1 Corintios 7:11 - Xochapa Mixteco

¹¹ Sundi tá ná sindikoo ná ií ná, ta ná tïndaꞌa ka ná, án vaꞌa ka ná ndiko koo tuku ná xiꞌin ií ná. Saa tu nda taa va, ná käꞌnda nda tutu xiꞌin ná síꞌi nda.

1 Corintios 7:11 Referans Kwoze

1 Corintios 7:10

Saa xáꞌnda chiñu i nuu na xa ti̱ndaꞌa, süvi mií i káꞌan xiꞌin ndo, Tata yo Jesucristo ku ra xáꞌnda chiñu nuu ndo: “Ná síꞌi, ta ná sïndikoo ná ií ná”.

San Marcos 10:2

Saa ku̱yati sava nda fariseo ndi̱xaa nda nuu ra ya xíto ndoso nda ra yakan kéꞌe ñaꞌa nda, káꞌan nda xiꞌin ra án kuchiñu sindoo iin taa yá síꞌi ra, káchi nda.

San Mateo 5:32

Sundi yeꞌe káꞌan i xiꞌin ndo tá ndá taa síndoo yá síꞌi ra, ta chíkaa ra yá ndaꞌa kuachi, ta süvi xaꞌa ya xíka yá xiꞌin inka taa kua síndikoo ra yá, xaꞌa ya kúni mií va ra kua íkan ra saa, kuachi mií ra kua tá ná ndikiꞌin inka taa yá. Tá ná ikan yá saa ta tá káa kuachi naꞌa, na xíka xiꞌin taꞌan, saa káa kuachi íkan yá. Ni ra tíndaꞌa xiꞌin yá ndóo ndaa yóꞌó, ta iin káchi ku kuachi ra xaꞌa ya ndíkiꞌin ra yá. Sundi tá tu xaꞌa ya xíka yá xiꞌin inka taa kua si̱ndoo ra yá, ta köo kuachi ndíso ra, ndikuu ―káchi Jesús.

San Marcos 10:12

Ni iin ñaꞌa kua, tá tu xáꞌnda yá tutu xiꞌin ií yá ta tíndaꞌa yá xiꞌin inka taa, ta kuakiꞌvi tu yá ikán va kuachi nuu Ndioxi.

San Lucas 16:18

Saa ndi̱kaꞌan ka Jesús káchi ra saa: ―Tá íyo iin taa ra síndoo yá síꞌi ra, ta tíndaꞌa ra xiꞌin inka ñaꞌa, ra yóꞌó ta väꞌa íkan ra chi kuakiꞌvi ra kuachi, xaꞌa ya yáꞌa ra ichí Ndioxi. Saa tu iin ra tíndaꞌa xiꞌin ñaꞌa yá ndi̱ndoo i̱kan ií yá, kuakiꞌvi tu ra ikán va kuachi, chi yáꞌa ra ichí Ndioxi ―káchi Jesús xiꞌin na.

1 Corintios 7:12

Ta ya yóꞌó ku ya ndítuꞌun i xiꞌin ndiꞌi ndo. Yeꞌe ku i káꞌan xiꞌin ndo, süvi ya káꞌan Tata yo ku ya: Tá ndá iin ñani yo íyo yá síꞌi ra ta täꞌan kandixa yá síꞌi ra tuꞌun Tata yo Jesucristo, ta kúni va yá koo yá xiꞌin ra, ta saa ná koo ra xiꞌin va yá, ná käꞌnda ra tutu xiꞌin yá.