1 Corintios 13:13 - Xochapa Mixteco

¹³ Tá kuꞌva káꞌan i saa íyo va ya, sundi uni nuu ya yóꞌó ku mií ya ndïꞌi xaꞌa: ya ndee ni ndáa ini yo xíni yo Ndioxi, xiꞌin ya kándixa yo ya sixinu Ndioxi ya ndi̱kaꞌan ra taxi ra ndaꞌa yo, saa tu ya kúꞌvi ni ini ta̱xi ra ndaꞌa yo. Sundi ya ndee ni ka ndee ndáa yaꞌvi nuu uni ya yóꞌó kúu ya, kúꞌvi ni ini ta̱xi Ndioxi ndaꞌa yo kuꞌvi ini yo kuni yo inka naꞌa.

1 Corintios 13:13 Referans Kwoze

1 Corintios 16:14

Ndiꞌi chiñu íkan ndo, ta ndinuꞌu ni ini ndo ikan ndo ya xiꞌin taꞌan ndo, xaꞌa ya kúꞌvi ni ini ndo xíni taꞌan ndo.

Colosenses 3:14

Chi ya ndee ni xíniñuꞌu ndo ikan ndo xiꞌin taꞌan ndo kua yóꞌó: kuꞌvi ni ini ndo kuni taꞌan ndo, chi tá íkan ndo saa xiꞌin taꞌan ndo, ta saa kua ndíkundoo mani ndo xiꞌin taꞌan ndo.

Gálatas 5:6

Chi tá kándixa yo Jesucristo ta köo ndáa yaꞌvi ka ya án kúu mií yo tuni Ndioxi án köo ya kúu mií yo, chi ya ndee ni ndáa yaꞌvi nuu ra kua ndáa ni ini yo xíni yo ra xaꞌa ya kúꞌvi ni ini ra xíni ra yoo.

Filipenses 1:9

Káꞌan ni i xaꞌa ndo xiꞌin Ndioxi ya ná kuꞌvi ni ka ini ndo kuni ndo Ndioxi iin iin kivi. Ta saa ná kuꞌvi ni tu ini ndo kuni ndo inka naꞌa va. Ta saa ná niꞌi ni ka ndo ya ndíchi nuu ra ya kuchiñu ndo kundaa ni ka ini ndo.

1 Timoteo 1:5

Yakan káꞌan i xiꞌin un ya kaꞌan un xiꞌin na ñani yo ya ná kuꞌvi ni ini na kuni taꞌan na xiꞌin ndinuꞌu nima na, ta ni ya xínituni na ta täxi ya kuachi xaꞌa na nuu ra, chi ndinuꞌu ni ini na ndáa ini na xíni na ra.

1 Juan 2:10

Sundi iin na kúꞌvi ni ini xíni taꞌan, ta kúni kachi ya xíka na nuu yéꞌe̱. Nda iin ñaꞌa küchiñu sindikava na ya ikan na ya väꞌa.

1 Tesalonicenses 5:8

Sundi yoo ndíkun Tata yo Jesucristo, ta nduvi xíka yo nuu yéꞌe̱, yakan ná koo kaxin teꞌe ini yo. Tá íkan yo saa ta saa kua ndáa ni ini yo xíni yo ra, saa kúꞌvi ni ini yo xíni yo ra. Ta saa kua ndási ndaꞌa ra nima yo tá íin nda lapa nda íyo kàà ndási ya kándika nda, saa íin yo. Ta ndíkaa teꞌe ya téꞌe xi̱ní nda ya ndási ya xi̱ní nda, kuꞌva saa íkan ra xiꞌin yo ndáa ra xíni yo xaꞌa ya kúndaa teꞌe ini yo ya sikaku ra yoo.

2 Corintios 5:10

Saa chi xa kúndaa ini yo vaxi kivi ta kundita ndiꞌi yo nuu Tata yo Jesucristo, nuu índuꞌu ra xáa nani ra kuachi. Ta saa kundita yo nuu ra ya xaa nani ra kuachi xiꞌin iin iin yo nuu chaꞌvi ra yoo xaꞌa chiñu i̱kan yo, án ya vaꞌa i̱kan yo, án ya väꞌa i̱kan yo kivi xi̱taku yo ini ikin kuñu yo ñuu ivi yóꞌó.

1 Corintios 8:3

Sundi ndá naꞌa kúꞌvi ni ini xíni Ndioxi, ta saa tu mií va ra xíni vaꞌa ra ini na.

Colosenses 1:27

Ta saa kua i̱kan Iva yo Ndioxi, saa chi ku̱ni ra ya ná kundaa ini na kúu kuenta mií ra xaꞌa ñaꞌa ya ndi̱xiyo sěꞌe xinaꞌa. Ta tuꞌun ra ya ndaa, ya chee ni, ya luvi ni, ta ya kuni soꞌo ndiꞌi ni kúu naꞌa kua. Ta ya káꞌan tuꞌun Iva yo xaꞌa ya ndixiyo sěꞌe yóꞌó kua: íyo Tata yo Jesucristo nima ndóꞌo̱ köo kúu judío vitin, ta kúndaa teꞌe ini ndo ya koo ndo xiꞌin ra nuu ndivi.

1 Pedro 1:21

Xaꞌa ya vaꞌa i̱kan Tata yo Jesucristo kua xa̱á ndo kándixa ni ndo Iva yo Ndioxi, ra si̱taku Tata yo Jesucristo tañu na ndíi, saa ta̱xi ni Ndioxi ya toꞌo ndaꞌa ra. Yakan kua ndátun ni ndo, saa ndáa ni ini ndo ya xaa súvi ndiꞌi ra ya ndi̱kaꞌan ra xiꞌin ndo taxi ra ndaꞌa ndo.

1 Juan 3:9

Ndiꞌi na kúu seꞌe Ndioxi ta köo íkan ka na ya väꞌa, chi Ndioxi ta xa íyo ra nima na, yakan küvi ka ikan na ya väꞌa, chi na xa ndi̱kaku uvi ku na i̱kan ra, ndu̱u na seꞌe ra.

1 Juan 3:3

Ta ndiꞌi na ndinuu ni ndátun ya ndiko koo ra ndisama ra na, ta ndíkundee ni na xinu koo na nduu na tá kuꞌva íyo mií ra, saa chi ra i̱í ku ra.

1 Juan 2:14

Táa i nuu ndóꞌo̱ iva siꞌí saa chi xa xíni ndo Tata yo Jesucristo, ra xa íyo tá täꞌan xikoo ñuu ivi yóꞌó. Saa táa tu i nuu ndóꞌo̱ kuâán, saa chi ndee ni ndo ta xa ndi̱tiin tuꞌun Ndioxi nima ndo, ku̱chiñu ndo nuu kiti nǎꞌa.

HEBREOS 6:19

Chi ya ki̱ndoo ra xiꞌin yo, ta tá káa iin kàà vee ya kúu mií itun barco, ya táan na ini nduta ñûꞌu ya ná kundichi tuun nu, ta iin kuꞌva saa ná kundaa teꞌe ni ini yo xaꞌa ya ki̱ndoo ra xiꞌin yo chindee ra yoo, ya ná koo tuun ni ya vaꞌa yo xiꞌin ra, xaꞌa ya ndáa ni ini yo ra, ta saa kuchiñu yo kiꞌvi yo nuu i̱í ni, nuu íyo ra nuu ndivi.

2 Timoteo 1:7

Saa chi Tachi I̱í Ndioxi ya ta̱xi ra íyo xiꞌin yo ta köo táxi ya nduu yo naꞌa, na ìyo ni, ta̱xi ya ndee ndaꞌa yo ya ná ndundee ni ini yo ta ná küiꞌvi yo, saa ná kuꞌvi ni ini yo kuni taꞌan yo, ta ná koo káxin teꞌe ini yo.

HEBREOS 6:11

Yakan kua kúni nde ná chikaa ni iin iin ndo ndee kundikun ni ndo ichí Ndioxi nda kivi sindiꞌi. Saa chi kivi ikán kua niꞌi ndo ya ndátun ndo niꞌi ndo nuu ra.

2 Corintios 5:15

Sundi mií Jesucristo ku ra ndi̱xiꞌi xaꞌa ndiꞌi yo ya ná kuchiñu yo ikan yo tá kuꞌva kúni mií ra, ta ná ïkan yo tá kuꞌva kúni mií yo, saa chi mií ra ku ra ndi̱xiꞌi xaꞌa yo, ta ndi̱taku ra.

1 Corintios 14:1

Chikaa ni ndo ndee ya kuꞌvi ni ini ndo kuni taꞌan ndo. Ta saa kaꞌan ni ndo xiꞌin Ndioxi ná taxi ra ya vaꞌa, ya ke̱e nuu ndivi ndaꞌa ndo, ta ya ndee ni ka ku ya kaꞌan ndoso ndo tuꞌun yuꞌu Ndioxi ya táxi ra ndaꞌa ndo kaꞌan ndo.

1 Corintios 3:14

Tá tu vaꞌa ni si̱kuaꞌa na veꞌe xiꞌin ñaꞌa ya köo ndíꞌi xaꞌa xiꞌin ñu̱ꞌu̱, ta kuꞌva saa kiꞌin na yaꞌvi na.

1 Juan 2:24

Xaꞌa ya ñaa kua chivaꞌa ni ndo tuꞌun ra ya xi̱ni soꞌo ndo tá núnu̱ú, chivaꞌa ndo ya ná koo ya nima ndo. Tá tu íkan ndo saa chívaꞌa ndo tuꞌun ra nima ndo ya xi̱ni soꞌo ndo tá núnu̱ú, ta saa tu ndóꞌo̱ va koo ndo xiꞌin ra kúu Seꞌe Ndioxi tin Iva ra.

San Lucas 22:32

Sundi yeꞌe ta xa káꞌan ni i xaꞌa un xiꞌin Ndioxi ya ná ndïko koo ini un ya ndáa ni ini un xíni un ra. Tá ndi̱ko koo un nuu ra, ta xaꞌa un ndee xiꞌin ndiꞌi na itáꞌan xiꞌin un ―káchi Jesús xiꞌin ra Simón Pedro.

San Lucas 10:27

Saa ndi̱kuiin ra ikán káꞌan ra saa: ―Soꞌva káchi ya: “Ná kuꞌvi ini yo kuni yo Ndioxi xiꞌin ndinuꞌu nima yo tin ya vaꞌa yo xiꞌin ndiꞌi ndee yo xiꞌin ya ndíkani ini yo. Ta saa ná kuꞌvi ini yo kuni yo na taꞌan yo tá kuꞌva kúꞌvi ini yo xíni xiꞌin mií yo”. Soꞌva káchi ya ta̱a ra Moisés ―káchi ra ikán xiꞌin Jesús.

HEBREOS 10:39

Ta yoo, ta süvi taꞌan naꞌa, na ndíko koo chí sata ku yo, chi na íkan saa ta síndiꞌi xaꞌa na mií va na, xaꞌa ya síndikoo na ichí ra. Sundi yoo, ta ndee ni ndáa ini yo xíni yo ra ya sikaku ra ya vaꞌa yo.

1 Corintios 8:1

Ta vitin káꞌan i xiꞌin ndo xaꞌa ñaꞌa ya ndi̱ndakan tuꞌun ndo yeꞌe xaꞌa, án vaꞌa kuxi ndo ya, án küvi kuxi ndo ñaꞌa ya sóko naꞌa nuu naꞌna ndioxi ya ndíi. Ta vaꞌa ná kaꞌan i xiꞌin ndo ya ndixa kua xíni ni ndiꞌi yo. Sundi tá ndíkani ini yo ya ndee ni xíni yo nuu inka naꞌa kua ndúu yo naꞌa, na kútaa ni ini. Ta ya ndixa ni ka ndáa yaꞌvi ku ya kúꞌvi ni ini yo xíni yo inka naꞌa, chi xiꞌin ya kúꞌvi ini yo xíni yo na, ta táxi yo ndee ndaꞌa na ya kundikun ni ka na ichí Ndioxi.

ROMANOS 15:13

Ta vitin káꞌan i xiꞌin mií Ndioxi ra chíkaa ndee ini ndo ya kundatun ndo ya vaꞌa ikan ra xiꞌin ndo. Ná taxi ni ra ya kúsini ni ndo, saa ná koo vaꞌa ni ini ndo. Ta saa ná ndundee ni ka ya kándixa ndo ya ndátun ndo niꞌi ndo tixin ndee Tachi I̱í ra.

HEBREOS 10:35

Yakan ndóꞌo̱, ta sïndikoo ndo ya ndáa ni ini ndo xíni ndo Ndioxi, saa chi vaxi kivi ta yáꞌa ni vaꞌa ya niꞌi ndo nuu ra.

Colosenses 1:5

Íkan ndo saa ndáa ni ini ndo Ndioxi, saa kúꞌvi ni ini ndo xíni ndo ra chi ku̱ndaa teꞌe ini ndo ya niꞌi ndo ñaꞌa nuu ra, ya chi̱vaꞌa ra xaꞌa ndo nuu ndivi. Chi xa ku̱ndaa teꞌe ni ini ndo tá xi̱ni soꞌo ndo tuꞌun vaꞌa ya ndaa ni xaꞌa Tata yo Jesucristo.

1 Tesalonicenses 1:3

Ta táxi ni nde tixaꞌvi ndaꞌa Iva yo Ndioxi xaꞌa kuꞌva ya kándixa ni ndo ra, saa kúꞌvi ni ini ndo xíni ndo ra, ta ya ñaa kua xáꞌa ni ndee xiꞌin ndo ya ndee ni vaꞌa xáa chiñu ndo nuu ra, chi kúndaa teꞌe ini ndo ya xaa súvi ra ya ndi̱kaꞌan ra xiꞌin ndo, ta ya ñaa kua chíndee ni ndóꞌo̱ ndee ni tuun ndíkun ndo Tata yo Jesucristo.