1 Corintios 7:17 - Xochapa Mixteco

¹⁷ Ta vaꞌa koo ndo tá kuꞌva chi̱tuni mií Tata yo ta̱xi ra ndaꞌa ndo. Taꞌan ya káꞌan i xiꞌin ndo ku ya káꞌan i xiꞌin tá kúu ndiꞌi ni kúu naꞌa, na veꞌe ñuꞌu.

1 Corintios 7:17 Referans Kwoze

1 Corintios 4:17

Xaꞌa ya ñaa kua tíꞌvi i ra Timoteo ñani yo xaa ra nuu ndo, vaꞌa ni ítaꞌan ra xiꞌin i. Nda tá káa seꞌe i saa káa ra, kúꞌvi ni ini i xíni i ra xaꞌa ra ya ndíkun ra Tata yo Jesucristo. Ta ra ñaa ku ra ndituꞌun xiꞌin ndo, sindikaꞌán ra ini ndo ndá kuꞌva íyo i, ta kuꞌva saa sínaꞌa i naꞌa ndiꞌi ni kúu veꞌe ñuꞌu.

1 Corintios 7:24

Ñani yo xiꞌin kuꞌva yo, tá íyo ndo tá kivi ka̱na Ndioxi ndóꞌo̱, saa koo ndo nda kivi vitin ya kundikun ndo ra.

2 Corintios 8:18

Ta saa tíꞌvi nde iin ra ñani yo xaa ra xiꞌin ra, ta ra ñani yo yóꞌó ku ra ndee ni vaꞌa ínuu tuꞌun nuu ndiꞌi na veꞌe ñuꞌu xaꞌa ya ndee ni vaꞌa xáa chiñu ra xaꞌa tuꞌun Ndioxi.

2 Corintios 11:28

Ta kuaꞌa ni ka tindoꞌo ki̱xi nuu i, ta ndiꞌi saa ichí íyo ni ya síndiꞌi ini i, chi ndee ni ndíꞌi ini i xaꞌa ndiꞌi na kándixa Jesucristo na ndóo kuaꞌa ni ñuu.

1 Corintios 7:18

Saa tu ndá sava nda ñani yo, ta xa kúu mií nda tuni Ndioxi tá ka̱na ra nda, ta vaꞌa saa ná koo va nda. Tá ndá sava tu nda ñani yo köo tuni Ndioxi kúu mií nda, ta vaꞌa saa ná koo va nda.

1 Corintios 7:7

Ya vaꞌa ni va kua ná kindoo kuâán ndiꞌi ndóꞌo̱ nda taa, ná tïndaꞌa ndo, tá kuꞌva káa yeꞌe, íyo kuâán i. Sundi süvi ndiꞌi yo ndi̱niꞌi taꞌvi kindoo kuâán yo. Süvi iin káchi íyo ndiꞌi yo.

1 Corintios 14:33

Saa chi Ndioxi ta köo kútoo ra ya iin ndá síso kaꞌan ndiꞌi yo, chi ya kúni ra kua vívií ná koo ndiꞌi yo, tá kuꞌva íyo ndiꞌi na ñani yo, na veꞌe ñuꞌu, saa ná koo yo.

San Mateo 19:12

Íyo sava nda taa ta köo tíndaꞌa nda saa chi xa saa ndi̱niꞌi taꞌvi nda tá ka̱ku nda, íyo tuku nda köo tíndaꞌa nda saa chi ndi̱taꞌnda nda i̱kan naꞌa. Ta íyo tuku sava nda xa saa chi̱kaa ini nda tïndaꞌa nda, saa chi kúni nda xaa chiñu nda nuu Ndioxi. Ndiꞌi taa nda kíꞌin kuenta kuchiñu nda koo nda saa, ta vaꞌa ná koo nda saa ―káchi Jesús.

1 Corintios 16:1

Ta vitin kúni i ndituꞌun i xiꞌin ndo xaꞌa xuꞌun ya ndíkaya nde kuaꞌan ndaꞌa na ndaꞌvi kándixa Jesús ndóo ñuu Jerusalén. Ta vaꞌa ikan ndo tá kuꞌva íkan na veꞌe ñuꞌu ndóo estado Galacia, chi na ikán tá kuꞌva ndi̱kaꞌan i xiꞌin na saa íyo ya íkan na.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Corintios 11:16

Tá ndá na kúni sikuaꞌa kuachi xaꞌa ya yóꞌó, ta xíniñuꞌu na kundaa ini na ya ñaa kua sínaꞌa i naꞌa ndiꞌi ni kúu veꞌe ñuꞌu, ta kuꞌva saa kua kándixa ndiꞌi va na.

1 Corintios 11:34

Tá ndá ndóꞌo̱ káꞌun ni ini, ta vaꞌa kuxi ndo veꞌe ndo, ya ná sïndoꞌo Ndioxi ndóꞌo̱. Tá ná xaa i koto i ndóꞌo̱ ta saa ndituꞌun ka yo xaꞌa inka tindiꞌi ini ya ndóꞌo ndo.

Gálatas 1:22

Ta tiempo ikán ta nda iin na ñani yo, na veꞌe ñuꞌu ndóo ñuu Judea, täꞌan kuni taꞌan nda iin na xiꞌin i.

1 Tesalonicenses 2:14

Ñani yo, ndóꞌo̱ ta ndee ni ndóꞌo ndo íkan na ñuu mií ndo, tá ndóꞌo na ñani yo na veꞌe ñuꞌu Iva yo Ndioxi, na ndíkun Jesucristo ndóo estado Judea, saa ndóꞌo tu ndóꞌo̱ va, chi na ikán ta ka̱nitaꞌan ni na judío taꞌan mií na xiꞌin na.

2 Tesalonicenses 1:4

Ta ndeꞌe, ta ndee ni kúsini nde xiꞌin ndo, saa ndítuꞌun nde xiꞌin na ñani yo, na veꞌe ñuꞌu nuu kuaꞌan nde, káꞌan nde xaꞌa ndo xiꞌin na ya ndee ni ñúꞌu ndo nuu tindoꞌo, tíxuꞌvi ni ndo. Vani saa ndóꞌo̱ ndo ta ndee ni ndáa ini ndo xíni ndo Tata yo Jesucristo, xáꞌa ni ndo ndee kuaꞌan ndo ichí ra.