Kayar 4:11 - Yãhã Naambiyãrfãn Saba

¹¹ «Wo Yĩŋfua Yãhã, ma yai ma miingbãŋ n naa n gboho, ma yai ma miiyũhũ n naa n yee, ma yai ma pye kai- byɛ fãnga ne. Mboo kẽ taa kai- byɛ tãhã. Le tãy ma ye, koo kẽ ma n te tãhã, te n nii.»

Kayar 4:11 Referans Kwoze

Kayar 5:12

Pe n nii le gbey n pãã fãnga ne ma yee: «U Yãhã Mbapẽnge wii u ba ku mpar draha wo, woo u yai u nii kai- byɛ yĩŋ na, u yai u nangbãn yãã, laantor ne, fãnga ne, nagboho ne, wãsey ne, miingbãŋ ne.»

Kayar 10:6

Yãhã gii ke ma yrãŋ yalebyɛ, wãkuyãã wee ke na ye, koo gii ke yãhãyĩŋ tãhã ke laam wãn ne, kãntraha ne ke wãn ne, muhulangbãŋ ne ke laam wãn ne, u yãhãyĩŋ tẽnlɛhɛ n koo myaha di, ma le pãã ke ye ma yee, yale laa saa maha kẽ taha ye,

Kayar 14:7

U naa le pãã fãnga ne ma yee: «-Ye naa n fya Yãhã na, -ye naa ke miingbãŋ gboho! Ye sẽ yãã, ke kasãhã yale nɔ wa. Koo gii ke yãhãyĩŋ tãhã, kãntraha ne, muhulangbãŋ ne, lɔr yisar ne, -ye naa ke sey!»

Kayar 5:9

Te n nii yaanfãŋ le ma yee: «Ma yai ma u saba gbe, ma te puhu kuã. Mboo kẽ pe ba ma boo mpar draha wo. Ma ntãŋ wãwoo kãmay na, ma nawee- ter byɛ par sya Yãhã kẽ, yor ter byɛ nawee- ne, kui byɛ nawee- ne, tesẽ kãntrɛ byɛ nawee- ne.

Yebɛrɛfa 1:10

Yãhã maha yee: «Yĩŋfua, mboo kẽ taa kãntraha tãhã ke kai- byɛ fegbecãã na. Mboo kẽ taa maha yãhãyĩŋ bya tãhã.

Wormefa 11:36

Cĩĩnde ne, woofua wee ye. Ye sẽ yãã, koo kẽ ke kai- byɛ ta, koo kẽ ke wãn byɛ tãhã, te byɛ ma koo wãn. Ke miingbãŋ yai ke naa n sey yalebyɛ, wãyɛryãã ma n pye le na ye! Amɛn, le nii ke syi.

Yefɛsyifa 3:9

Ke maha ra taha, n nawee- yar laha pe n ke laantor wĩĩ cã u Crise wĩĩ na. Ke laantor wĩĩ lii ke bii cãã ta, waa sẽ le cã yãã ye. Yãhã gii ke kai- byɛ tãhã, ke sẽ ke laam wĩĩ nde yar yãã waa na mii yagaa sẽ kẽ ye.

Yesu tẽnlɛhɛ tẽŋ 14:15

«Naambiyãm, nwa ye n nii loo nde pye? Naweetee- ya me wo ne ye dyaŋ. Wo pa le Yãhã kapãyĩĩ ne ye kẽ, ma yee ye nekla wãn nde tee ta ye mpar ma n tẽŋ, -ye re gbe ga miy yaha, tee ye yĩntar sroŋ cĩĩnde Yãhã ya ye, cĩĩnde Yãhã gii ke ma yrãŋ na yalebyɛ, koo gii ke yãhãyĩŋ ta, kãntraha ne, muhulangbãŋ ne tesẽ wãn tii byɛ ne te ma te laam wo.

Yesu tẽnlɛhɛ tẽŋ 17:24

Yãhã gii ke driyɛ̃ tãhã ke laam wãn byɛ ne, ke ma yãhãyĩŋ Yĩŋfua ma suhu kãntraha bya ne. Yãhã kangbãy tii nawee- te fãã, ke sẽ n syã te wo ye.

Kayar 5:2

Ta n yãhãyĩŋ tẽnlɛhɛ fãngafua waa yãã, tuu le gbey pãã fãnga ne ma yee: «Yoo syi yai u te puhu kuã u u saba yãr?»

Yebɛrɛfa 1:2

Yagaa sẽ na, Yãhã ke yɛ̃ kapãn pãã wo ye ke Dya kãmay na; Yãhã driyɛ̃ kai- byɛ le soho woo koho wo. Yãhã driyɛ̃ kai- byɛ tãhã woo kãmay na.

Kayar 1:6

woo kẽ u wo yee dye u yĩnfar wo, ma wo ta wo n nii Yãhã tẽntẽ-, ma nii tẽn tẽ u Tuhufua Yãhã kẽ. U miingbãŋ ke yi, u maha fãngangbãŋ yãã, te n nii wãkuayãã ma n pye te na ye! Amɛn, le nii ke syi!

Kayar 19:1

Loo kur ye, ta n luhu nabuar raa yĩmbui ye yãhãyĩŋ na, le naa n yee fãnga ne ma yee: «Aleluya, -ye naa Yãhã sey! Koo kẽ ke nawee- sya n yaha; ke miingbãŋ gboho, fãngangbãŋ ma ke ye.