Матфей 5:10 - Наа Молҷағ

¹⁰ Часкалығлар орта нименің ӱчӱн сӱрдіртчеткеннер, олар Тигір хан-чирінилер!

Матфей 5:10 Referans Kwoze

Иаковтың 1:12

Сынағ иртчеткен кізі часкалығ. Ол сынағларны турыстығ иртіп алза, Худай Позына хынғаннарға сыйиин – молҷаан чуртасты пирер.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Матфей 5:3

Часкалығлар Хан Худайны киректепчеткеннер, олар Тигір хан-чирінилер!

Лука 6:22

Часкалығзар сірер, хаҷан кізілер сірерні Кізі Оолғы ӱчӱн пу харахнаң кӧрбинчетселер, сӱрчетселер, сӧклепчетселер, сірернің адыңарны хомайлапчатсалар.

2 Тимофейге 2:12

Ирееленістерні сыдас парыбыссабыс, Аннаңох хада ӱлгӱ тударбыс. Тӧдір пассабыс, Ол даа пістең тӧдірленер.

Филипптегілерге 1:28

Ыырҷылардаң пір дее чалтанмаңар. Сірернің киртінізіңер оларға ӧлімні таныхтир, сірерге, тізең, арачыланысты. Анзы Худайдаң пирілче.

Лука 21:12

Че прай пу нимедең пурун сірерні, Миннең ӱчӱн хаап, сӱрерлер, синагогаларда чарғылап, хариблерге чабарлар, Миннең ӱчӱн ханнарнаң пиглернің алнына сығарарлар.

Иоанн 15:20

Сірерге чоохтаан сӧзімні ундутпаңар: «Нымысчы позының ээзінең улуғ полбинча». Мині ӧдірерге иткеннерінде, сірерні дее ӧдірерге идерлер. Минің сӧзімні толдырғанда, сірернің сӧзіңерні дее толдырарлар.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

2 Тимофейге 3:11

Син пілчезің сӱрдіргенімні паза иреені ханҷа сыдас парғанымны. Антиох, Икон, Листр саарларында мині хайди сӱргеннерін син прай пілчезің, че Хан-пиг прай пу нимедең мині арачылап халған.

Матфей 25:34

Анаң хан Позынаң оң сариндағыларға чоохтанар: «Минің Пабам алғааннары, киліңер, чир чайалғаннаң сығара сірерге тимнелген хан-чирін алыңар.

Марк 10:30

Сағам даа, сӱрдірчеткеннерінде, чӱс хатап кӧп тураларға, харындас-пиҷелерге, паба-іҷелерге, палаларға паза хыраларға чидерлер. Килер туста, тізең, оларға мӧгі чуртас пирілер.

Лука 6:20

Иисус, харахтарын ӱгренҷілерінзер кӧдіріп, чоохтанған: – Часкалығзар, Хан Худайны киректепчеткеннер, Худай хан-чирі сірерни.

Матфей 10:23

Пір саарда сірерні сӱрчетселер, пасха саарзар тизіңер. Сынны чоохтапчам сірерге, Израиль саарларын тооза ирткелеккеӧк, Кізі Оолғы чиде тӱзер. –

1 Иоанның 3:12

Піске Каин чіли полбасха кирек. Ол, сайтанның кізізі полып, позының харындазын ӧдір салған. Ноға ол аны ӧдір салған? Каиннің иткен киректері чабал полғаннар, харындазының, тізең, орта полғаннар.

Илҷілернің 8:1

Савл Стефанны ӧдіргеннеріне чӧпсінген. Олох кӱннерде Иерусалимдегі тигіриб чоны хатығ сӱргінге хаптырт сыххан. Илҷілердең пасха прайзы даа Иудейнің паза Самарның аймах-пасха чирлеріне тарап чӧрібіскен.

Илҷілернің 5:40

Ӧӧркі Чарғыдағылар, аның чооғын истіп, илҷілерні, нандыра хығырып алып, соғып, Иисустың адынаң ӱгредерге чарадылбинча тіп, позыдыбысханнар.

Матфей 19:14

Че Иисус теен: – Тигір хан-чирі пу палалар осхастарни, аннаңар оларға Минзер иртерге чарадыңар паза Минзер килерге харығ полбаңар оларға.

Марк 10:14

Аны кӧре, Иисус, тарын парып, оларға чоохтанған: – Палаларға Минзер иртерге чарадыңар, харығ полбаңар оларға. Худай хан-чирі пала осхас кізілерни полар.

Лука 22:29

Хайди Пабам Мағаа Позының хан-ӱлгӱзін пирген, Мин дее ідӧк сірерге аны пирчем.

Иаковтың 5:11

Тыстаныста пик тудынғаннарны піс часкалығ тіп санапчабыс. Сірер Иовтың хайди тыстанғанын паза Хан Худай анзын хайди тоосханын пілчезер. Хан Худай айаачы паза нымзах паарлығ нооза.