Матфей 27:2 - Наа Молҷағ

² Анаң Иисусты, палғап алып, Римдегі Хағанның адынаң мында пастых полчатхан Понтий Пилатсар апарғаннар.

Матфей 27:2 Referans Kwoze

Илҷілернің 3:13

Авраамнаң Исаактың паза Иаковтың Худайы, пістің пабаларыбыстың Худайы Позының Нымысчызын – сірер садыбысхан паза позыдарға итчеткен Пилаттың кӧзіне постарыңнаң хыйа идібіскен Иисусты – саблаан.

Матфей 20:19

Худайы чохтарның холына, кӱлзіннер, сохсыннар паза кіреске хазазыннар тіп, пирібізерлер. Че ӱзінҷі кӱнінде Ол тіріл килер.

1 Тимофейге 6:13

Прай нимее тын пирчеткен Худайның паза Понтий Пилатха чахсы киречілес пирген Христос Иисустың алнында сағаа минің чахиим:

Лука 13:1

Ол туста хайдағ-да кізілер, киліп, Иисусха Галилей чиріндегілердеңер чоохтап пиргеннер. Иерусалимде Худайға тайығ салчатхан туста, Пилат, оларны ӧдірглеп, ханнарын тайыға ағылған малларның ханынаң аймастырыбыстыр.

Еврейлерге 13:3

Харибдегі кізілердеңер сағыныңар. Постарың пиктегде полған чіли, оларға сағыссыраңар. Ирееленчеткен кізілердеңер сағыныңар. Оларға, постарың ідӧк ирееленген чіли, айаңар.

2 Тимофейге 2:9

Ол Чахсы Хабарның ӱчӱн мин, тонағҷы чіли, кинҷедең ала ирее кӧрчем. Че Худай сӧзі кинҷедең пос.

Илҷілернің 28:20

Ол сылтағнаң мин сірерні, тоғазып, чоохтазып аларға тіп хығырдым. Израиль ізенізінің ӱчӱн мині пу пағда тутчалар. –

Илҷілернің 24:27

Ікі чыл ирт парған соонда, Феликстің орнына Порций Фест тіп кізі пастых полыбысхан. Че Феликс иудейлерге чахсы ит пирерге полып, Павелні харибде халғыс салған.

Илҷілернің 22:29

Андада аны соғарға иткен кізілер сах андох хыйа пасханнар. Муң чааҷы пазы, Павел Рим кізізі полчатханын піл салып, аны палғап салғанына хорых парған.

Илҷілернің 22:25

Че аны хурларнаң соғар иде палғабысханда, Павел хости турчатхан чӱс чааҷы пазына теен: – Сірерге чарадылча ба чарғы даа чох Рим кізізін піди соғарға?

Илҷілернің 21:33

Муң чааҷы пазы, чағын пас киліп, Павелні хаап алып, ікі ілҷірбее хаптыр саларға чахаан. – Кемдір пу паза ниме ол ит салған? – сурған кізілердең ол.

Илҷілернің 12:6

Пётр Ирод ханға чон алнынзар сығартырар кӱннің алнындағы хараада, ікі ілҷірбенең палғат салып, ікі хадағҷының аразында узаан. Ізіктер хыринда даа хадағҷылар харибні хадарғаннар.

Илҷілернің 9:2

Хан-пигнің ӱгредиинҷе парчатхан кізілерні, ирлерні дее, ипчілерні дее, таап, палғап алып Иерусалимзер апарар ӱчӱн, Дамаск саардағы синагогаларзар чарыдығлығ пічік ызып алған.

Илҷілернің 4:27

Сынап таа, Ирод паза Понтий Пилат, Израиль чонынаң паза иудей ниместернең хада ол саарда чыылызып, Иисустаң, Синің Мессийге таллап алған Ах-арығ Нымысчыңнаң тоғыр полғаннар.

Иоанн 18:24

Анна палғат салған Иисусты Кайафазар, иң улуғ абыссар, ызыбысхан.

Иоанн 18:12

Андада Рим чааҷыларының пазы, чааҷылар паза храм хадағҷылары Иисусты, хаап алып, палғабысханнар.

Лука 20:20

Олар, Иисусты китеп, сурығларнаң хазалып, пірее чарабас сӧзі ӱчӱн пастыхтарның паза ханның ӱлгӱзіндегілернің холына пирібізерге полып, Андар киртінеечік полчатхан чойырхостарны ысханнар. –

Лука 3:1

Рим хағаны Тиверий он пизінҷі чылы ӱлгӱде одырчатхан туста, Иудей чирінде Понтий Пилат пастых полған, Галилей чирінде Ирод хан полған, аның харындазы Филипп, тізең, Итурей паза Трахонит чирлерінде хан полған. Лисаний Авиленей чирінде хан полған.

Матфей 28:14

Пастых пу киректеңер ис салза, піс, сірернің алныңарға турып, аннаң чоохтазарбыс. Сірерге сағыссырир ниме чох полар.

Лука 23:1

Анаң прайзы, тур киліп, Иисусты Пилатсар апарып,

Лука 23:12

Ол кӱн Пилатнаң Ирод нанҷылар полыбысханнар. Мының алнында, тізең, олар ыырлығ полғаннар.

Иоанн 18:28

Иртен иртӧк Иисусты Кайафадаң Пилаттың ӧргезінзер апарғаннар. Па́сха тіп ӱлӱкӱннің чиизін чиирге чарадылзын тіп, иудейлернің киртініс кибірлеріне тоғыр полбас ӱчӱн, иудей пастыхтары Пилаттың туразынзар кірбееннер.