Титке 2:12 - Наа Молҷағ

^12-13 Ол паарсас пісті, Худайы чох хоныхты паза чуртас хынығыстарын тасти, пазымнығ, сынҷых, Худайны улуғлап, пу ах-чарыхта чуртирға ӱгретче. Піс, анзына ӱгреніп, ізенчеткен часкалығ кӱнібісті сағып чуртирға кирекпіс. Андада илбек Худайыбыс паза Арачылағҷыбыс Иисус Христостың сабланызы азылар.

Титке 2:12 Referans Kwoze

Матфей 16:24

Андада Иисус Позының ӱгренҷілеріне чоохтанған: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Римдегілерге 6:19

Сірер кӱс-сағ чохтарыңнаңар, мин мыны кізі синҷе чоохтапчам. Алында сірер ит-ханыңарны сайбахха, чабал киректерге хул иткезер. Олох оңдайнаң амды аны ахтаныстың хулы идібізіңер. Андада сірер ах-арығ полыбызарзар.

2 Петрның 2:9

Пу кирек Худайны улуғлапчатхан кізілерні Хан Худай хыҷыхтаныстаң арачылирға пілчеткенін кӧзітче. Ол, хомай кізілерні хатығлап, чарғы кӱніне хайди ағыларын даа пілче.

1 Иоанның 2:6

Худайда полчам тіпчеткен кізее Иисус Христос чіли чуртирға кирек.

2 Тимофейге 3:12

Прайзы даа, Христос Иисуста Худайның кӧңнінҷе чуртирға хынғаннары, сӱрдірер.

Азых чоох 14:12

Ах-арығлар, Худайның чахығларын толдырчатханнар паза Иисустың ізестіг кізілері сыдазарға киректер.

1 Фессалониктегілерге 4:7

Худай сірерні кір-похсахха пастырбасха, ах-арығ чуртирға хығырған.

Титке 3:3

Хаҷан-да піс тее, ырах сағынмин, сӧс испин, астых чӧрген полғабыс. Хыҷаланыстарға, чуртас хыниина салынған хуллар полғабыс, чабалласта, істі чохтаныста, удур-тӧдір хырт кӧрізіп чуртаабыс.

1 Фессалониктегілерге 4:9

Харындастар чіли хынызардаңар сірерге пазары даа кирек чоғыл, сірерні постарыңны даа Худай удур-тӧдір хынарға ӱгрет салған.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

Римдегілерге 12:2

Пу тилекейнің оңдайынҷа чуртабаңар, че сағыс-кӧгістеріңні нааҷылап, постарыңны алыстырыңар. Андада сірер Худайның кӧңні хайдағ полчатханын сынап аларзар: ниме Ағаа чахсы, чаразых паза кӧңніне толдыра.

Римдегілерге 6:12

Аннаңар ӧлҷең иді-ханыңарда чазых ӱлгӱ тутпазын, аның хынығыстарынҷа полбаңар.

1 Иоанның 2:27

Иисус Христостаң пирілген Худай Худы сірерде полча, аннаңар сірерні ӱгредерге кирек чоғыл. Ол Хут сірерні прай нимее ӱгретче. Ол сын, Анда чой ниме чоғыл. Аннаңар сірер Ол ӱгреткен оңдайҷа чуртаңар.

2 Петрның 3:11

Іди прай ниме иділер полза, сірерге хайдағ кізі поларға кирек? Сірер ах-арығ чуртирға паза Худайны улуғлирға кирексер.

Еврейлерге 8:11

Андада оларның прайлары, иң кічиинең иң улиина теере, Мині пілерлер. Аннаңар кізі кізее алай харындас харындазына „Худайны пілеріне чол ас пирим“ тирге кирек чох полар.

1 Тимофейге 6:17

Пайларны пу тустарда ӱгрет пар: постарын пӧзікке санабазыннар, ізес чох ис-пайларына тың на ізенмезіннер, че піске ӧрінерге прай нимені толдыразынаң пирчеткен сын-тіріг Худайға ізензіннер.

1 Тимофейге 4:12

Синің чиит чазыңнаң санаспин полбазыннар, син, тізең, киртіністіглерге чооғыңда, хылынғаныңда, хынызыңда, кӧңніңде, киртіністе паза ах-арығ тудынғаныңда кӧзідім пол.

Колоссадағыларға 1:22

Амды, тізең, Христостың пу чирдегі иді-сӧӧгі пастыра Худай сірерні Позынаң чарастыр салған. Ол Позының алнында сірерні ах-арығ, пыро чох, пір чігі чох кӧзідерге тіп, Христостың ӧлімінең анзын иткен.

Галат чиріндегілерге 5:24

Че Христостың кізілері пос постарын, хынығыстарын паза хыҷыхтарын, кіреске хазап салғаннар.

Галат чиріндегілерге 1:4

Худай Пабабыстың кӧңні хоостыра Иисус Христос, пісті пу чабал тустардаң осхырарға тіп, пістің чазыхтарыбыс ӱчӱн Позының чуртазын пир салған нооза.

2 Коринфтегілерге 7:1

Ол оңдайнаң, хынғаннарым, андағ сӧс пиріл парғанда, ит-ханыбыста паза худыбыста пар чабал нимедең арығланып алааңар. Ол оңдайнаң, Худайдаң хорығып ала, пӱкӱле ах-арығ полыбызыңар.

2 Коринфтегілерге 1:12

Мына нимее поғдархапчабыс паза арығ сағыснаң киречілепчебіс: чон аразында, улам сірернің араңарда, полған туста, прай киректерде кӧні паза азых кӧңніліг тудынғабыс. Піс, кізі хыйғазынаң устанмин, Худайның паарсазына ізенгебіс.

Римдегілерге 8:13

Сірер ит-ханның оңдайынҷа полчатсар, ӧл парарзар. Ит-ханның хынығыстарын Худай Худынаң пазынып алзар, чуртирзар.

Илҷілернің 24:25

Павел арығ чӱректіг чуртирдаңар, посты хатығ тудардаңар паза килер чарғыдаңар чоохтап сыхханда, Феликс хорых парған. – Че амды пар. Маң полза, мин сині хығыртыбызарбын, – теен ол.

Илҷілернің 24:16

Аннаңар мин позым даа Худайның паза кізілернің алнында арығ чӱректіг чуртирға кӱстенчем. –

1 Иоанның 5:19

Худайни полчатханыбысты пілчебіс, тиксі-тилекейнің чабал кӱзі алтында полчатханын даа пілчебіс.

Ефестегілерге 1:4

Тилекейні чайап салар алнындох, Ол пісті, Христостағыларны, хыныста чуртап, Позының алнында ах-арығ, пырозы чох ползыннар тіп таллап алған.

Иоанн 14:30

Чир-чалбахтың кнезі – сайтан – чағын, аннаңар Мағаа сірернең чоохтазарға ӱр халбады. Аның Миннең устаҷаң ӱлгӱзі чоғыл.

Иоанн 6:25

Анаң кӧл озаринда Иисусты таап алып, Аннаң сурғаннар: – Ӱгретчі! Син пеер хаҷан килдің?

Лука 1:6

Олар ікізі дее, Худай алнында арығ чӱректіг кізілер полып, Хан Худайның чахығларына тӧстеніп чуртааннар.

Иуданың 1:18

Олар сірерге піди теен полғаннар: тӱгенҷі тус чит килзе, сірерні сӧклепчеткен, чабал хынығыстарына тартылчатхан кізілер сығызарлар.

2 Тимофейге 4:10

Димас, пу чуртасха хынығып, мині тастап, Фессалоник саарзар парыбысты, Крискент – Галат чирінзер, Тит – Далмат чирінзер, чалғыс Лука ла миннең хада.

Матфей 12:32

Кем Кізі Оолғын чабаллир, аның пырозын тастирлар, че Худай Худын чабаллапчатхан кізінің пырозы амғы даа паза килчеткен дее туста тасталбас. –

1 Тимофейге 6:9

Пайирға кӱстенчеткен кізі хыҷаланысха пирінче. Ол чабал, тузазы чох, ӱреге кирчеткен хынығыстар хахпанына хаптырча.

Иаковтың 1:27

Худай Пабабысха арығ, пырозы чох пазырғаны – ол ӧкістердеңер паза чалғыс чарым халған ипчілердеңер сағыссырааны паза посты пу чуртастың хынығыстарынаң хайраллааны.