Матфей 9:36 - Наа Молҷағ

³⁶ Хадарҷы чох, майых парып, астых чӧрчеткен хойлар чіли, чыылыс парған чоннарны кӧр салып, Иисус оларға айап парған.

Матфей 9:36 Referans Kwoze

Марк 6:34

Иисус, кимедең тӱзіп, чон кӧбін кӧріп, кізілер хадарҷы чох халған хойларға тӧӧй полғаннаңар, оларны айап парып, кӧп нимее ӱгрет сыххан.

Матфей 14:14

Иисус, чарға сығып, кӧп кізінің чыыл парғанын кӧр салған. Оларға айап парып, ағырығ кізілерні имнебіскен.

Матфей 15:32

Иисус, ӱгренҷілерін хығырып, теен: – Мағаа пу чон айастығ, ӱс кӱн Миннең хада пол парирлар, чіҷең нимелері чоғыл. Чолда ӱзе майых парбазыннар тіп, азырабин позыдарға хынминчам. –

Матфей 15:24

Худай Мині Израиль чонының на астых парған хойларынзар ысхан, – тіп чоохтанған ӱгренҷілеріне Иисус.

Еврейлерге 5:2

Ол иң улуғ абыстың читпестері пар. Аннаңар ол, пілістері читпинчеткен паза алҷаастар итчеткен кізілерге айап, ӧкпезін читірбинче.

Еврейлерге 4:15

Читпестерібіске чӱрексібес иң улуғ абыс нимес ол. Пістің прайзыбызох чіли, Ол сынатхан, че чазыхха кірбеен.

Марк 8:2

Чон айастығ Мағаа: ӱс кӱн Миннең хада пол парирлар, чіҷең нимелері, тізең, чоғыл.