Матфей 6:1 - Наа Молҷағ

¹ Кӧріңер! Чахсы киректерні, сірерні кӧрзіннер тіп, кізілер кӧзіне ле итпеңер. Іди итсер, Тигірдегі Пабаңардаң сірерге сыйых киліспес.

Матфей 6:1 Referans Kwoze

Матфей 23:5

Прай постарының киректерін кізілерге кӧзідерге ле тіп итчелер. Хамахтарындағы пічіктіг чаламаларын чалбахтаң чалбах итчелер, кип-азахтарындағы чачахтарны узуннаң узун итчелер.

Иоанн 12:43

Олар, кізілернің аразындағы сабланысха Худайдаң тӱскен сабланыстаң артых хынғаннаңар, піди хылынғаннар.

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

Лука 16:15

Иисус оларға теен: – Сірер кізілер алнында арығ чӱректіг полаачыхтанчазар, че Худай чӱректеріңні пілче. Кізілер пӧзік паалапчатхан нимелер, анзы Худайның алнында чиркестіг ниме.

Галат чиріндегілерге 6:12

Постарынаң махтанарға хынчатхан кізілер сірерні сӱннет иттірерге кӱстепчелер. Олар Христостың кірезі ӱчӱн сӱрдірерге хынминчалар.

Иоанн 5:44

Хайди сірер Мағаа киртінерзер?! Чалғыс Худайдаң пирілген сабланысты аларға кӱстенмин, постарыңның аразында ла пірсі пірсінең сабланысты алчатсар, хайди сірер Мағаа киртінерзер?!

2 Иоанның 1:8

Ниме ӱчӱн тоғынғабыс, аны чідірбин, Худайның сыйиин прай алып алар ӱчӱн, постарыңны сиргек тудыныңар.

Марк 8:15

Ол ӱгренҷілеріне чахып парған: – Сизіктіг чӧріңер, фарисейлернің паза Иродтың ачытхыларынаң китеніңер.

Матфей 6:16

Ораза тутчатхан туста даа, чойырхостар чіли, мӧңіс сырайлығ чӧрбеңер. Олар, ораза тутчатханын кізілерге кӧзідерге полып, мӧңіс сырайлығ поладырлар. Сынны сірерге тіпчем, олар постарының сыйыхтарын амох алып одырчалар.

Матфей 16:6

Иисус оларға теен: – Кӧріңер, фарисейлернең саддукейлернің ачытхыларынаң китеніңер. –

Лука 12:15

Анаң оларның прайзына теен: – Кӧріңер, азымахчы полардаң китеніңер. Кізінің чуртазы ис-пайының кӧбінең полбинча.

Матфей 5:48

Сірер, тізең, Тигірдегі Пабаңар осхас ӧтіре чахсы полыңар.

Матфей 5:16

Сірернің дее чарытхыларың кізілерге іди чарызын, олар сірернің чахсы киректеріңні кӧрзіннер паза Тигірдегі Пабаңарны сабландырзыннар. –

Лука 11:35

Аннаңар істіңердегі чарытхы харасхы полбазын тіп, сиргек кӧріңер.

Лука 12:1

Нинҷе-нинҷе муң чон чыылыс киліп, хыстынызып ала, удур-тӧдір ітклесчеткен туста, Иисус ӱгренҷілеріне пастап чоохтанған: – Фарисейлернің ачытхызынаң китеніңер, анзы – чойырхос полча.

Матфей 25:40

«Сынны сірерге тіпчем, сірер кічіг харындастарымның пірсіне иткен нимелерні мағаа даа иткезер» тіп нандырар оларға хан.

Матфей 5:46

Сірер позыңарға хынчатханнарға ла хынчатсар, Худай сірерге нименің ӱчӱн сыйых пирерге кирек? Албан чығҷаңнар даа ідӧк итчелер нимес пе зе?

Матфей 23:13

Хыйал сірерге, Моисей Чахии пілігҷілері паза фарисейлер! Чойырхостар! Сірер кізілердең Тигір хан-чирін чабысчазар. Постарың даа андар кірбинчезер, андар кірерге итчеткеннерні дее кирбинчезер.

Матфей 6:9

Сірер, тізең, піди пазырыңар: Тигірдегі Пабабыс! Синің Адың сабланзын;

Еврейлерге 2:1

Аннаңар піс, саба чолға кірібіспес ӱчӱн, пісті ӱгреткен нимее ӧнетін хайығ саларға кирекпіс.

Еврейлерге 11:26

Ол Христости осхас ирееленістерні Египеттің прай пайынаң артых тіп санаан. Ол Худайның пирер сыйиин кӧрген нооза.

Матфей 16:27

Кізі Оолғы Позының Пабазының сабланызында паза Аның ангеллерінең хада килер. Андада полғанына ла иткен киректері хоостыра пирер.

Илҷілернің 3:12

Мыны кӧріп, Пётр чонға піди чоохтанған: – Израиль кізілері! Ноға мынзына таңнапчазар? Постарындағы кӱснең алай улуғ киртіністерінең аны чӧрер иде имнеп алдылар тіп піссер кӧрчезер бе?