Матфей 26:24 - Наа Молҷағ

²⁴ Итсе-де, Кізі Оолғы Аннаңар Худай Пічиинде пазылған хоостыра ӧл парар, че хыйал Кізі Оолғын сатчатхан кізее! Ол кізее тӧрібеске артых поларҷых.

Матфей 26:24 Referans Kwoze

Лука 24:46

оларға чоохтанған: – Пазылғанға кӧре, Мессий-Христос, ирееленерге, анаң, ӧдірт салып, ӱзінҷі кӱнінде тіріл килерге кирек.

Матфей 18:7

Чир ӱстӱне хыҷаланыстардаң хыйал поладыр; хыҷаланыстар хайди даа килерге киректер, че кемнең пастыра ол хыҷаланыстар килче, ол кізее хыйал.

1 Коринфтегілерге 15:3

Мин позым аны пастабох хайди алынғам, сірерні ағаа іди ӱгреткем нооза: Худай Пічии хоостыра Христос пістің чазыхтарыбыс ӱчӱн ӧл парған.

Иоанн 17:12

Мин оларнаң хада чир ӱстӱнде полғанда, оларны, Мағаа пиргеннеріңні, Синің кӱзіңнең хайраллап халғам. Худай Пічиинде пазыл парғаны толзын тіп, Мині садар кізідең – «ӧлімге салылған оолдаң» – пасхазын, пірдеезін чідірбеем.

Лука 22:22

Итсе-де Кізі Оолғы пӧгіл парған оңдайҷа парча, че хыйал анзына, кем Аны сатча!

Марк 14:21

Итсе-де, Кізі Оолғы Аннаңар Худай Пічиинде пазылғаны хоостыра ӧл парар. Че Кізі Оолғын сатчатхан кізее хыйал! Ол кізее тӧрібеске артых поларҷых.

Матфей 26:54

Андада Худай Пічиинде прай ниме толдырыл парарға кирек тіп пазылғаны хайди толар?

Марк 9:12

Иисус оларға нандырған: – Анзы сын. Илия, пурун киліп, прай ниме тимнеп саларға кирек. Кізі Оолғына за, пазылғанни, кӧп ирее паза хыйыхтас кӧрері тӱсче.

Матфей 26:56

Прай пу ниме ухаанҷыларның чоохтааны тол парзын тіп пол парған. Андада Иисустың ӱгренҷілері прайзы, Аны тастап, тизібіскен.

Илҷілернің 28:23

Анаң чоохтас салған кӱнде Павел чуртапчатхан хоных-туразынзар уғаа кӧп кізі килген. Павел оларға иртеннең иирге теере Худай хан-ӱлгӱзінеңер ӱгредігні искірген паза Моисей Чахиина, ідӧк ухаанҷылар пічіктеріне тӧстеніп, оларны Иисусха киртіндірерге кӱстенген.

Илҷілернің 4:28

Олар холыңнаң кӧңнің азынада пӧгін салған нимелернің прайзын идібізерге чыылысханнар.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Иоанн 19:28

Аның соонаң Иисус, прай нименің тол парғанын, кӧріп, Худай Пічиинде пазылғаны тол парзын тіп: – Сухсапчам, – тіп чоохтанған.

Иоанн 19:24

Піс, аны чара тали тартпин, тас тастап, ӱлӱс кемге тӱзерін кӧр кӧрееңер. Ӱлӱс кемге тӱзер, ани полар, – чоохтасханнар постары аразында чааҷылар. «Кип-азаамны постарының аразында ӱлескеннер, кӧгенеемні, ӱлезіп, ӱлӱске тас тастааннар» тіп, Худай Пічиинде пазылғаны тол парарға кирек полған. Чааҷылар сах іди иткеннер.

Матфей 26:31

Анаң Иисус оларға теен: – «Хадарҷыны ӧдірібізербін, андада ӧӧрдегі хойлар пытырас парарлар» тіп Пічікте пазылған. Аннаңар пу хараазын сірер прайзыңар Мині тастап парыбызарзар.