1 Corintios 15:43 - Xochapa Mixteco

⁴³ Chi ikin kuñu ya ndúxin ta ni köo ka saví kúu mií ya, sundi tá ná nditaku ikin kuñu yo ta ndee ni luvi nduu ya. Vita ni kúni ya tá sínduxin na ya, ta ná nditaku ya ta ndee ni ndee nduu ya.

1 Corintios 15:43 Referans Kwoze

Colosenses 3:4

Tá ná ndiko koo Jesucristo, ra táxi táku ndo, ta iin káchi nduu ndo xiꞌin ra, saa ndikundixi níí ndo ya vaꞌa, ya luvi ni xiꞌin ra.

Filipenses 3:10

Saa chi ya kúni ni i kua yóꞌó: Kúni ni i kuni taꞌan vaꞌa ka i xiꞌin Cristo, saa kúni i koo ndee Ndioxi ya si̱taku Jesús xiꞌin i, ta xa íyo ndúvi i ndoꞌo i tá kuꞌva ndi̱xiyo ndúvi mií ra ndi̱xiꞌi ra.

2 Corintios 13:4

Ya ndixa kua vita ni ndi̱xiyo ini ra tá xi̱nuu ra nuu cruzin ndi̱xiꞌi ra, sundi vitin ta táku ra xiꞌin ndee Ndioxi. Ta saa ndeꞌe, tá kuꞌva vita ndi̱xiyo ini Jesucristo, saa vita íyo ini nde. Ta kutaku nde xiꞌin ra xaꞌa ndee Ndioxi, tá kuꞌva táku mií Jesucristo ya kuchiñu nde chindee nde ndóꞌo̱.

2 Corintios 13:14

Ta saa ná niꞌi ni ndo ya vaꞌa nuu Tata yo Jesucristo xiꞌin ya kúꞌvi ni ini Iva yo Ndioxi xíni ra ndóꞌo̱. Saa ná koo Tachi I̱í Ndioxi xiꞌin ndiꞌi ndo ndiꞌi saa ichí. Saa ná koo.

1 Corintios 6:14

Tá kuꞌva si̱taku Ndioxi Tata yo Jesucristo, ta saa sitaku tu ra ikin kuñu yoo va xiꞌin ndee mií ra.

San Mateo 13:43

Sundi na xáa súvi ya kúni Ndioxi ta kundoo na nuu xáꞌnda chiñu Iva yo Ndioxi, ta ndiyeꞌe na nda tá kuꞌva ndíyeꞌe ñu̱ꞌù ―káchi ra. Saa ndikaꞌan ka ra, káchi ra saa: ―¡Ndiꞌi ndóꞌo̱ íyo soꞌo ta kuni soꞌo ni ndo ya káꞌan i xiꞌin ndo! ―káchi ra xiꞌin nda ítaꞌan xiꞌin ra.

San Juan 8:49

Saa ndi̱kuiin ra káꞌan ra: ―Köo tachi nduvaꞌa kúu mií i. Iva i Ndioxi va ku ra xáa toꞌo i yakan kánaꞌa ndo xaꞌa i.