1 Corintios 13:5 - Xochapa Mixteco

⁵ Naꞌa, na ndee ni íyo ya kúꞌvi ini táxi Ndioxi ndaꞌa na ta tǒꞌo ni na, ni köo ndíꞌi ini na ndisaa xaꞌa mií na, ni köo sáa kama na, ni köo kíꞌin na kuenta xaꞌa ya väꞌa íkan inka naꞌa xiꞌin na,

1 Corintios 13:5 Referans Kwoze

1 Corintios 10:24

Xaꞌa ya ñaa kua köo xíniñuꞌu ndo kundiꞌi ini ndo ndisaa xaꞌa mií ndo, ya koo vaꞌa ndo. Xíniñuꞌu tu ndo kundiꞌi ini ndo xaꞌa inka na taꞌan yo ya koo vaꞌa na.

Santiago 1:19

Ñani yo xiꞌin kuꞌva yo, yeꞌe ta kúni i ndituꞌun i xiꞌin ndo ya ná kundaa ini ndo ya xíniñuꞌu ni ndo sikuaꞌá ndo kuni soꞌo ndo ya káꞌan inka naꞌa xiꞌin ndo, xiꞌna kuni soꞌo ndo ya káꞌan na xiꞌin ndo, saa ndi̱kuiin ndo yuꞌu na. Ta säa kama ni ndo.

Filipenses 2:21

Chi ndiꞌi ka na ta ndisaa xaꞌa ya kúni mií va na kua ndíꞌi ni ini na, köo ndíꞌi ini na xaꞌa ya kúni Jesucristo.

Filipenses 4:8

Ta vitin kúni i kaꞌan i xiꞌin ndo unkua xíniñuꞌu ndo ndikani ini ndo xaꞌa: Nina ya ndaa, nina ya íyo ya toꞌo xaꞌa, nina ya ndǎku, nina ya vaꞌa, nina ya luvi, nina ya ínuu vaꞌa tuꞌun xaꞌa ndikani ini ndo. Ta saa ndikani ni tu ini ndo xaꞌa ya ndee ni ndáa yaꞌvi xiꞌin ndiꞌi ya ndee ni xáa kaꞌnu Ndioxi.

Gálatas 5:13

Ñani yo, Ndioxi ta ka̱na ra ndóꞌo̱ ya koo ndo tá íin naꞌa, na íyo ndika, sundi täxi ndo xaa súvi ikin kuñu ndo ndá ka ñaꞌa väꞌa, ya kúni mií ndo. Vaꞌa ka ndiꞌi saa ichí chindee taꞌan ni ndo xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

1 Corintios 12:25

Saa i̱kan Ndioxi xiꞌin ikin kuñu yo, ya ná täꞌvi taꞌan ya, saa kua vaꞌa kundiꞌi ini ya xiꞌin taꞌan ya ta chindee taꞌan ya xiꞌin taꞌan ya.

2 Corintios 5:19

Ta ya káꞌan i xiꞌin ndo kua, kúni i ná kundaa ini ndo, chi tixin Tata yo Jesucristo kua si̱kitaꞌan mani Ndioxi yoo ñuu ivi yóꞌó xiꞌin mií ra, ta köo ndíkiꞌin ra kuenta xaꞌa kuachi nda iin naꞌa. Saa ta̱xi ra chiñu ndaꞌa ndeꞌe ya ndituꞌun nde xiꞌin na ya ná ndikitaꞌan mani na xiꞌin ra.

1 Corintios 10:33

Vaꞌa ka ikan ndo tá kuꞌva íkan yeꞌe: ndiꞌi saa kivi xáꞌa i ndee xiꞌin na, síndiko i ini na. Nina xaꞌa inka na ndíkani ini i, ni köo ndíkani ka ini i ndisaa xaꞌa mií i, ya ná kuchiñu chindee taꞌan i xiꞌin na ya kuchiñu na kaku na.

1 Corintios 11:18

Saa chi xi̱ni soꞌo i xaꞌa ndo, tá ndíkitaꞌan ndo xáa kaꞌnu ndo Ndioxi veꞌe ñuꞌu, ta ndóꞌo̱ ndítaꞌvi taꞌan va ku ndo, káchi na xaꞌa ndo. Ta ndíkani ini i va saa ndixa va kua íkan ndo, túvi i.

San Mateo 5:22

Ta vitin káꞌan yeꞌe xiꞌin ndo, tá ndá ndóꞌo̱ sáa ni ini xíni ndo ñani ndo, ta ndóꞌo̱ ta ìyo ni kixi tindoꞌo nuu ndo. Tá ndá ndóꞌo̱ káꞌan xiꞌin ñani ndo, ra kíꞌvi ku ra káchi ndo, ta ndóꞌo̱ ndíso ndo kuachi nuu na chiñu naꞌnu ni. Tá ndá ndóꞌo̱ távi chiꞌña ñani ndo, ta ìyo ni kuꞌun ndo ndaya nuu xíxi ñu̱ꞌu̱ xaꞌa ya káꞌan ndo saa.

San Lucas 7:39

Saa tá xi̱ni ra Simón ikán, ta xa̱á ndíkani ini ra, káchi ra saa: “Tá tu ndixa ra káꞌan ndoso tuꞌun yuꞌu Ndioxi ku ra yóꞌó, ta xa kundaa va ini ra süvi ñaꞌa vaꞌa ku yá yóꞌó, ta täxi ra tiin ndaa ñaꞌa yá, ndíkuu”, káꞌán ra.

San Marcos 3:5

Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

2 Tesalonicenses 3:7

Chi ndóꞌo̱, ta xa xíni ndo ndá kuꞌva ndi̱xiyo nde nuu ndo. Ta kuꞌva saa xíniñuꞌu ndo ikan ndo, ya kundikun ndo ichí nde. Saa chi ndeꞌe, tá kivi ndi̱xiyo nde xiꞌin ndo ta köo ndixíndoo xúxan nde nuu ndo, ndinuni loꞌo xa̱a chiñu nde.

1 Corintios 7:36

Ta sava tu nda ndíkani ini vaꞌa ka kua ná tindaꞌa nda xiꞌin yá xa íyo yuꞌu nda xiꞌin, chi xa kuaꞌan yáꞌa kuiya yá ya tindaꞌa yá káchi na, ta vaꞌa ná ndikiꞌin taꞌan na, ná tindaꞌa na xiꞌin taꞌan na, süvi kuachi ku ya nuu Ndioxi.

San Mateo 9:4

Saa ku̱ndaa ini Jesús ya ndíkani ini nda, ñaa ndi̱kaꞌan ra xiꞌin nda, káchi ra saa: ―¿Ndachu ndíkani väꞌa ini ndo xíni ndo yeꞌe?

2 Timoteo 2:10

Ta xaꞌa ya ikán kua xáꞌa ndee ndiꞌi ini i ndóꞌo̱ ni i xaꞌa naꞌa, na ndi̱kaxin Ndioxi ya ná niꞌi na ya vaꞌa kaku na tixin Tata yo Jesucristo, ta saa kuchiñu na koo na xiꞌin ra ndiꞌi saa kivi nuu luvi ni káa nuu ndee ni yéꞌe̱.

2 Timoteo 4:16

Tá kivi núnu̱ú ndi̱xaꞌan i nuu na chiñu, ta nda iin naꞌa köo ndi̱chindee taꞌan xiꞌin i, iin si̱ndoo ndaꞌa ndiꞌi nda yeꞌe. Ta siin ka mií Iva yo Ndioxi ná xaa kaꞌnu ini xaꞌa nda.