Матфей 24:43 - Наа Молҷағ

⁴³ Че сірер пілчезер, тура ээзі оғырның килер тузын пілген полза, ол сиргек поларҷых, оғырға даа туразына кірерге пирбесчік.

Матфей 24:43 Referans Kwoze

Лука 12:39

Сірер пілчезер, сынап тура ээзі оғырның хаҷан килерін пілҷең полза, ол узубасчых, оғырға даа тураа кірерге пирбесчік.

Матфей 24:44

Кізі Оолғы сірер пір дее сағыбаан туста чиде салар, аннаңар хаҷан даа тимде полыңар. –

Матфей 20:11

Ахчаларын алып алып, олар тура ээзіне перінглеп сыхханнар.

Матфей 14:25

Таң алнында ӱс-алты час аразында Иисус оларзар суғ ӱстӱнҷе пар сыххан.

Матфей 24:42

Сірер пілбинчезер, ноо туста Хан-пигіңер килер, аннаңар сиргек полыңар.

Матфей 25:10

Олар хайах садызып аларға парыбысхан туста ипчі алчатхан оол чиде салған. Прай тимнен салған хыстар аннаң хада тойға кір парыбысханнар, ізік, тізең, чабыл парған.

Матфей 25:13

Кип-чоохты тоозып, Иисус теен: – Сірер Кізі Оолғының килер кӱнін дее, тузын даа пілбинчезер, аннаңар сиргек полыңар. –

Марк 6:48

Чил удур саап, кимедегілер чӱс полбин, майығып, ирееленчеткеннерін кӧріп, Иисус таң алнында, ӱс-алты час аразы туста, оларзар суғҷа пас килген. Ол иртіре парарға итчеткенінде,

Марк 13:35

ана ідӧк сірер дее сиргек полыңар. Пілбинчезер нооза тура ээзі хаҷан чиде тӱзер: иирде, орты хараада ба алай питук тапсир туста, алай кӱн сығызында.

Лука 12:38

Часкалығлар ол нымысчылар, кемні ээзі, орты хараада даа, таң алнында даа киліп, тимде полғаннарын табар.

Лука 21:36

Че, сыбыра сиргек полып, пазыр чӧріңер, андада, прай полар саайлардаң ос халып, Кізі Оолғының алнында турарзар.

Азых чоох 3:3

Нимені искезер паза алып алғазар, аны сағысха киріңер, аны хайраллаңар паза пыросыныңар. Сынап сірер сиргек полбазар, Мин, оғыр ла чіли, кинетін килербін, хай туста килгенімні сірер сизінмин дее халарзар.

Азых чоох 16:15

«Мына мин, оғыр чіли, кинетін килербін. Чалаас чӧрбес паза уйатха кірбес ӱчӱн, узубинчатхан паза постарының кип-азахтарын тимде тутчатхан кізілер часкалығлар», – тіпче Иисус.