1 Corintios 10:7 - Xochapa Mixteco

⁷ Ná xäa kaꞌnu yo naꞌna ndioxi ya ndíi, tá kuꞌva i̱kan sava xií sikua yo, tá káchi tuꞌun Ndioxi ndíkani ya: “Ndi̱kundoo na xi̱xi na tin xi̱ꞌi na, sindiꞌi saa ndi̱kuita na xa̱á na kúkueꞌe na xiꞌin taꞌan na, saa xáa kaꞌnu na ndioxi ndíi”, káchi ya.

1 Corintios 10:7 Referans Kwoze

1 Corintios 6:9

¿Án köo xíni ndo, naꞌa, na íkan ya väꞌa ta küchiñu na koo na xiꞌin Ndioxi nuu xáꞌnda chiñu ra? Sïndaꞌvi ndo mií ndo chi ni na xíka sií xiꞌin taꞌan küvi koo na xiꞌin Ndioxi, ni na káñuꞌu ndioxi ndíi, ni taa ra kuakiꞌvi xiꞌin inka ñaꞌa, ni ñaꞌa yá kuakiꞌvi xiꞌin inka taa, ni taa ra kíxi xiꞌin inka taa, ni taa ra ndúu síꞌi nuu inka taa,

1 Corintios 10:14

Xaꞌa ya ñaa kua xíkan ni i ya mani nuu ndo, ñani mani, kuxika ndo nuu ñaꞌa ya káꞌan naꞌa xaꞌa kúu ndioxi na, ta xäa kaꞌnu ndo ya.

1 Corintios 5:11

Ya ndi̱kaꞌan i xiꞌin ndo kua ná kütaꞌan ndo xiꞌin naꞌa, na káꞌan ndíkun na Jesucristo, ta kútoo na kaka sii na xiꞌin taꞌan na, án síkuiꞌna na, án xáa káꞌnu na ndioxi ndíi án kánaꞌa kini na xaꞌa inka naꞌa, án na xíꞌi ku na, án na síndaꞌvi naꞌa ku na. Ndiꞌi naꞌa, na íkan saa ta ni kütaꞌan ndo xiꞌin na, ni küxi ndo xiꞌin na.

1 Juan 5:21

Ñani yo, ndóꞌo̱ ta tá íin seꞌe i saa íin ndo. Ta ya yóꞌó ku tuꞌun ya sindiꞌi káꞌan i xiꞌin ndo: Küyati ndo nuu naꞌna ya káꞌan na xiꞌin kúu ndioxi, kuxika ndo nuu ya.

1 Corintios 8:7

Ta süvi ndiꞌi yo ndíkun Tata yo Jesucristo ku yo xíni xaꞌa ya yóꞌó. Chi sava na ka̱ñuꞌu naꞌna ndioxi ndíi ta xíka uvi ka va ini na tá xíxi na kuñu. Ta ndíkani ini na xiꞌin ya án sana ya ndi̱soko naꞌa nuu naꞌna ndioxi ya ndíi kua káꞌán na. Xaꞌa ya xíka uvi ini na tá xíxi na ya, saa ndúu na tá íin naꞌa, na yáꞌa nuu Ndioxi, túvi na.

Los Hechos 15:20

Vaꞌa ná taa yo iin tutu kuꞌun ndaꞌa na nuu kaꞌan yo xiꞌin na ya küvi kuxi na ñaꞌa ya táxi naꞌa ndaꞌa naꞌna ya káꞌan na kúu ndioxi. Ta ni iin taa ta küvi kiꞌvi ra xiꞌin inka ñaꞌa tá tu süvi yá síꞌi ra ku yá, saa tu ná ñaꞌa va tá tu süvi ií ná ku iin taa, ni kiti ndíxita na sukun küvi kuxi na, ni nií ri küvi kuxi na, kachi yo xiꞌin tutu tiꞌvi yo kuꞌun ndaꞌa na köo kúu judío.