1 Corintios 10:29 - Xochapa Mixteco

²⁹ Süvi xaꞌa ndóꞌo̱ káꞌan i ya ndikani väꞌa ini ndo, xaꞌa naꞌa, na xíto ya íkan ndo saa kua káꞌan i. Chi na ikán ta án sana ndikani ini na ya köo xíniñuꞌu ndo ikan ndo saa. Chi yeꞌe, vani xa íyo ndíka i ya kuxi i ndiꞌi va ñaꞌa, sundi yeꞌe, ta xáꞌnu va ini i xaꞌa ya ndíkani ini na taꞌan yo, na vita ini.

1 Corintios 10:29 Referans Kwoze

1 Corintios 9:19

Vani xa kúu mií i ichí ikan i ndiꞌi ñaꞌa ya kúni mií i, sundi tá káa ra sa̱ta na xáa chiñu nuu ndiꞌi na, saa nda̱sa i mií i, xaꞌa ya kúni i ná kuchiñu i chindee taꞌan i xiꞌin kuaꞌa ni ka naꞌa ya ná kandixa na Tata yo Jesucristo.

2 Corintios 8:21

Ta vívií ni va xáa súvi nde chiñu yóꞌó nuu Tata yo, ta süvi ndisaa nuu mií ra íkan nde saa, chi saa vívií íkan tu nde nuu naꞌa va.

1 Corintios 10:32

Ta küvi ikan ndo ñaꞌa xiꞌin na taꞌan yo, ya sindikava ndo ini na, án na judío ku na, án süvi na judío ku na, án na kándixa Tata yo Jesucristo ku na, ta küvi ikan ndo saa xiꞌin na.

1 Tesalonicenses 5:22

Ta kuxika ndo nuu ndiꞌi ñaꞌa ya väꞌa.

San Lucas 4:18

Íyo Tachi I̱í Ndioxi xiꞌin i, saa ndi̱kaxin ya yeꞌe vaxi i ndituꞌun i tuꞌun vaꞌa xiꞌin na ndaꞌvi. Saa ti̱ꞌvi ya yeꞌe vaxi i sindaꞌa i na ndee ni taꞌvi nima. Ta ti̱ꞌvi ya yeꞌe vaxi i saña i na núꞌni xaꞌa kuachi na. Saa vaxi i kuna i nuu na kuáa̱, ta vaxi i chindee i na tíxuꞌvi.

1 Corintios 9:1

¿Án köo xíni ndo ya kúu i ra ka̱na Tata yo Jesucristo xáa chiñu i nuu ra? Ta íyo ichí i ikan i tá kuꞌva íkan inka nda xáa chiñu nuu ra. Chi yeꞌe ta xi̱ni xiꞌin nuu i ra. Ta ndóꞌo̱ ku ndo íin tá íin chiñu vaꞌa ni íkan i xáa chiñu i, chi tá ndi̱tuꞌun i tuꞌun vaꞌa xaꞌa Tata yo Jesucristo xiꞌin ndo kua ka̱ndixa ndo ra.