaꞌvi na ivi. Sundi ndeꞌe, ta ndaa ni ndítuꞌun nde xiꞌin na. Nuu Ndioxi káꞌan nde xiꞌin na, chi mií ra ku ra ti̱ꞌvi ndeꞌe kaꞌan ndoso nde xaꞌa ra, xaꞌa ya xa iin ndi̱kitaꞌan nde xiꞌin Jesucristo.

1 Corintios 15:10

Ta xaꞌa ya vaꞌa ni Ndioxi xiꞌin i kua kúu i apóstol tá kuꞌva íyo i vitin, saa ni xaꞌa ya vaꞌa ni ra xiꞌin i kua chíndee ra yeꞌe vaꞌa xáa súvi i chiñu nuu ra. Ta yeꞌe, ndee ni ka xáa chiñu i nuu tá kúu ndiꞌi nda taꞌan i, nda xáa chiñu nuu ra. Ta süvi xiꞌin ndee mií i kua xáa chiñu i, chi mií Ndioxi va ku ra chíndee taꞌan xiꞌin i xáa súvi i ya xaꞌa ya kúndaꞌvi ni ini ra xíni ra yeꞌe.

1 Corintios 7:34

Saa íkan tu ná síꞌi va, chi ná síꞌi kuâán ná köo ií, ta ndíꞌi ni ini ná ndá kuꞌva koo ndu i̱í ka ya vaꞌa ná xiꞌin ikin kuñu ná nuu Ndioxi. Ta ná síꞌi íyo ií ta ndíꞌi ni ini ná ikán xaꞌa ñaꞌa ya íyo ñuu ivi yóꞌó, chi kúni ná xaa sií ná ini ií ná.

1 Corintios 7:28

Tá tu kúni tu nda ñani yo nda kuâán tindaꞌa nda, ta vaꞌa ná tindaꞌa va nda, köo kuachi xaꞌa ya. Tá tu kúni tindaꞌa tu ná kuâán taki, ta vaꞌa ná tindaꞌa va ná, köo kuachi íyo xaꞌa ya. Sundi tá ná tindaꞌa ná vitin ta ndoꞌo va ná, xaꞌa ya köo kúni i ndoꞌo ná yakan káꞌan i saa xiꞌin ná.

1 Corintios 7:10

Saa xáꞌnda chiñu i nuu na xa ti̱ndaꞌa, süvi mií i káꞌan xiꞌin ndo, Tata yo Jesucristo ku ra xáꞌnda chiñu nuu ndo: “Ná síꞌi, ta ná sïndikoo ná ií ná”.