Матфей 6:18 - Наа Молҷағ

¹⁸ Ораза тудып, син кізілернің алнында нимес, че кӧрінминчеткен, синнең хада полчатхан Пабаңның алнында турарзың. Синің чазыдыңны кӧрчеткен Пабаң сағаа кӧріндіре сыйых пирер. –

Матфей 6:18 Referans Kwoze

Матфей 6:6

Син, тізең, пазырчатсаң, тураңа кіріп, ізииң чаап салып, кӧрінминчеткен, че синнең хада полчатхан Пабаңа пазырып ал. Пабаң, тізең, пілдіртпес иде иткеніңні кӧріп, прайзының кӧзіне сағаа сыйых пирер.

Матфей 6:4

Чох кізілерге чахсы итчеткенің кізее пілдіртпес ползын. Пабаң, тізең, кізее пілдіртпин иткеніңні кӧріп, сағаа прайзының кӧзіне сыйых пирер. –

2 Коринфтегілерге 10:18

Позын махтапчатхан кізі нимес, Худай махтапчатхан кізі турыстығ нооза.

2 Коринфтегілерге 5:9

Аннаңар, хайда даа ползабыс, пу чирдегі алай тигірдегі ит-ханыбыста пістің Хан-пигнің кӧңніне кірерібіс килче.

1 Петрның 2:13

Хан-пигнің ӱчӱн кізі турғысхан ноо даа ӱлгӱнің холында чӧріңер. Прайзының ӱстӱндегі хан даа ползын,

1 Петрның 1:7

Анзы киртіністеріңні сынир ӱчӱн кирек. Андада киртіністерің уурап парчатхан алтыннаң аарлығ полар. Алтынны даа сынға от-чалыннаң сыныхтидырлар. Сірернің киртіністерің сынға сынағны ирт парза, Христос килер туста сірерге махтас, сабланыс паза аарлас полар.

Римдегілерге 2:6

Худай полғанына ла иткен киректері хоостыра читірер.