Kɔrntifa cir 9:6 - Yãhã Naambiyãrfãn Saba

⁶ Wii wo syãm ya la ta tẽntẽwɛ Barnabaase ne, too yai wo naa tẽn tẽ, wo cã naa wo yɛ̃ digi yãã?

Kɔrntifa cir 9:6 Referans Kwoze

Tesalonifa saba cir 2:9

Yii mpãy ye ma Yesu kãndeyãrfa, tẽn lii too naa n tẽ, ma naa wãfãy gii fãy, ye le cã: Too pye ye ne ma naa le Yãhã kapãyĩĩ yar ye na, wo naa tẽn tẽ ke yai ke yĩmper. Wo sẽ naa ye fãy laa gɛ ne ye.

Yesu tẽnlɛhɛ tẽŋ 18:3

Pɔl tuu ba koho tẽn lii tẽ cã, u bya naa loo tẽn tẽ. Sraha tẽn ba kẽ. Loo n ta, Pɔl n kuee pe fla na, pe n wãã naa n tẽ.

Yesu tẽnlɛhɛ tẽŋ 4:36

Mpãy pe koho wãn kẽ ke syi, pe laam wo dya waa pye pe naa n yee Yosɛfe, Lewi kur kuɛ puee waa. U naa n yi teelaa wo, pe n yee Syiper, kãntraha gaa kẽ muhulangbãŋ ke gbey le. Pe Yesu tẽnlɛhɛ ba yasey myaha taha u Yosɛfe na, ma naa u yee Barnabaase; ke myaha yĩntaha kẽ, wii u laantor le nawee- laam wo.

Yesu tẽnlɛhɛ tẽŋ 14:12

Pe n nii Barnabaase yee Yeepeta, ma yee Pɔl woo ma kaplãŋ pããfua, ma nii u yee Makur, pe klo mpar myar ne.

Yesu tẽnlɛhɛ tẽŋ 11:22

Yesu kãndeyãrfa mpãy pe pye Yurusalɛm wo, ma naa pe ya wãã, pe ba Yãtɔɔsyi Yesu kãndeyãrfa wĩĩ luhu. Pe n Barnabaase woo lɛhɛ wãã ke fla na. U pye naweeyɔ̃, Yãhã Yrã ba u laam yĩĩ, u maha ba Yesu ta u Yatɛr u laam byɛ ne. Tuu ga dye ke fla na ma yãã Yãhã kayĩĩ lii pye, le n nii u ye nuhu. U n pe nawee- yar laha pe pe laam ta wãcɛŋ, pe pe ya waha pe ma n cɛr Yĩŋfua na ye. Nabuar n maha naa n pai, maa pe ya le naa n soho Yĩŋfua koho wo.

Yesu tẽnlɛhɛ tẽŋ 13:50

Canangbãy tii te naa Yiifee- wãlɛ kãnde yãr, ma suhu le klo yahaseefa ne, pe Yiifee- n poo mii sũũ le Pɔl ye na Barnabaase ne, pe n pe nuhu, ma sya pe kar yi kãã pe kãntraha wo.

Kɔrntifa cir 11:16

Kaplãŋ wãtyĩn wĩĩ ma pye wii laam wo yĩŋ wãtã wĩĩ nde na, u cã wãcãŋ ya u yee, wii tesẽ teebɛhɛ byɛ Yesu kãndeyãrfa yawãrfa ne, troho wãtãhã gaa ter wee wo ye ye.

Kɔrntifa saba syãŋ wuhu 11:8

N yɛr le na, ma dããn sya Yesu kãndeyãrfa yawãr teebɛhɛ nkãy ye. Le nii mii, n poo koho wãn sya pe ye, ma ba tẽn tẽ ye kẽ Yesu kapãyĩĩ wãpãã ne.