Матфей 8:26 - Наа Молҷағ

²⁶ Ноға іди тың хорых пардар? Киртіністерің пу ла син ме? – нандырған Иисус. Анаң тур киліп, чилнең кӧлні тызып, амырирға чоохтаан. Сах андох ап-амыр пол парыбысхан.

Матфей 8:26 Referans Kwoze

Матфей 6:30

Худай, пӱӱнгі кӱнде пар, че таңда песке тасталчаң отты даа піди тонандырчатса, сірерні олардаң артых тонандыр полбас па ни? Сірернің киртіністерің уғаа ас!

Римдегілерге 4:20

Худайның молҷаа толарын сала даа ікінҷілебин, ол киртінізінде улам пик турып, Худайны саблаан.

Матфей 16:8

Иисус нимедеңер чоохтасчатханнарын пілген, аннаңар оларға теен: – Ноға сірер, ас киртіністіглер, халас албааннаңар постарың аразында чоохтазып одырчазар?

Азых чоох 10:2

Ангел позының холында азых пічігес тутхан. Ол оң азағынаң талайға, сол азағынаң чирге пас салған.

Матфей 8:27

Ӱгренҷілері, тізең, чапсып, чоохтасханнар: – Кемдір Ол андағ? Чилнең кӧл дее Аның чооғын исчелер?

Матфей 17:20

Иисус, тізең, оларға теен: – Киртіністерің чохтаңар. Сынны тіпчем сірерге: киртіністерің горчицаның ӱренінҷе дее полған полза, пу таға «мыннаң тігзер чыл парыбыс» теен ползар, ол чыл парыбызарҷых. Андада сірер ит полбас ниме чох полар.

Лука 4:35

Че Иисус хутха хатығ чоохтанған: – Сым пол, сых аннаң! Андада чабал хут, ол кізіні синагога ортызында аңдара сазып, ағаа пір дее хомай ниме итпин, аннаң сых чӧрібіскен.