Kayar 19:6 - Yãhã Naambiyãrfãn Saba

⁶ Loo kur ye, ta n luhu nabuar raa yĩmbui ne, mii langbãy tẽŋ dyaŋ, maha yãhãgbãã tẽŋ dyaŋ. Pe naa n yee: «-Too naa Yãhã sey! Ye sẽ yãã, wo Yĩŋfua Yãhã gii ke ma kai- byɛ fãnga ne, ke ke yai ta ke n pa!

Kayar 19:6 Referans Kwoze

Kayar 14:2

Ta n luhu yĩmbui laa ne, le yir yãhãyĩŋ na mii langbãy tẽŋ dyaŋ, mii yãhãgbãã tẽŋ dyaŋ. Yĩmbui lii tẽ luhu, le pye mii kornjongbãyfa dyaŋ pe te pẽn.

Kayar 19:1

Loo kur ye, ta n luhu nabuar raa yĩmbui ye yãhãyĩŋ na, le naa n yee fãnga ne ma yee: «Aleluya, -ye naa Yãhã sey! Koo kẽ ke nawee- sya n yaha; ke miingbãŋ gboho, fãngangbãŋ ma ke ye.

Kayar 6:1

U Yãhã Mbapẽnge tuu te puhu kuasĩĩ wãcir kuã, ta n yee ndoo ga yãŋ, ma luhu te yrãŋ wãn wãy tesyar neŋ gaa yĩmbui ne mii yãhãgbãã tẽŋ dyaŋ, ke n yee, pa!

Kayar 1:15

U trɛ naa n yɛhɛ mii ntẽn taa ter dyaŋ, pe te yɛ̃y ntẽŋ wo, te n nder waha, pe n te dyoho. U yĩmbui tẽŋ pye mii langbãŋ dyaŋ.

Kayar 21:22

N sẽ Yãhã kangbãŋ yãã le kungbãy wo ye. Yĩŋfua Yãhã gii ke ma tãŋ kai- byɛ fãnga ne, koo kẽ ke ma le kungbãy wo, koo tesẽ u Yãhã Mbapẽnge ne.

Kayar 12:10

Ta n luhu yĩmbui laa ne, le yir yãhãyĩŋ na fãnga ne, ma ra pye ma yee: «Yagaa, syayahayale nɔ wa, Yãhã fãngangbãŋ ne, ke yĩnfar ne; te yĩnfar wãã ke Yĩndefua Crise kẽ. Ye sẽ yãã, wo nampyeŋ- wãpee pããfua Setane miy tege yaha; woo kẽ u naa pe wãpee pãã Yãhã yaha ye, ke yai ke yĩmper.

Kayar 8:5

U n le wusuna sãn cĩĩ gbe, ma le yĩĩ ke Yãhã diŋ yisaha fla naa ne, ma le miy yaha driyɛ̃ kãntraha na. Pe n luhu gbleŋ nkãy ne, yãhãgbãã tẽŋ ne, Yãhã wãyɛhɛ kalkal ne, kãntraha n yɛhɛ.

Kayar 4:5

Yãhã wãyɛhɛ kalkal naa n yi ke nangbãŋ niisayũhũ fla wo, tesẽ yĩmbuhu nkãy ne, ma suhu yãhãgbãã tẽŋ ne. Ke nangbãŋ niisayũhũ yaha ye, terbuhu kuasĩĩ raa ter pye te ba tar yaha. Too ne te ma pe Yãhã Yrã tẽnlɛhɛ kuasĩĩ.

Matɛhɛ 6:13

Maʼa n wo miy yaha, wo n tyĩn naa n gaha kapee- wãpyeŋ kuɛ ye ye. -Taa wo yi naa n kãã sãndãpee yĩŋfua koho wo. [Mboo ya kẽ taa ma tãŋ yĩnfar ne, fãnga ne, miingbãŋ ne, too rii wãkuayãã wee te na ye. Amɛn, le nii ke syi!]› »

Kayar 1:8

Yĩŋfua Yãhã yee: «Ndoo kẽ ke Alefa tesẽ ke Womega ne, n pye kai- byɛ fegbesaha na, tesẽ ndoo kẽ n ga ba pye ke kai- byɛ kuasaha na.» Koo kẽ ke pye lɛ nii wa Yãhã, ma maha ma koo, ma maha ga nii yai tãŋ koo. Koo kẽ ke ma tãŋ kai- byɛ fãnga ne.

Kayar 19:4

Te nanlɛr gbey tesẽ wãy tesyar, ma suhu te yrãŋ wãn wãy tesyar ne, te n kãnklũy gbãã, ma Yãhã sey ke nangbãŋ niisayũhũ wo ma yee: «Amɛn, le nii ke syi! Aleluya, -ye naa Yãhã sey!»