1 Corintios 16:19 - Xochapa Mixteco

¹⁹ Tíꞌvi ni na ñani yo, na veꞌe ñuꞌu, ya ndóꞌni chí estado Asia yóꞌó, tuꞌun mani xaa nuu ndo, saa tu ra Aquila, ñani yo, xiꞌin yá síꞌi ra, yá Priscila, saa tu na ñani yo, na ndíkitaꞌan veꞌe va na, tíꞌvi ni na tuꞌun mani xaa ya nuu ndo, xaꞌa ya iin káchi kándixa ndo Tata yo Jesucristo.

1 Corintios 16:19 Referans Kwoze

Los Hechos 18:2

Ta ikán ndi̱kitaꞌan ra xiꞌin iin ra náni Aquila, ta ra judío ku ra, ñuu Ponto ka̱ku ra, saa ndi̱xaa ra xiꞌin yá síꞌi ra yá Priscila ñuu Corinto, ta yachi ndixiyo na ñuu Italia. Saa ku̱u iin ichí xa̱ꞌnda ra rey Claudio chiñu ya kee ndiꞌi na judío ndóo ñuu Roma ikán kuꞌun na. Xaꞌa ya ikán kua ke̱ta ra Aquila xiꞌin yá síꞌi ra yá Priscila kuaꞌan na, sikan ndi̱xaa na ndóo na ñuu Corinto. Saa ndi̱xaꞌan ra Pablo xíto ra na.

El Apocalipsis 1:11

―Yeꞌe ku i náni “Alfa tin Omega”, chi tuꞌun yóꞌó kúni kachi ya, yeꞌe ku ra táku nda kivi núnu̱ú, ta táku i vitin ta saa kutaku i iin saa nda kivi sindiꞌi. Ta vitin xíniñuꞌu un taa un nuu tutu ya sinaꞌa i nuu un kuni un. Ta ya taa un ñaa, ta tiꞌvi un ya ná kuꞌun ya ndaꞌa uxa ñuu nuu ndóo na kándixa yeꞌe. Uxa ñuu yóꞌó kua ñúꞌu estado Asia, ya náni Éfeso xiꞌin Esmirna tin Pérgamo xiꞌin Tiatira tin Sardis xiꞌin Filadelfia tin Laodicea ―káchi tachi ra ya xi̱ni soꞌo i.

1 Pedro 1:1

Yeꞌe Pedro, ra kúu apóstol ra ti̱ꞌvi Tata yo Jesucristo xáa chiñu nuu ra ku i táa tutu yóꞌó xaa ya nuu ndóꞌo̱ ñani yo xiꞌin kuꞌva yo na ndi̱kaxin Ndioxi. Ndóꞌo ka̱na koo kuaꞌan ndóo ndo inka ñuu xíka ni ya kúu ñuu Ponto xiꞌin ñuu Galacia tin ñuu Capadocia xiꞌin ñuu Asia tin ñuu Bitinia.

FILEMÓN 1:2

Saa káꞌan ndioxi tu nde xiꞌin yá kuꞌva yo, yá Apia, yá kúꞌvi ni ini nde xíni nde, xiꞌin ra Arquipo ñani yo. Iin káchi ndee ni xáa chiñu ra tá kuꞌva xáa chiñu ndeꞌe nuu Tata yo Jesucristo. Saa káꞌan ndioxi tu nde xiꞌin na veꞌe ñuꞌu, na ndíkitaꞌan xiꞌin un veꞌe un.

2 Timoteo 4:19

Ta kaꞌan ndioxi ni un xiꞌin yá Prisca tin ra Aquila, ñani yo xiꞌin na veꞌe ra Onesíforo.

Colosenses 4:15

Saa kaꞌan ndioxi ni ndo xiꞌin nda ñani yo tin ná kuꞌva yo, na ndóo ñuu Laodicea, ta kaꞌan ndioxi ni tu ndo xiꞌin yá kuꞌva yo yá Ninfas xiꞌin na kándixa Jesucristo, na ndíkitaꞌan veꞌe yá.

ROMANOS 16:15

Saa kaꞌan ndioxi tu ndo xiꞌin ra Filólogo, xiꞌin yá kuꞌva yo yá Julia, xiꞌin ra Nereo, xiꞌin yá kuꞌva ra, saa tu ra Olimpas, saa tu ndiꞌi ka na ñani yo tin kuꞌva yo na ítaꞌan xiꞌin na.

Los Hechos 19:10

Uvi kuiya i̱kan ra saa, ndi̱xika ra si̱naꞌa ra ndiꞌi mií na ndóo estado Asia ikán, xi̱ni soꞌo na judío tin na griego tuꞌun ya ndi̱kaꞌan ra xaꞌa Tata yo Jesús.

Los Hechos 18:26

Ta ni köo íꞌvi ra káꞌan ra, ndi̱kiꞌvi ra ini veꞌe ñuꞌu sinagoga ñuu Éfeso ikán, ta ndinuni loꞌo káꞌan ra xiꞌin na. Saa xi̱ni soꞌo ra Aquila xiꞌin yá Priscila síꞌi ra ya káꞌan ra Apolos ikán. Ta ñaa ta̱va síin na ra ndi̱kani vaꞌa ka na ichí xaꞌa Ndioxi nuu ra.

Los Hechos 18:18

Ta naꞌá ni ndi̱ndoo ra Pablo ñuu Corinto ndi̱xiyo ra xiꞌin na xíka ichí Jesús. Sindiꞌi ikán ta ndi̱kaꞌan ndioxi ra xiꞌin na, saa ndi̱kiꞌin ra kuaꞌan ra xiꞌin ra Aquila tin yá Priscila síꞌi ra Aquila. Nda̱a na sata iin barco itun kuaꞌan nda estado Siria. Ñaa ndi̱xaa na ñuu Cencrea ta ikán ndi̱xata teꞌe ra Pablo xiní ra, nuu ndínaꞌa ra mií ra ya síxinu ra ya xa ki̱ndoo ra xiꞌin Ndioxi.

Los Hechos 2:9

Kuaꞌa ka vi kuu yo, ndá yokan ñaꞌñu ke̱e yo, yo ke̱e Partia tin Media xiꞌin Elam tin Mesopotamia. Sava tu yo ke̱e Judea yóꞌó va, ta sava tu yo ke̱e Capadocia xiꞌin Ponto tin Asia.

Los Hechos 16:6

Saa ku̱ni ra Pablo kuꞌun ra chí Asia ta köo ndi̱xiin Tachi I̱í Ndioxi taxi ya kuꞌun nda ndituꞌun nda tuꞌun Ndioxi ikán. Xaꞌa ya ikán kua ndi̱kiꞌin nda kuaꞌan chí Frigia xiꞌin Galacia.