Matɛhɛ 8:31 - Yãhã Naambiyãrfãn Saba

³¹ Pe sãndãpee n Yesu nar ma yee: «Maʼa yee maa wo kar, tyii wo n ga dye tyɛ- mii laam laam wo.»

Matɛhɛ 8:31 Referans Kwoze

Marɛkɛ 5:12

Pe sãndãpee n Yesu nar ma yee: «Wo nɔ wãã tyɛ- mii fla na, wo n ga dye nii pe laam laam wo.»

Kayar 12:12

Loo ne yãhãyĩŋ yai ke naa nuhu di, tesẽ yii yãhãyĩŋfa ne. Kãntrahafa, yii poo na, muhulangbãŋfa ne, kayĩhĩ ma ke n pai ye ye. Ye sẽ yãã, u sãndãpee yĩŋfua tege ga ye kuɛ ye. Tuu cã draha sẽ gboho u ye ye, ncafũhũ n u yigi.»

Marɛkɛ 5:7

ma tẽ sya fãnga ne ma yee: «Ke Yãhãngbãŋ Dya Yesu, nwa taa ga pye ra na? N ma nar, Yãhã yãŋ, maʼa syi ma ra pẽn ye.»

Matɛhɛ 4:24

U myaha n sya ba yi Syire kãntraha kui byɛ wo, pe n -sẽ pa u fla na yanfa ter byɛ ne, ma suhu mpãy byɛ ne pe kadye teelaa fla klaha- pe ye. Mpãy pye, sãndãpee pye pe yĩŋ na, wãtookufa pye, mpãy ne pe naa fɛn sya yan koho wo. Yesu n pe byɛ jaa.

Matɛhɛ 7:6

Ye ma syi ye naa Yãhã wũhũ pãã napee- mpãy ye pe ma pãm wãŋ syi dyaŋ ye! Mii loo sẽ ne ye, pe ga waha wã klaha pe kapee pye ye na. Ye ma syi ye naa Yãhã wũhũ yar nawee- mpãy na pe ma tyɛ- wãŋ syi dyaŋ, pe wũhũ sẽ laha ye. Mii loo sẽ ne ye, pe ga ke Yãhã wũhũ wluhu pye klaha-.»

Matɛhɛ 8:30

Kaha tyɛ- busãã pye ke fla na, pe naa pe digi kɛ, pe fla ba faa dey.

Matɛhɛ 8:32

Yesu n le sya pe ye. Pe sãndãpee n tege kãã pe naam syãm yĩŋ na, ma ga dye pe tyɛ- laam laam wo. Le yalebya wo, pe tyɛ- n fã tege ga too dye ke langbãŋ wo, ma ku.