1 Corintios 3:15 - Xochapa Mixteco

¹⁵ Sundi tá sava na si̱kuaꞌa veꞌe xiꞌin ñaꞌa ya xíxi, ta ndiꞌi xaꞌa chiñu na, ya uun va ku ya xa̱a chiñu na. Vani kuchiñu mií na kaku na nuu ñu̱ꞌu̱, tá ndóꞌo naꞌa, na siloꞌo koko xiꞌin ñu̱ꞌu̱, saa kundoꞌo na.

1 Corintios 3:15 Referans Kwoze

2 Juan 1:8

Ta ndóꞌo̱, kuenta ni koo ndo saa chi süvi ka vi ya mani uun xa̱a chiñu ndo. Sundi ndikundikun ni ndo Jesucristo, ta saa ndikiꞌin ndo ndiꞌi ya vaꞌa chi̱tuni Ndioxi taxi ra ndaꞌa ndo.

Judas 1:23

Ta chindee taꞌan ndo xiꞌin na ná kaku na, ndixita ndo na täxi ndo kuꞌun na nuu koko na, saa kundaꞌvi ni ini ndo kuni ndo inka na, ta xíniñuꞌu kuenta ni koo ndo xiꞌin mií ndo, saa ná kundási nuu ndo chiñu väꞌa ya kini ni íkan na.

El Apocalipsis 3:18

Yakan yeꞌe, ta káꞌan i xiꞌin ndo, vaꞌa sata ndo oro ya ndinuꞌu nuu i, oro ya xáꞌmi na xiꞌin ñu̱ꞌu̱ xíxi, ya ndúu ya oro nina. Taꞌan ya ikán kua íyo nuu i. Sata ndo ya nuu i, saa nduu ndo naꞌa, na ndixa ni kuika. Tá tu köo kúni ndo kukaꞌan ni nuu ndo xaꞌa ya chála ndo, ta sata ndo toto yaa ni nuu i kundixi ndo. Saa sata tu ndo tatan nuu i, kee nduchi nuu ndo ya ná ndikoto vaꞌa ndo.

1 Pedro 4:18

Chi saa káꞌan tuꞌun Ndioxi ya ta̱a na xinaꞌa, káchi ya saa: Tá tu uꞌvi ni kua kaku naꞌa, na vaꞌa, na ndíkun ichí Ndioxi. Ta yáꞌa ni ka uꞌvi kundoꞌo naꞌa, na väꞌa, na köo xíin kandixa Ndioxi, káchi tuꞌun ra.

Los Hechos 27:21

Ta ku̱naꞌa ni täꞌan kuxi nde, nda loꞌo yuꞌu ñaꞌa täꞌan kaxi nde. Saa ndi̱kundichi ra Pablo xa̱á káꞌan ra xiꞌin na, káchi ra saa: ―Na taꞌan yo, xa ndi̱kaꞌan i xiꞌin ndo ya käna koo yo chí Creta. Vaꞌa ka ndi̱ndoo yo ikán nda yaꞌa tiempo vixin saa kixi yo, káchi i xiꞌin ndo. Tá ndi̱xini soꞌo ndo ya ndi̱kaꞌan i xiꞌin ndo, ta köo ya kundoꞌo yo, ni ñaꞌa ndïꞌi xaꞌa, ndikuu.

Los Hechos 27:44

Ta nda köo xíni suta ta ná kiꞌin nda ñaꞌñu vitun án ñaꞌñu itun barco kundoso nda nuu nu kana koo nda ―káchi ra ndíso chiñu xiꞌin nda lapa ikán. Saa ku̱u ta ka̱na koo ndiꞌi nde yuꞌu rá, nda iin ya köo ndi̱ndoꞌo nde.