Xaꞌa ya ñaa kua ndïtuꞌun ka ndo tuꞌun vata. Vaꞌa ndi̱tuꞌun ndo nina ya ndaa xiꞌin taꞌan ndo, saa chi ndiꞌi yo kándixa ra, ta tá káa ikin kuñu mií ra saa íin ndiꞌi yo.
Ta xa xíni mií yo ya kuaꞌa ni nuu ku ñaꞌñu ya kúu mií ikin kuñu yo, sundi iindaa va ku yo. Ta saa iin káchi íin yo xiꞌin Tata yo Jesucristo. Saa chi vani kuaꞌa ni ku yo ndíkun ra, sundi iin va ku yo xiꞌin ra.
Tá ná kaꞌan xaꞌa yo xiꞌin ndaꞌa yo: “Köo ndíkun ndaa i xiꞌin un ikin kuñu saa chi süvi ndaꞌa ku i”, ná kachi ya. Ni saa va, ta ikin kuñu yo ndíkun ndaa va ya.