Matɛhɛ 5:4 - Yãhã Naambiyãrfãn Saba

⁴ Mpãy pe cã pe pyer sẽ yɔ̃ ye, le n nii pe fãy, poo wĩĩ n tãy Yãhã ye. Yãhã ga ba koho le pe ye.

Matɛhɛ 5:4 Referans Kwoze

Kayar 21:4

Ke ga ba pe yĩntãm byɛ tẽn pe kẽ. Nawee- saa ba naa n ku nantãŋ ye, wram saa ba pye yãã ye, miiwũn ne ye, wãfãy gaa ter ne ye. Faale wũhũ saa ba pye yãã nantãŋ ye.»

Luke 6:21

Yii mpãy tee mii fããfa yagaa, ye wĩĩ n tãy Yãhã ye. Ye ga ba digi yãã, ke saa pye wãditãŋ wãŋ ye. Yii mpãy tee mii miiwũnfa yagaa, ye wĩĩ n tãy Yãhã ye. Ye ga ba naa nuhu di.

Syake 1:12

Yãhã ma wii tãn yãŋ wãfãy ne, ufua ma -sẽ u ya waha ma kuee Yesu kur ye, ma tyii Yesu wĩĩ n nii gbãã u laam wo, nuhu ma ufua wãn. Tuu waha yia loo na, u ga yiafua nkifai yãã. Loo ne cĩĩnde yrã ne, lii wãkuayãã wee le na ye. Loo yrã ne, Yãhã ke bii yɛ̃ tɛr ma yee, koo wĩĩ ma n tãy mpãy ye, ke ga ba loo yrã wãã poo kẽ.

Luke 16:25

Brama n -sẽ u pye ma yee: ‹Ta dya, taa pye kãntraha na, ma koho wãn pye la wãkua wãn, Laasar woo sẽ pye la fɛn ya? Le faha la ma na? Yagaa taa nwo fɛn laam wo, u lay kẽ u n di yagaa.

Luke 6:25

Yii mpãy tee -sẽ mii diyaifa yagaa, ye wĩĩ pee Yãhã ye. Ye ga ba nii fãã ne. Yii mpãy, tee -sẽ mii nuhudifa yagaa, ye wĩĩ pee Yãhã ye. Ye miiwũn ga ba gboho tɛr.

Luke 7:50

Yesu n -sẽ u cɔɔ pye ma yee: «Taa ra wĩĩ sya ma ra ta ma Yatɛr, ma sya yaha, naa n gaha pra.»

Luke 7:38

Tuu ba dye, u n ga kãnklũy gbãã Yesu kur kuɛ ye u trɛ tãy, ma nii n wũn, ma u yĩntãm ta ma nii Yesu trɛ tuhu. U n ba u yĩnyor ta ma te kluã, ma te tɛ n tege u kẽ, ma dur ma pe lasekole kaha woo te na.