Kayar 19:1 - Yãhã Naambiyãrfãn Saba

¹ Loo kur ye, ta n luhu nabuar raa yĩmbui ye yãhãyĩŋ na, le naa n yee fãnga ne ma yee: «Aleluya, -ye naa Yãhã sey! Koo kẽ ke nawee- sya n yaha; ke miingbãŋ gboho, fãngangbãŋ ma ke ye.

Kayar 19:1 Referans Kwoze

Kayar 11:15

U yãhãyĩŋ tẽnlɛhɛ kuasĩĩ wuhu n u tũũtũũ wuu. Yĩmbuhu nkãy n yir fãnga ne, yãhãyĩŋ na ma yee: «Yĩŋfua Yãhã tesẽ ke Yĩndefua Crise ne, pe ma driyɛ̃ yĩŋ na yagaa. Wãkuayãã saa pye pe yĩnfar na ye.»

Matɛhɛ 6:13

Maʼa n wo miy yaha, wo n tyĩn naa n gaha kapee- wãpyeŋ kuɛ ye ye. -Taa wo yi naa n kãã sãndãpee yĩŋfua koho wo. [Mboo ya kẽ taa ma tãŋ yĩnfar ne, fãnga ne, miingbãŋ ne, too rii wãkuayãã wee te na ye. Amɛn, le nii ke syi!]› »

Kayar 19:6

Loo kur ye, ta n luhu nabuar raa yĩmbui ne, mii langbãy tẽŋ dyaŋ, maha yãhãgbãã tẽŋ dyaŋ. Pe naa n yee: «-Too naa Yãhã sey! Ye sẽ yãã, wo Yĩŋfua Yãhã gii ke ma kai- byɛ fãnga ne, ke ke yai ta ke n pa!

Kayar 12:10

Ta n luhu yĩmbui laa ne, le yir yãhãyĩŋ na fãnga ne, ma ra pye ma yee: «Yagaa, syayahayale nɔ wa, Yãhã fãngangbãŋ ne, ke yĩnfar ne; te yĩnfar wãã ke Yĩndefua Crise kẽ. Ye sẽ yãã, wo nampyeŋ- wãpee pããfua Setane miy tege yaha; woo kẽ u naa pe wãpee pãã Yãhã yaha ye, ke yai ke yĩmper.