Wormefa 9:26 - Yãhã Naambiyãrfãn Saba

²⁶ Teelii wo nawee- naa pe pye ma yee: Yãhã nawee- sẽ me ye ne ye, loo teele ya wo, nawee- ga pe pye pe yee: Yãhã gii ke ma yrãŋ, koo pii me ye ne.»

Wormefa 9:26 Referans Kwoze

Galasyifa 3:26

Ye sẽ yãã, tee Yesu ta ye Yatɛr, ye byɛ yii wãã le u ne. Loo na ye nii Yãhã pii.

Wormefa 8:16

Yãhã Yrã gɛ le yar wo na wo laam wo wo n le cã ma yee, Yãhã pii me wo ne.

Kɔrntifa saba syãŋ wuhu 6:18

N ga nii Tuhufua ye ye, ye n -sẽ nii ra dyam tesẽ ra pueesyam ne.» Yĩŋfua Yãhã kapãn ne, koo gii ke ma tãŋ kai- byɛ fãnga ne.

Nsãn 11:52

Le sẽ maha pye pe terfa ya wĩĩ na ye. Le pye Yãhã laampii kur byɛ wĩĩ na, pe nii yĩmbui nen na, Yãhã laampii mpãy byɛ pe cããŋ driyɛ̃ teebɛhɛ byɛ wo.

Matɛhɛ 16:16

Syimu wii pe n yee Pyar, u n u yɛ̃ sya ma yee: «Mboo kẽ u Yãhã Yĩndefua Crise, ma maha ma ke Dya, koo gii wãkuyãã wee ke na ye.»

Wormefa 8:14

Mpãy byɛ pe ma Yãhã Yrã ne le pe troho wãtãhã sroŋ, pe ma Yãhã pii.

Wormefa 8:19

Per gaa ma ke n pai, koo per na Yãhã ga ba ke pii nayɔ̃r yar gbaa na, nawee- byɛ n ke yãã yĩnde ne. Wãn tii byɛ Yãhã te tãhã, koo per wãyãã laam te byɛ yigi.