Luke 1:53 - Yãhã Naambiyãrfãn Saba

⁵³ Ke fããfa ta klafa, pe n yãã ma sya ta tɛr pe wãdiŋ yaha. Ke walefa dur wãã kãnwai ne.

Luke 1:53 Referans Kwoze

Luke 6:21

Yii mpãy tee mii fããfa yagaa, ye wĩĩ n tãy Yãhã ye. Ye ga ba digi yãã, ke saa pye wãditãŋ wãŋ ye. Yii mpãy tee mii miiwũnfa yagaa, ye wĩĩ n tãy Yãhã ye. Ye ga ba naa nuhu di.

Luke 6:24

Yii mpãy tee -sẽ mii walefa, ye wĩĩ pee Yãhã ye. Ye ye kayũhũ lay yãã wa.

Matɛhɛ 5:6

Mpãy pe wãsroŋ kɛ mii fããfa dyaŋ pe digi kɛ, loho ne, poo wĩĩ n tãy Yãhã ye. Yãhã ga ba loo nde wãã pe kẽ.

Kɔrntifa cir 1:26

Wo nna, tee wee ngaa driyɛ̃fa yĩnde na ye, Yãhã n -sẽ ye yãŋ yi, -ye loo yãŋ! Ye laam wo, kaicãfa sẽ nihi ye, fãngafa sẽ nihi ye, nangbãm sẽ nihi ye.

Nsãn 6:35

Yesu n pe yar ma yee: «Ndoo tẽ ma koo digi nge, koo digi gii ke cĩĩnde yrã wãã nawee kẽ. Wii ma pa ra ye, fãã saa ufua yigi yãã ye; tesẽ wii ma ra ta u Yatɛr, loho fãã saa ufua yigi yãã ye.

Kɔrntifa cir 4:8

Ye sẽ yee la, a yii kai- cã yai wa, a ye ngbãŋ yai wa kacãn ne, a wii ma sya yee wo wee ye, ye ga waha yahasee gbe? Ye ma nii yahasee ye cĩĩnde, le yɔ̃; ye ga waha wo bya ta wo n nii yahasee ye.

Luke 1:54

Yãhã ke laantãr yar wo faale wãlɛ na. Ke dye Yiisrɛfa kuɛ ye, Yiisrɛfa mpãy pe pye ke koho wo.