Матфей 23:5 - Наа Молҷағ

⁵ Прай постарының киректерін кізілерге кӧзідерге ле тіп итчелер. Хамахтарындағы пічіктіг чаламаларын чалбахтаң чалбах итчелер, кип-азахтарындағы чачахтарны узуннаң узун итчелер.

Матфей 23:5 Referans Kwoze

Иоанн 12:43

Олар, кізілернің аразындағы сабланысха Худайдаң тӱскен сабланыстаң артых хынғаннаңар, піди хылынғаннар.

Филипптегілерге 2:3

Тартызып, кӧкеесімненіп, пір дее ниме итпеңер, че пазымнығ полып, пасхаларын постарыңнаң пӧзік санаңар.

Иоанн 5:44

Хайди сірер Мағаа киртінерзер?! Чалғыс Худайдаң пирілген сабланысты аларға кӱстенмин, постарыңның аразында ла пірсі пірсінең сабланысты алчатсар, хайди сірер Мағаа киртінерзер?!

Лука 16:15

Иисус оларға теен: – Сірер кізілер алнында арығ чӱректіг полаачыхтанчазар, че Худай чӱректеріңні пілче. Кізілер пӧзік паалапчатхан нимелер, анзы Худайның алнында чиркестіг ниме.

Лука 20:47

Ӧкіс ипчілерні ӱреге кир саладырлар, анаң чон алнында ӱр пазыраачых поладырлар. Худай чарғызы оларға артых тӱзер.

Филипптегілерге 1:15

Піреелері, итсе, істі чохтанып, мині азарға полып, Христостаңар сӧсті таратчалар, пасхалары, тізең, аны арығ кӧңніліг чарлапчалар.

Иоанн 7:18

Позының сағызын чоохтапчатхан кізі позын кӧдірерге хынча. Позын ысхан устағҷыны кӧдірерге хынчатхан кізі, тізең, сынны чоохтапча, аның чӱреенде пір дее чой ниме чоғыл.

Матфей 9:20

Ол туста он ікі чыл ханы ағып ағырчатхан ипчі, Иисуссар кистінең пас киліп, Аның кип-азаана холын теертібіскен.

2 Фессалониктегілерге 2:4

Ол, Худайға тоғырланып, кізілер пазырчатхан прай нимедең пӧзік ӧӧрлир. Худай храмында ол, позын худай аданып, одыр салар.