Матфей 6:16 - Наа Молҷағ

¹⁶ Ораза тутчатхан туста даа, чойырхостар чіли, мӧңіс сырайлығ чӧрбеңер. Олар, ораза тутчатханын кізілерге кӧзідерге полып, мӧңіс сырайлығ поладырлар. Сынны сірерге тіпчем, олар постарының сыйыхтарын амох алып одырчалар.

Матфей 6:16 Referans Kwoze

Лука 18:12

Мин, неделяда ікі хати ораза тудып, прай парыстың онынҷы чардығын Сағаа пирчем».

Марк 2:18

Ол туста Иоанның ӱгренҷілері паза фарисейлер ораза тутханнар. Олар, Иисуссар киліп, сурғаннар: – Ноға Иоанның ӱгренҷілері паза фарисейлер ораза тутчалар, синің ӱгренҷілерің, тізең, тутпинчалар?

Илҷілернің 14:23

Илҷілер полған на тигірибнің пазында ах сағалларны турғыс салғаннар паза, ораза тудып, пазырғаннар. Анзын олар киртін сыххан Хан Худайның холына пиргеннер.

Матфей 6:5

Пазырчатсаң, синагогаларда паза тасхар пірее пулуңда турып алып, кізі кӧзіне пазырарға хынчатхан чойырхостар чіли полба. Сынны тіпчем сірерге, олар постарының сыйыхтарын хаҷанох алып алғаннар.

Матфей 6:2

Чох кізілерге чахсы нимелер дее идіп одырчатсаң, чойырхостар итчеткен чіли, позыңнаңар синагогаларда паза тасхар суулап чӧрбе. Олар постарын кізілер алнында махтадар ӱчӱн іди итчелер. Сынны сірерге тіпчем: олар постарының сыйыхтарын амох алып одырчалар.

2 Коринфтегілерге 11:27

Мин ӱзе тоғынҷаңмын, узубин даа, астап-сухсап таа чӧрҷеңмін, ораза тутчаңмын, соохха тооп, кисчең кибім чох ирееленҷеңмін.

1 Коринфтегілерге 7:5

Чара хонмаңар. Хада чоохтас салза ла, пазырарға алай ораза тударға итчетсеңер, чара поларға чарир. Соонаң, сайтан сірерні пос салынарға кӧктірбес ӱчӱн, пазох хада хончадыңар.

Лука 2:37

амды, тізең, сигізон тӧрт чазын апарчатхан ӧкіс ипчі, храмнаң парбин, ораза тудып, пазырып, Худайның ӱчӱн хараа-кӱнӧрте хайынған.

2 Коринфтегілерге 6:5

Пісті сохханнар, пиктегде тутханнар, ӧмелееннер. Піс ӱзе тоғынғабыс, уйғу-чадын пілбин, чиис чох чуртаабыс.

Илҷілернің 10:30

Корнилий чоохтанған: – Ӱс кӱн мының алнында мин пуох тусха теере ораза тутхам паза позымның турамда кӱнӧрте тоғыс час тузында пазырчатхам, кинетін алнымда пызыңнаас кип-азахтығ кізі тура тӱскен.

Матфей 6:1

Кӧріңер! Чахсы киректерні, сірерні кӧрзіннер тіп, кізілер кӧзіне ле итпеңер. Іди итсер, Тигірдегі Пабаңардаң сірерге сыйых киліспес.