1 Corintios 15:23 - Xochapa Mixteco

²³ Ta vívií koo ndiꞌi ñaꞌa tá íyo ya chi̱tuni mií Ndioxi saa koo ya. Ra núnuu ndi̱taku ku Tata yo Jesucristo, tá ná ndiko koo ra, saa nditaku naꞌa, na xi̱ndikun ñaꞌa.

1 Corintios 15:23 Referans Kwoze

Gálatas 3:29

Ta xaꞌa ya xa i̱in ndu̱u yo xiꞌin Cristo yakan kua vaꞌa kúu yo seꞌe ñani sikua ra Abraham, ta kúu mií yo ichí ndikiꞌin yo ñaꞌa, ya ki̱ndoo Ndioxi taxi ra ndaꞌa ra Abraham.

1 Corintios 15:52

Iin kuu soꞌva tá ná kuu saa, tá íkan yo tá ndíkuani yo saa kuu nuu nduxaa yo. Ta saa kua kuni soꞌo yo ndaꞌi itun trompeta, itun ndaꞌi sindiꞌi, ta ndee ni ndee ndaꞌi nu ikán, saa nditaku ndiꞌi naꞌa, na xa ndi̱xiꞌi, ta küvi ka na, chi küu ka mií na ikin kuñu na táꞌan ya táꞌi, ta iin nduxaa ikin kuñu ndiꞌi yo.

1 Corintios 15:20

Sundi vaꞌa ná kundaa ini ndo, chi ya ndaa ni ndixa kua ndi̱taku Tata yo Jesucristo tañu na ndíi. Chi ra ikán ta tá káa ñaꞌa ya núnu̱ú ya síkee naꞌa nuu chíꞌi na, saa káa ra xaꞌa ya kúu ra ra núnu̱ú ndi̱taku tañu ndiꞌi na ndíi, na xa ndi̱xiꞌi.

2 Corintios 10:7

Ta ndóꞌo̱, ndisaa kuiti tá íin ñaꞌa ya xíto ndo íkan naꞌa, ta saa kua íyo ya íkan ndo xiꞌin na. Ta án ndá naꞌa ndíkani ini ya ndee ni vaꞌa ndíkun na Jesucristo túvi na, ta saa xíniñuꞌu na kundaa ini na, tá kuꞌva ndíkun na ra, kuꞌva saa ndíkun tu ndeꞌe va ra.

1 Tesalonicenses 2:19

Ta kúni ni nde xaa nde nuu ndo chi ndóꞌo̱ ku ndo xáꞌa ni ndee xiꞌin nde xaꞌa ya ndee ni vaꞌa ndíkun ndo Tata yo Jesucristo, xaꞌa ya ñaa kua kúsini ni nde xiꞌin ndo. Tá ná ndiko koo Tata yo Jesucristo ñuu ivi yóꞌó ta vaꞌa ni kuni nde xiꞌin ndo, chi ndóꞌo̱ ta tá íin ñaꞌa ya luvi ni níꞌi iin naꞌa nuu kuaꞌan na kéꞌe taꞌan na, saa íin ndo nuu nde. Ta niꞌi ni nde ya vaꞌa nuu Ndioxi xaꞌa ndo tá ná sinaꞌa nde ndóꞌo̱ nuu ra.

Gálatas 5:24

Ta saa ndiꞌi yo íyo xiꞌin Jesucristo xaꞌa ya ndi̱xiꞌi ra nuu cruzin xaꞌa yo, ta saa iin káchi ndi̱xiꞌi tu ikin kuñu yoo va xiꞌin ndiꞌi ñaꞌa väꞌa ya ndee ni ku̱too ikin kuñu yo xaa súvi ya yachi.

1 Corintios 3:23

Ta saa íyo tu ndóꞌo̱ va, kuenta Jesucristo ku ndo, ta mií Jesucristo ku kuenta Ndioxi.

San Mateo 16:27

Ta yeꞌe, Taa ra xa̱a ñuu ivi yóꞌó, vaxi kivi ndiko koo i ñuu ivi yóꞌó xiꞌin ndee ya vaꞌa Iva i Ndioxi, ta kixi na tatun ra xiꞌin i, ta saa chaꞌvi i iin iin na xaꞌa ya vaꞌa án ya väꞌa i̱kan na ñuu ivi yóꞌó.

San Mateo 16:28

Ya ndaa káꞌan i xiꞌin ndo, sava ndo ndóo yóꞌó vitin, ta kutaku ka ndo nda kivi tá ná ndiko koo yeꞌe, Taa ra xa̱a ñuu ivi yóꞌó, ndiko koo i ya kaꞌnda chiñu i ―káchi Jesús.

Los Hechos 26:23

Chi nda ikán ta ndi̱kaꞌan nda xaꞌa Cristo ra ndi̱kaxin Ndioxi sikaku yoo. Ndoꞌo ni ra kuvi ra sundi ra ikán ku ra núnu̱ú nditaku nuu ndiꞌi na ndíi. Ta kaꞌan ra xiꞌin na ndá kuꞌva kaku na. Tá íkan ñu̱ꞌu̱ ndíyeꞌe saa koo ra, chi kuna ra nuu ndiꞌi yo kúu judío xiꞌin na köo kúu judío ya kundaa ini yo xaꞌa tuꞌun Ndioxi ―káchi ra Pablo xiꞌin ra rey Agripa.

1 Corintios 6:14

Tá kuꞌva si̱taku Ndioxi Tata yo Jesucristo, ta saa sitaku tu ra ikin kuñu yoo va xiꞌin ndee mií ra.

Filipenses 3:11

Saa tá ná tindaa kivi ya kuvi i ta ndátun i sitaku Ndioxi yeꞌe xiꞌin naꞌa, na xa ndi̱xiꞌi.

El Apocalipsis 1:5

Saa ná ikan tu Tata yo Jesucristo ya vaꞌa xiꞌin ndo, saa chi ndaa ni ini ra, ta ndinuꞌu ini ra ndíkuiin ra xaꞌa tuꞌun ndaa ni káꞌan ra. Ta ra ikán ku ra núnuu ndi̱taku tañu ndiꞌi na ndíi, yakan kúu mií ra ichí kaꞌnda chiñu ra nuu nda rey ñuu ivi yóꞌó. Ta kúꞌvi ni ini ra xíni ra yoo, ta köo ka kuachi ndíso yo nuu Ndioxi, saa chi ndi̱xiꞌi Jesucristo xaꞌa kuachi yo, ta xiꞌin nií ra nduta ndi̱xita ndi̱kata ra kuachi yo, nda̱sa vaꞌa ra yoo nuu Ndioxi.