Матфей 6:14 - Наа Молҷағ

¹⁴ Сірер хомай иткен кізілернің пыроларын тастазар, сірернің дее пыроңарны Тигірдегі Пабаңар тастир.

Матфей 6:14 Referans Kwoze

Ефестегілерге 4:32

Хайди Худай, Иисус Христосха киртінгеннерің ӱчӱн, сірернің чазыхтарыңны позытхан, сірер дее ідӧк удур-тӧдір паарсазыңар, айазыңар паза пыроларыңны тастас турыңар.

Марк 11:25

Худайға пазырчатса, тізең, піреезіне тарынған ползаңар, пурнада аның пырозын тастаңар. Андада Тигірдегі Пабаңар даа сірерге чазыхтарыңны позыдар.

Колоссадағыларға 3:13

Пірее кізінің піреезіне хоп полза, удур-тӧдір тыстанызыңар. Христос сірерге хайди пыро тастаан, сірер дее ідӧк идіңер.

Иаковтың 2:13

Син айап пілзең, чарғы тузында сині айирохтар. Ӧлҷей чарғыдаң пӧзік ниме.

Матфей 6:12

Піс алым тӧлебееннернің пыроларын хайди тастапчабыс, Пістің дее пыроларыбысты іди таста.

1 Иоанның 3:10

Худайның палаларын паза сайтанның палаларын хайди пасхалидырлар? Орта итпинчеткен паза харындазына хынминчатхан кізі Худайдаң тӧрібеен.

Матфей 5:7

Часкалығлар паарсахтар, оларға даа Худай паарсир!

Лука 6:37

Чарғылабаңар, сірерні дее Худай чарғылабас, пыролабаңар, Худай даа сірерні пыролабас; пыроларын тастаңар, Худай даа пыроңарны тастир.