Матфей 5:12 - Наа Молҷағ

¹² Тигірде сірерні илбек тӧлег сағыпча, аннаңар ӧрініңер паза кӧглеңер. Сірернің алнында даа чуртаан ухаанҷыларны ідӧк сӱрҷеңнер.

Матфей 5:12 Referans Kwoze

Лука 6:23

Ол кӱнде сірер ӧрініңер паза чалахай полыңар. Тигірде сірерні илбек тӧлег сағыпча. Пу кізілернің ӧбекелері ухаанҷыларға сах іди иткеннер.

Иаковтың 1:2

Піліңер, сірернің киртіністеріңні сынааны тыстанысты тӧрітче. Аннаңар, харындастарым, аймах сынағларға кір парчатсаңар, анзын улуғ ӧрініске санаңар.

Колоссадағыларға 3:24

Аның ӱчӱн сірерге Хан-пигнің пайынаң сыйых пирілерін пілчезер. Сірер Хан-пигібіс Христосха хул полчазар нооза.

1 Петрның 4:13

Христостың ирееленістерінде араласчатханнарыңа ӧрініңер. Ол Позының сабланызында килзе, сірер ӧрінерзер, сірернің чӱрееңер ӧрлир.

Колоссадағыларға 1:24

Амды сірернің ӱчӱн ирееленчеткеніме ӧрінчем. Позым илеп, мин Христос кӧрген чобағның чидіспинчеткенін толдырчам. Тигіриб полчатхан Аның Иді-сӧӧгі ӱчӱн ирееленчем.

Римдегілерге 5:3

Анзына ла нимес, чобағларыбысха даа ӧрінчебіс. Чобағлар тыстанарға ӱгретчеткеннерін пілчебіс нооза.

Матфей 16:27

Кізі Оолғы Позының Пабазының сабланызында паза Аның ангеллерінең хада килер. Андада полғанына ла иткен киректері хоостыра пирер.

Еврейлерге 11:6

Киртінізі чох кізілернің пірдеезі Худайның кӧңніне кірбес. Худайзар килчеткен кізілер Аның парына паза Худайны тілепчеткеннер Ағаа сыйыхтадарларына ізенерге киректер.

1 Фессалониктегілерге 2:15

Ол иудейлер Хан-пигібіс Иисус Христосты паза Аның ухаанҷыларын ӧдір салғаннар. Пісті дее сығара сӱрібіскеннер. Худайның кӧңнін толдырбин, прай даа кізілерге тоғырланчалар.

Филипптегілерге 2:17

Сірер, Худайға чӧрініп, киртініс пастыра Ағаа толығ полчазар. Мин, тізең, ол толыға наанылған чіли, сірерге хозыл парчатсам, андада ӧрінчем, сірернең хада ӧрінчем.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Илҷілернің 5:41

Илҷілер, тізең, Ӧӧркі Чарғыдаң парыбызып, Иисус Хан-пигнің ады ӱчӱн тӧбін тӱзіртерге турыстығ полғаннарына ӧрінгеннер.

Матфей 6:16

Ораза тутчатхан туста даа, чойырхостар чіли, мӧңіс сырайлығ чӧрбеңер. Олар, ораза тутчатханын кізілерге кӧзідерге полып, мӧңіс сырайлығ поладырлар. Сынны сірерге тіпчем, олар постарының сыйыхтарын амох алып одырчалар.

1 Коринфтегілерге 3:8

Одыртханы паза суғлааны, тізең, пір тоғыс итчелер. Че полғаны ла тоғынғаны хоостыра позының сыйиин алар.

Лука 6:35

Че сірер, ыырҷыларыңа хынып ала, чахсы ит турыңар. Пір дее ниме нандыра сағыбин, ӧдіске пир турыңар. Андада сірерге илбек тӧлег полар. Ӧӧркі Чайаачының палалары поларзар. Ол чахсаа чахсынаң нандырбинчатханнарға даа, чабалларға даа паарсидыр нооза.

Илҷілернің 16:25

Орты хараа тузында Павелнең Сила, пазырып, Худайны саблапчатхан сарыннарын сарнааннар, харибдегілер, тізең, оларны искеннер.

Лука 13:34

Иерусалим! Иерусалим! Ухаанҷыларны ӧдірчеткен паза позыңзар ысханнарны тастарнаң чаалапчатхан саар! Нинҷе хати Мин, палаларын ханат алтына чыыпчатхан хус чіли, палаларыңны чыып аларға хынғам, че син хынмаазың!

Еврейлерге 11:26

Ол Христости осхас ирееленістерні Египеттің прай пайынаң артых тіп санаан. Ол Худайның пирер сыйиин кӧрген нооза.

Филипптегілерге 1:29

Сірерге Худайның паарсазы пастыра Христосха киртінері ле нимес, че Аның ӱчӱн ирееленері дее пирілген нооза.

Еврейлерге 10:34

Сірер мағаа, пиктегде полғанымда, полысхазар паза ис-пайыңар пыластырғаннарыңда, ӧрінгезер: сірернің тигірде аннаң артых, хаҷан даа тоозылбас пайыңар парын пілгезер нооза.

Еврейлерге 11:33

Олар Худайға киртінгеннер. Аннаңар хан-чирлерні чиңеннер, Худайның кӧңніне кірчеткен нимелер иткеннер паза Худай оларға молҷаан нимені алғаннар. Олар ала парыстарның аастарын чаба тутханнар,

Иаковтың 5:10

Харындастар! Чобағны тобыр парарында паза ӱр тыстанарында кӧзідімге Хан Худайның адынаң чоохтап чӧрген ухаанҷыларны алып алыңар.