1 Corintios 6:15 - Xochapa Mixteco

¹⁵ ¿Án köo kúndaa ini ndo, iin iin ñaꞌñu ikin kuñu yo ta kúu ya ikin kuñu Tata yo Jesucristo? Ta ¿án vaꞌa sikitaꞌan yo ikin kuñu Tata yo Jesucristo xiꞌin ikin kuñu iin ñaꞌa yá xíko mií nuu ndiꞌi taa? ¡Küvi ikan yo saa!

1 Corintios 6:15 Referans Kwoze

Efesios 5:30

Saa chi tá íin ñaꞌñu ikin kuñu ra, saa íin yo nuu ra.

ROMANOS 12:5

Ta saa íyo ndiꞌi yo kándixa Jesucristo, ni kuaꞌa ni nuu ku yo, ni xa síin, xa síin chiñu íkan iin iin yo, sundi tá íyo ikin kuñu ra saa ndúu yo xiꞌin ra. Iin nuu ndúu ndiꞌi yo xiꞌin ra, xaꞌa ya ikán kua iin ndúu yo xiꞌin na taꞌan yo xaꞌa ra.

Colosenses 2:19

Chi na ñaa, ta köo táxi na kaꞌnda chiñu Cristo nuu na, ra kúu xi̱ní xáꞌnda chiñu nuu ndiꞌi na veꞌe ñuꞌu, chi mií ra kú ra táxi táku ndiꞌi na, ta ikin kuñu ra ku ndiꞌi yo kándixa ñaꞌa. Tá kuꞌva íyo tuchi ya chítaꞌan ikin kuñu yo, kuꞌva saa íyo Jesucristo xiꞌin yo chíndee ra yoo ya ná kuchiñu yo ndikitaꞌan vaꞌa yo xiꞌin taꞌan yo, ta saa kuchiñu yo kuaꞌnu yo tá kuꞌva kúni mií Ndioxi.

1 Corintios 12:27

Tá kúu ndiꞌi ndo ta tá káa iin ñaꞌñu ikin kuñu Cristo saa íin ndo, ta xa síin nuu chiñu íkan iin iin ndo.

Efesios 4:12

Ta mií Cristo ku ra si̱niꞌi ndee vaꞌa yóꞌó nuu ndiꞌi yo kúu ñuu ra, yo i̱í, xa̱a ndúvi ra xiꞌin yo xaꞌa chiñu ra ya chindee taꞌan yo xiꞌin taꞌan yo, saa xaꞌa ni yo ndee xiꞌin na kúu ikin kuñu ra.

1 Corintios 11:3

Saa kúni i ná kundaa ini ndo, chi Cristo ku xi̱ní xiꞌin nda taa, ta nda taa ku xi̱ní xiꞌin ná síꞌi nda, ta Ndioxi ku xi̱ní xiꞌin Cristo.

1 Corintios 6:19

¿Án köo xíni ndo ya kúu ikin kuñu ndo veꞌe ñuꞌu Tachi I̱í Ndioxi, ya ta̱xi ra ndaꞌa ndo íyo ya xiꞌin ndo? ta mií ra ku ra xáꞌnda chiñu nuu ndo.

Efesios 5:23

Saa chi taa, ií ná síꞌi ku nda ku xi̱ní xiꞌin ná, tá kuꞌva íyo Cristo xiꞌin na veꞌe ñuꞌu. Mií ra ku xi̱ní xiꞌin na ta ndáa chiñu ra xiꞌin na, ta sikaku ra na, chi ikin kuñu mií ra ku na.

San Lucas 20:16

Ná kaꞌan i xiꞌin ndo unkua ikan ra xiꞌin na. Tá ná xaa ra, ta iin sindiꞌi xaꞌa ndiꞌi ra na ta̱xi too ra ñuꞌú ndaꞌa, kaꞌni ra na. Ñaa nduku ra inka na kundaa ñuꞌú ra ―káchi Jesús xiꞌin na. Tá xi̱ni soꞌo na ya ndi̱kaꞌan ra. Ñaa xa̱á na káꞌan na, káchi na saa: ―Ná täxi Ndioxi kundoꞌo yo tá ndo̱ꞌo na ndu̱ku too ñuꞌú ra ikán ―káchi na.

Gálatas 6:14

Sundi yeꞌe, ta köo kúni i kutai ini i xaꞌa ndá ka ñaꞌa. Ndisaa xaꞌa ya ndi̱xiꞌi Tata yo Jesucristo nuu cruzin xaꞌa kuachi yo kua kúni i kutai ini i xaꞌa. Chi xaꞌa ya i̱kan Jesucristo nuu cruzin kua ndu̱u i tá káa iin ra xa ndi̱xiꞌi nuu ya väꞌa íyo ñuu ivi yóꞌó, ta köo ka ndee ya kaꞌnda chiñu ya nuu i, chi yeꞌe tá káa ra xa ndi̱xiꞌi va saa káa i nuu ya.

Gálatas 3:21

Ta ya ndítuꞌun i xaꞌa xiꞌin ndo, ta ¿án köo ndi̱xiyo yuꞌu ya xiꞌin ley ya ta̱a ra Moisés xaꞌa ya ki̱ndoo Ndioxi xiꞌin ra Abraham, túvi ndo? ¡Ta süvi saa íyo ya! Chi tá tu ya ndi̱kuchiñu ku ley ikán taxi ya kutaku yo ndiꞌi saa tiempo xiꞌin Ndioxi, xaꞌa ya xáa súvi ni yo ya, ta ndikuiso vaꞌa va ra yoo nduu yo naꞌa, na köo ka kuachi kúu mií nuu ra, ndikuu.

Gálatas 2:17

Saa tu yoo va, xaꞌa ya kúni yo ndikuiso vaꞌa Ndioxi yoo kua kándixa yo Jesucristo, ta ya ñaa kua kúni kachi ya, yo íyo kuachi ku tu mií va yo nuu Ndioxi. Ta xaꞌa ya ndíkuni yo ya íyo kuachi yo nuu ra, ta köo kúni kachi ya mií Jesucristo ku ra tíꞌvi yoo ya ikan yo ya väꞌa. ¡Chi süvi saa íyo ya!

1 Corintios 6:13

Ta saa káꞌan tuku sava ndo: “Ñaꞌa xíxi yo ta tixin yo kuaꞌan ya, ta suvi ni mií Ndioxi ku ra si̱kuaꞌa tixin yo nuu kuaꞌan ñaꞌa xíxi yo”, káchi ndo. Ni saa va ta ya ndíꞌi xaꞌa ku uvi saa va ya. Sundi ikin kuñu yo, ta köo ndi̱sikuaꞌa ra ya, ya ikan yo ndisaa chiñu kíꞌvi xiꞌin ya. Xaꞌa ya xaa kaꞌnu yo Tata yo Jesucristo va kua si̱kuaꞌa ra ya, ta suvi ni mií ra ku ra xáꞌnda chiñu nuu ikin kuñu yo.

ROMANOS 7:13

Xaꞌa ya káꞌan i ya vaꞌa ni ku ley Ndioxi, ta ¿án xaꞌa ya vaꞌa ni ya, yakan xa̱ꞌni ya yeꞌe? ¡Süvi saa íyo ya! Köo káꞌan i xaꞌa ley ya väꞌa ya, chi mií kuachi íyo ini va i ku ya väꞌa ta ya ikán ku ya ndi̱kiꞌin nuu ya vaꞌa, ñaa si̱tuvi teꞌe ya kuachi i yakan ndi̱xiꞌi i nuu Ndioxi. Tixin ley ku ya ku̱ndaa teꞌe ini i xaꞌa kuachi i ya ndee ni kini káa ya.

ROMANOS 7:7

Ta ¿unkua vaꞌa kaꞌan yo vitin?¿Án kaꞌan yo ya väꞌa ku ley Ndioxi ya ta̱a ra Moisés? ¡Küvi kaꞌan yo saa! Ta ndixa ley ku ya si̱naꞌa mií yo unku ya väꞌa. Saa chi íyo iin ley ya káꞌan soꞌva: “Küvi kutoo ni yo kuni yo ñaꞌa inka naꞌa”, káchi ya. Tá tu köo ley ya káꞌan saa, ndikuu, ta ni yeꞌe ta kündaa ini i ya väꞌa ku ya kútoo ni i ñaꞌa inka naꞌa.

ROMANOS 6:15

Ta vitin, ¿Án vaꞌa ikan ka ndo ya väꞌa? Chi köo íyo ka ndo tixin ley, sundi vitin ta ya xáꞌnda chiñu nuu ndo ku ya vaꞌa, ya kúꞌvi ni ini Ndioxi xíni ra ndóꞌo̱. Ta xaꞌa ya ñaa, ta ¿án vaꞌa ikan ni ka ndo ya väꞌa? ¡Nda loꞌo köo xíniñuꞌu ka ndo ikan ndo saa!

ROMANOS 6:2

¡Ni küvi ka ikan yo saa! Chi yo kándixa Jesucristo ku yo, tá íin yo xa ndi̱xiꞌi saa íin yo nuu kuachi ya xa̱ꞌnda chiñu nuu yo yachi, yakan ni chïkaa soꞌo ka yo ya väꞌa.

ROMANOS 3:31

Tá kándixa yo Jesucristo ta ¿án xaꞌa ya ikán kua síndiꞌi xaꞌa yo ya káꞌan ley Ndioxi ya ta̱a ra Moisés? Uꞌun, süvi saa íyo ya, köo káꞌan i saa xiꞌin ndo. Chi tá kándixa yo Jesucristo, ta ya ikán kua ndixa xáa súvi ka yo ley Ndioxi ya ta̱a na xinaꞌa.

ROMANOS 3:6

Ta süvi saa íyo ya, saa chi Ndioxi ku ra ndaa ni ini, ta ndiꞌi saa kivi íkan ra ya vaꞌa. Tá tu süvi ra ndaa ku ra, ta küchiñu ra xaa nani ra kuachi na, ndíkuu.

1 Corintios 6:3

¿Án köo xíni ndo, vaxi kivi ta xaa nani yo kuachi xiꞌin na tatun Ndioxi? Tá tu saa ta ¿ndachu köo xáa nani mií ndo kuachi ivi yóꞌó xiꞌin taꞌan ndo?

1 Corintios 6:17

Ta saa ndiꞌi yo ndíkitaꞌan xiꞌin Tata yo Jesucristo, ta iin nuu ndúu yo xiꞌin ra tixin tachi ra.