Матфей 6:19 - Наа Молҷағ

¹⁹ Чир ӱстӱнде ис-пай чығбаңар. Анда аны кӧӧ алай тат чіп салча, алай оғырлар, кіріп, оғырлап парыбысчалар.

Матфей 6:19 Referans Kwoze

Еврейлерге 13:5

Ахчаа сабылбаңар, пар нимее чӧпсініңер. Худай Позы теен, хайза: «Сині халғыспаспын, сині тастабаспын».

Лука 12:21

Худайға пайыбин, ис-пайны ла позына чыыпчатхан кізінең піди пол парадыр.

Лука 18:22

Сағаа ам даа пір ниме читпинче: нинҷе пар ниме-нооңны садыбызып, ахчаңны чох кізілерге ӱлебіс, андада син тигірде ис-пайлығ поларзың. Анаң, киліп, Минің соомҷа пар, – теен ағаа Иисус, аны истіп.

1 Тимофейге 6:17

Пайларны пу тустарда ӱгрет пар: постарын пӧзікке санабазыннар, ізес чох ис-пайларына тың на ізенмезіннер, че піске ӧрінерге прай нимені толдыразынаң пирчеткен сын-тіріг Худайға ізензіннер.

Лука 12:33

Сірер, ис-пайыңарны садып, чох кізілерге полызыңар. Постарыңа уурабас хапчығас тимнеп, хорабас ис-пайны тигірде чығыңар. Андар оғыр даа чит полбас, кӧӧ дее аны ардат полбас нооза.

Лука 18:24

Иисус, аның іди сағыссырапчатханын кӧріп, чоохтанған: – Хайдағ сидіктір пай кізілерге Худай хан-ӱлгӱзінзер кіріп аларға!

Матфей 19:21

Иисус теен ағаа: – Син ӧтіре чахсы кізі поларға сағынчатсаң, парып, пар-чох нимеңні прай садыбызып, ахчаңны чох кізілерге ӱлебіс, андада пайың тигірде полар. Анаң киліп, Минің соомҷа пар.

Матфей 6:20

Че тигірде постарыңа ис-пай чығыңар, анда аны кӧӧ дее, тат таа чібинче, оғырлар даа, кіріп, оғырлап парыбыспинчалар.

Лука 12:39

Сірер пілчезер, сынап тура ээзі оғырның хаҷан килерін пілҷең полза, ол узубасчых, оғырға даа тураа кірерге пирбесчік.