Матфей 8:16 - Наа Молҷағ

¹⁶ Иир пол парғанда, Иисуссар айналарға хаптыртхан кӧп кізіні ағыл килгеннер. Иисус сӧснең айналарны сӱрген, прай ағырығ кізілерні, тізең, имнебіскен.

Матфей 8:16 Referans Kwoze

Лука 4:40

Кӱн хончатхан туста Андар аймах-пасха ағырығларнаң ағырчатхан кізілерні ағылғаннар. Ол, полған на ағырығ кізізер холларын салып, имнебіс турған.

Матфей 14:14

Иисус, чарға сығып, кӧп кізінің чыыл парғанын кӧр салған. Оларға айап парып, ағырығ кізілерні имнебіскен.

Илҷілернің 5:15

Ирт париған Пётрның кӧлегі дее хай піреезіне теңзін тіп, ағырығ кізілерні чол хазында турғысхан орғаннарға, тӧзектерге чаттырғаннар.

Марк 5:8

Иисус ағаа теен полған нооза: – Сых пу кізідең, чабал хут!

Матфей 12:22

Анаң Иисуссар, айнаа хаптырып, чоохтан полбинчатхан паза кӧр полбинчатхан кізіні ағыл килгеннер. Ол аны чоохтан полар паза харахтарын кӧр полар иде имнебіскен.

Марк 2:3

Ол туста Аныңзар чӱллері пос кізіні ағыл килгеннер. Аны тӧртӧлең хаап килгеннер.

Матфей 9:2

Нинҷе-де кізі Аныңзар чӱллері пос кізіні тӧзегінең хадох ағыл килген. Иисус, оларның андағ киртіністерін кӧріп, ағырчатхан кізее теен: – Ӧрін, оол! Синің чазыхтарың позыдылчалар!

Марк 9:25

Иисус, ибіре чон чыылысчатханын кӧріп, чабал хутха теен: – Тіл тартырчатхан, хулах испес итчеткен чабал хут! Минің чарғы-чахиимны ис: сых пу оолахтаң паза кірбе ағаа!

Матфей 8:33

Сосха хадарчатханнар, чӱгӱрібізіп, саарзар чидіп, прай нимедеңер, ол чабал хуттарға хаптыртхан кізілердеңер дее чоохтап пиргеннер.

Матфей 8:15

Иисус ол ипчінің холына теңендӧк, аның ағырии ирт парған. Пётрның хазинезі, тур киліп, оларның алнында хайын сыххан.

Лука 4:41

Кӧп кізідең чабал хуттар «Син Мессий-Христоссың, Худайның Оолғызың!» тіп хысхырызып ала, сыға хон турғаннар. Че Иисус оларны, Позының Мессий-Христос полчатханын пілчеткеннерін чоохтирға пирбин, тымылдырыбыс турған.

Лука 13:12

Иисус, аны кӧр салып, Позынзар хығырып алып, ағаа чоохтанған: – Ағырииңнаң осхырылчазың!