Матфей 18:23 - Наа Молҷағ

²³ Аннаңар Тигір хан-чирі нымысчыларының ӧдістерін алып аларға сағыныбысхан ханға тӧӧй.

Матфей 18:23 Referans Kwoze

Матфей 13:24

Анаң Иисус хоза пір кип-чоох чоохтап пирген: – Тигір хан-чирі хыразында маңат ӱреннер таарып салған кізее тӧӧй.

Римдегілерге 14:12

Ол оңдайнаң полғаныбыс ла Худайның алнында нандырығ тударбыс.

Матфей 13:47

Тигір хан-чирі талайзар тасталған паза аймах-пасха палыхтарны сӱӱп алған улуғ сӧзірбее дее тӧӧй.

Матфей 3:2

Тигір хан-ӱлгӱзі чағдап килді, аннаңар, чазыхтарыңнаң хыйа полып, Худайзар айланыңар, – теен ол.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

Матфей 25:14

Ідӧк Тигір хан-чирі пасха чирзер парчатхан паза, позының нымысчыларын хығырып, нинҷе пар нимезін кӧрерге чахыпчатхан кізее тӧӧй.

Матфей 13:52

Анаң оларға піди теен: – Аннаңар Тигір хан-чирінің ӱгредиин піліп алған Моисей Чахииның полған на пілігҷізі позының пайын чыыпчатхан орыннаң иргі паза наа нимелерні сығарчатхан кізее тӧӧй.

Матфей 13:33

Анаң оларға пазох пір кип-чоох чоохтаан: – Тигір хан-чирі ачытхаа тӧӧй. Ипчі кізі, пір улуғ сапчахча унға ачытхыны салыбызып, хойытхы турғызыбысча, анзы, тізең, ачып, кӧдірілче.

Матфей 13:31

Анаң Иисус пазох пасха кип-чоох чоохтап пирген: – Тигір хан-чирі кізі позының хыразында таарып салған горчица ӱреніне тӧӧй.

Матфей 25:1

Андада, чарытхыларын алып, ипчі алчатхан оолны удурлирға сыххан он хысха тӧӧй полар Тигір хан-чирі.

Матфей 7:24

Минің сӧстерімні, истіп, толдырчатхан полған на кізі туразын хайада пӱдірчеткен хыйға кізее тӧӧй.

Матфей 18:24

Ол наа ла санас сыхханда, андар ағаа он муң талант ахча алымнығ пол парған кізіні ағыл килгеннер.