Kayar 7:10 - Yãhã Naambiyãrfãn Saba

¹⁰ Pe n nii n tẽ fãnga ne ma yee: «Wo Yãhã gii ke tege nii ke nangbãŋ niisayũhũ wo, tesẽ u Yãhã Mbapẽnge ne, poo me pe wo sya yaha.»

Kayar 7:10 Referans Kwoze

Kayar 19:1

Loo kur ye, ta n luhu nabuar raa yĩmbui ye yãhãyĩŋ na, le naa n yee fãnga ne ma yee: «Aleluya, -ye naa Yãhã sey! Koo kẽ ke nawee- sya n yaha; ke miingbãŋ gboho, fãngangbãŋ ma ke ye.

Kayar 12:10

Ta n luhu yĩmbui laa ne, le yir yãhãyĩŋ na fãnga ne, ma ra pye ma yee: «Yagaa, syayahayale nɔ wa, Yãhã fãngangbãŋ ne, ke yĩnfar ne; te yĩnfar wãã ke Yĩndefua Crise kẽ. Ye sẽ yãã, wo nampyeŋ- wãpee pããfua Setane miy tege yaha; woo kẽ u naa pe wãpee pãã Yãhã yaha ye, ke yai ke yĩmper.

Kayar 22:3

Yoosẽn saa pye nantãŋ le kungbãy nde wo ye. Yãhã nangbãŋ niisayũhũ ga ba pye le wo, u Yãhã Mbapẽnge nangbãŋ niisayũhũ ne. Pe Yãhã tẽntẽ- ga ba naa tẽn tẽ Yãhã ye.

Yefɛsyifa 2:8

Ye sẽ yãã, Yãhã laantãr ne, te ye sya yaha. Ye Yesu Crise ta ye Yatɛr, ma waha loo kayĩĩ nde yãã. Yii sẽ me tee waha yia ma koo wãsyayaha nge yãã ye; Yãhã kẽ ke loo nde wãã ye kẽ ke dyaŋ.

Nsãn 1:29

Koo yĩŋsyii wo, Nsãn n Yesu yãã tuu n pai u fla na, u n pe nawee- pye ma yee: «U Yãhã Mbapẽnge nwo, wii Yãhã u ta, ma ga driyɛ̃ nawee- kapee- foho gbe kãã pe na.

Kayar 21:5

Loo na, wii u ba nii ke nangbãŋ niisayũhũ wo, u n yee: «Yagaa, n ga kai- byɛ ta ke n nii kafũhũ.» Loo kur ye, ta n luhu, a n ke kai- yrũhũ, a ke pãã mii le ga pye koo syi.

Luke 3:6

Yãhã ke lii pye ma ga wo sya yaha, kãntrahafa byɛ ga ba le yãã pe yĩnde ne.»

Kayar 5:7

Wii u ba tege nii ke nangbãŋ niisayũhũ wo, u Mbapẽnge n pa, ma ba u saba sya u kãndigi koho wo.

Kayar 4:6

Ke nangbãŋ niisayũhũ fla na, ke fla kãntraha ma mii ntẽmblaha gaa ter dyaŋ pe n yee crisale. Ke ma yɛlyɛl sesantĩhĩ dyaŋ. Ke nangbãŋ niisayũhũ fla yahasee kuɛ ye, tesẽ ke nkur kuɛ ne, yãhãyĩŋ yrãŋ wãn taa ter ma, wãy tesyar. Te ma yĩmpɛ busãã ne teebɛhɛ byɛ na yaha ye, kur kuɛ bya ne.

Nsãn 4:22

Yii Syamarifa, tee ngii sey ye sẽ ke cã ye; wii Yiifee- -sẽ mii, too ngii sey wo ke cã, ma cã u Syayahafua yĩŋ yi Yiifee- wo.

Nsãn 1:36

U n maha ba Yesu yãã tuu n tɛr. U n maha yee: «U Yãhã Mbapẽnge nwo!»