Матфей 25:1 - Наа Молҷағ

¹ Андада, чарытхыларын алып, ипчі алчатхан оолны удурлирға сыххан он хысха тӧӧй полар Тигір хан-чирі.

Матфей 25:1 Referans Kwoze

Азых чоох 19:7

Хурағанның тойы чит килгеннеңер, ӧрінееңер паза кӧглееңер! Аны сабландырааңар! Аның алчатхан хызы чазан салды.

Азых чоох 21:9

Халғанҷы читі чобағның читі айағын тутчатхан читі ангелнің пірсі, минзер пас киліп, теен: – Парааң, мин сағаа Хурағанның алчатхан хызын кӧзіт пирербін.

Азых чоох 21:2

Мин, Иоанн, тигірдең Худайдаң тӱсчеткенін, ызых саар, наа Иерусалимні, кӧр салғам.

Иоанн 3:29

Хоных хончатхан оол тойның ӧӧн кізізі полча, арғызы, тізең, хости турып, аны исчеткеніне ӧрінче. Мин дее іди ӧрінчем.

Матфей 13:24

Анаң Иисус хоза пір кип-чоох чоохтап пирген: – Тигір хан-чирі хыразында маңат ӱреннер таарып салған кізее тӧӧй.

Азых чоох 14:4

Олар постарының чуртастарында, ипчілернең чӧрбин, арығ чуртааннар. Олар, Хураған хайдар парза, андар Аның соонҷа чӧргеннер, Худайның паза Хурағанның тун палалары полып, чирдең толығ тӧлеп алылғаннар.

Матфей 22:2

Тигір хан-чирі, позының оолғына ипчі ал пиріп, улуғ той иткен ханға тӧӧй поладыр.

2 Тимофейге 4:8

Амды мағаа, орта чуртааным ӱчӱн, пу кӱнде Хан-пигібіс, сын Чарғыҷы, пирер сый тимнелче, мағаа ла нимес, че Аның килеріне хынчатханнарға прайзына даа.

Матфей 3:2

Тигір хан-ӱлгӱзі чағдап килді, аннаңар, чазыхтарыңнаң хыйа полып, Худайзар айланыңар, – теен ол.

1 Коринфтегілерге 11:2

Сірерні миннеңер сыбыра сағынчатханнарың ӱчӱн паза пирген ӱгредіге тудынчатханнарың ӱчӱн махтапчам.

Матфей 20:1

Тигір хан-чирі тоғынҷаң кізілерні иртен иртӧк тоғысха чаллап аларға сыххан виноградник ээзіне тӧӧй.

Матфей 13:47

Тигір хан-чирі талайзар тасталған паза аймах-пасха палыхтарны сӱӱп алған улуғ сӧзірбее дее тӧӧй.

Матфей 13:38

Хыра – чир ӱстӱ, чахсы ӱреннер – Тигір хан-чирінің ооллары, пуртах оттар, тізең, – сайтанның ооллары.

Азых чоох 4:5

Иң ӧӧн ӱлгӱ сіреезінең чалыннар сағылысчатханнар, кӱгӱрт кӱзӱрепчеткен паза табыстар истілчеткеннер. Ӱлгӱ сіреезінің алнында читі чарытхы кӧйче. Ол Худайдаң сыххан читі хут.

2 Коринфтегілерге 11:2

Мин сірерні Худайның кӱннезінең кӱннепчем. Мин сірерні пір ирге сӧлеп салғам. Ам арығ чӱректіг хысты Христосха пирібізерге итчем.

Матфей 9:15

Иисус оларға нандырған: – Ипчі алчатхан оол тойда аалҷыларнаң хада полза, олар мӧңіс поларлар ба за? Че хоных хончатхан оолны оларның аразынаң апарыбызар кӱннер килзе, андада олар ораза тударлар.

Матфей 5:16

Сірернің дее чарытхыларың кізілерге іди чарызын, олар сірернің чахсы киректеріңні кӧрзіннер паза Тигірдегі Пабаңарны сабландырзыннар. –

Илҷілернің 20:8

Піс чыылысхан ӱстӱндегі пӧлікте чарытхылар илееде полған.

Матфей 13:31

Анаң Иисус пазох пасха кип-чоох чоохтап пирген: – Тигір хан-чирі кізі позының хыразында таарып салған горчица ӱреніне тӧӧй.

Матфей 25:7

Андада прай хыстар, усхун киліп, чарытхыларын иптебіскеннер.

Иоанн 18:3

Иуда андар Рим чааҷыларын, ідӧк улуғ абыстарның паза фарисейлернің ысхан храм хадағҷыларын ағыл килген. Олар чарытхылығ паза тирігліг полғаннар.

Азых чоох 8:10

Ӱзінҷі ангел пырғы тартыбысхан. Ағын суғларның ӱзінҷі чардығынзар чалыннап кӧйчеткен чарытхы осхас улуғ чылтыс тигірдең тӱс парған.