Матфей 7:22 - Наа Молҷағ

²² Ол кӱнде кӧп кізі Мағаа тир: «Хан-пигім! Хан-пигім! Синің Адыңнаң ухаанҷылаан нимеспіс пе зе? Синің Адыңнаң айналарны сӱрген нимеспіс пе зе? Синің Адыңнаң кӧп хайхастығ нимелер иткен нимеспіс пе зе?»

Матфей 7:22 Referans Kwoze

2 Тимофейге 1:12

Аның сылтаанда мин пу иреені кӧрчем, че анзынаң уйатпинчам. Пілче ноомза, Кемге киртінчеткенімні паза тӱгенҷі кӱнге теере мағаа пиргенні Аның хайраллир кӱзі парын.

2 Тимофейге 4:8

Амды мағаа, орта чуртааным ӱчӱн, пу кӱнде Хан-пигібіс, сын Чарғыҷы, пирер сый тимнелче, мағаа ла нимес, че Аның килеріне хынчатханнарға прайзына даа.

Иоанн 11:51

Мыны Кайафа позының кӧңнінең нимес, че, ол чыл иң улуғ абыс полчатханнаңар чоохтанған. Иисус чонның ӱчӱн не нимес, че Худайның тарас парған палаларын пірге чыып алар ӱчӱн, ӱреп парарынаңар ухаанҷылаан полған.

1 Фессалониктегілерге 5:4

Че сірер, харындастар, харасхыда нимессер, аннаңар пу кӱн сірерге, оғыр чіли, кинетін чағдабыспас.

Лука 10:12

Тіпчем сірерге, чарғы кӱнінде Содом саарға пу саардаң хай-хай ниик полар.

Матфей 25:11

Анаң пайаағы хыстар, айлан киліп, чоохтанғаннар: «Ээзі кізі! Ээзі кізі! Ас пир піске ізікті!»

Матфей 24:36

Ол кӱннеңер, ол тустаңар пірдеезі, тигірдегі ангеллер дее пілбинчелер. Аны Пабам на чалғызан пілче.

Матфей 7:21

Мині «Хан-пигім! Хан-пигім!» тіпчеткен полған на кізі нимес, че Тигірдегі Пабамның кӧңнін не толдырчатхан кізі Тигір хан-чирінзер кіріп алар.

2 Тимофейге 1:18

Тӱгенҷі кӱнінде Хан-пигібіс ағаа Хан Худайның ӧлҷейіне турыстығ поларға пирзін. Ефес саарда ол мағаа хайди полысханын син позың даа пілчезің.

2 Фессалониктегілерге 1:10

Анзы ах-арығлары Аны сабландырар ӱчӱн, паза прай киртіністіглері Ағаа хайхир ӱчӱн, Ол килер туста полар. Ол кӱн сірер дее, пістің киречілеенібіске киртін парғаннаңар, оларның аразында поларзар.

Матфей 10:15

Сынны сірерге чоохтапчам, чарғы кӱнінде Содом паза Гоморра саарларға пу саардаң хай-хай ниик полар. –