1 Corintios 5:12 - Xochapa Mixteco

¹² Ta yeꞌe, ta süvi chiñu nuu i kua xaa nani i kuachi xiꞌin na ñuu ivi yóꞌó. Ta saa ndóꞌo̱, ndo ndíkun ichí Jesucristo ku ndo, ta kúu mií ndo ichí i ya xaa nani ndo kuachi xiꞌin na veꞌe ñuꞌu, na ítaꞌan xiꞌin ndo.

1 Corintios 5:12 Referans Kwoze

San Marcos 4:11

Saa ndi̱kuiin Jesús ndi̱kaꞌan ra xiꞌin na, káchi ra saa: ―Ndioxi táxi ra kundaa ini ndo xaꞌa ya íyo sěꞌe nuu xáꞌnda chiñu ra. Sundi na íyo chí keꞌe ta köo kúndaa ini na xiꞌin ya chi ndisaa tuꞌun ndíchi va kua xíni soꞌo na káꞌan i.

1 Timoteo 3:7

Ta vaꞌa ná ikan nda nina ya vaꞌa, ta nda naꞌa, na köo xíni tuꞌun Ndioxi ta kaꞌan vaꞌa na xaꞌa nda. Tá tu íkan nda saa ta ndíkasi nda yuꞌu naꞌa ya köo ya niꞌí na kaꞌan na xaꞌa nda, ta ni kiti nǎꞌa küchiñu ri sikoyo ri nda nuu kuachi.

San Lucas 12:14

Saa ndi̱kuiin Jesús káꞌan ra xiꞌin ra, káchi ra saa: ― Yóꞌo̱ ra káꞌan ñaa, ¿ndachu káꞌan un saa xiꞌin i? ¿Án yeꞌe ku ra ndítaꞌvi ñaꞌa xiꞌin na, túvi un? Süvi ra chiñu ku i, ni süvi juez ku i yakan nditaꞌvi i ñaꞌa xiꞌin ndo ―káchi ra.

1 Tesalonicenses 4:12

Tá íkan ndo saa xáa súvi ndo ya káꞌan nde xiꞌin ndo, ta köo xíniñuꞌu ndo nduku ndo ya xíniñuꞌu ndo nuu inka naꞌa. Ni naꞌa, na köo xíni Ndioxi ta chinuu vaꞌa ni na tuꞌun ndo.

Colosenses 4:5

Ta ndóꞌo̱, vívií koo ndo nuu naꞌa, na köo kándixa Ndioxi. Ná niꞌi ndo tuꞌun vaꞌa táxi Ndioxi ndaꞌa ndo ndituꞌun ndo xiꞌin na, ta kuniñuꞌu vaꞌa ni ndo tiempo ya kaꞌan ndo xiꞌin na.

San Juan 18:36

Saa ndi̱kuiin Jesús káꞌan ra: ―Nuu xáꞌnda chiñu i ta köo ndíkun ndaa ya ñuu ivi yóꞌó. Tá tu ñuu ivi yóꞌó ndíkun ndaa ya, ta ni na ndíkun sata i ta kaꞌan kuachi na xaꞌa i, täxi na tiin na ñuu i yeꞌe, ndíkuu. Sundi nuu xáꞌnda chiñu i ta köo ndíkun ndaa ya ñuu ivi yóꞌó ―káchi Jesús xiꞌin ra.