Матфей 22:16 - Наа Молҷағ

¹⁶ Анаң постарының хай пірее ӱгренҷілерінең хада Ирод ханға чағын кізілерні Иисуссар ысханнар. Олар, парып, сурғаннар: – Ӱгретчі! Піс пілчебіс, Син кӧні кізізің, Худайның чолынҷа парарға сын ӱгретчезің. Син пірдеезінең чалтанминчазың, пірдеезіне чалғанминчазың.

Матфей 22:16 Referans Kwoze

Марк 3:6

Фарисейлер, тізең, сых парыбызып, Ирод ханға чағын кізілернең Иисусты чох ит саларға сах андох чӧптес сыхханнар.

Лука 20:21

Ӱгретчі! Синің, орта чоохтап, пірдеезіне чойырхабин, Худайның чолынҷа парарға сын ӱгретчеткеніңні пілчебіс.

Марк 12:14

Иисуссар пас киліп, олар тееннер: – Ӱгретчі! Піс пілчебіс, Син кӧні кізізің, пірдеезінең чалтанминчазың, пірдеезіне чалғанминчазың. Кем дее полза, син аны Худайның чолынҷа парарға сын ӱгретчезің. Чоохтап пир піске, Рим хағаныға албан тӧлирге кирекпіс пе алай чох па? Пирерге кирек пе алай чох па?

Марк 8:15

Ол ӱгренҷілеріне чахып парған: – Сизіктіг чӧріңер, фарисейлернің паза Иродтың ачытхыларынаң китеніңер.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.

Иоанн 18:37

Андағда син ханзың, андағ нимес пе? – сурған Пилат. – Син Мині «Хан» тідің. Мин кізілерні сын ӱгредігнең таныстырарға тӧреем, пу нименің ӱчӱн чир-чалбахсар килгем. Сын ӱгредігні пілчеткен полған на кізі Минің ӱнімні исче, – нандырған Иисус. –

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 7:18

Позының сағызын чоохтапчатхан кізі позын кӧдірерге хынча. Позын ысхан устағҷыны кӧдірерге хынчатхан кізі, тізең, сынны чоохтапча, аның чӱреенде пір дее чой ниме чоғыл.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

1 Фессалониктегілерге 2:4

Че Худай пісті Чахсы Хабар тарадарға турғысханда, піс, кізі кӧңніне кірерге нимес, че чӱреебісті сынапчатхан Худайның кӧңніне кірерге полып, чоохтапчабыс.

Галат чиріндегілерге 2:6

Тигірибнің улуғларынаңар чоохтаза, мин кізілерні талластырбинчам. Худай даа талластырбинча. Олар, тізең, улуғлар, Чахсы Хабарға ӱгреткеніме хоза ниме хыспааннар.

Галат чиріндегілерге 1:10

Ам мин кізілернің ме, Худайның ма чахсы хылынғанын тілепчем? Кізілернің кӧңнінҷе поларға кӱстенчем ме? Мин пу тузыма читіре кізілернің кӧңнінҷе пол чӧрерге харасхан ползам, Христостың хулы полбасчыхпын.

2 Коринфтегілерге 5:16

Піске кізілерні, кӧрчеткен нимее тӧстеніп, чарғылирға чарабас. Хаҷан-да Христостаңар, кізідеңер ле чіли, сағынған полғабыс. Ам, тізең, пасха сағынарға кирекпіс.

2 Коринфтегілерге 4:2

Че піс туйух, уйадыстығ киректерні хыйа итчебіс паза кӧйтікке салынминчабыс. Піс, Худай сӧстерін хыйыстырбин, сынны азып, постарыбысты Худайның алнында ноо даа кізінің чарғызына сығарчабыс.

2 Коринфтегілерге 2:17

Илееде кізі Худайның сӧзін парыс алар ӱчӱн таратча. Піс олар чіли итпинчебіс. Худайның алнында кӧйтіктенмин тудынып, чоохтапчабыс. Піс Христостың нымысчыларыбыс нооза.

Лука 7:40

Иисус, андар айланып, теен: – Симон! Мин сағаа пір ниме чоохтап пирерге сағынчам. – Чоохта, Ӱгретчі, – нандырған анзы.

Марк 10:17

Иисус чорыхха тимненчеткенде, хайдағ-да кізі, ойлап киліп, Аның алнына тізекке тӱскен: – Чахсы ӱгретчі! Мӧгі чуртас алар ӱчӱн мин ниме идерге кирекпін?

Матфей 26:49

Сах андох Иисуссар пас киліп: – Изен, Ӱгретчі! – тіп, охсаныбысхан Аны.

Матфей 26:18

Иисус оларға теен: – Сірер, саарда пір кізізер парып, чоохтаңар ағаа: «Ӱгретчі тіпче: „Минің тузым чағын. Синде Па́сха ӱлӱкӱнін ӱгренҷілерімнең хада иртірербін“».

Матфей 22:26

Анзы ӱреен соонда, ол ипчіні ікінҷі харындазы ал салған, анаң ӱзінҷізі, іди читінҷі харындазына теере, прайзы ӱреглеп парғанҷа.

Матфей 22:24

Ӱгретчі! Моисей піди теен: «Пірее кізі, пала чох чуртап, ӱреп парза, ол кізінің харындас-туңмазы, аның ипчізін ал салып, ӱреен харындазының тӧлін узаратсын».

Марк 12:13

Соонаң Иисуссар фарисейлердең паза Ирод ханға чағын чоннаң хай піреелерін ысханнар. Олар, Иисус пірее саба чоох сығарыныбызар ба тіп, китееннер.