Матфей 18:19 - Наа Молҷағ

¹⁹ Ідӧк тіпчем сірерге, араңардағы ікі кізі хайдағ даа нимедеңер сурынарға чӧптезіп алзалар, Тигірдегі Пабам оларға аны ит пирер.

Матфей 18:19 Referans Kwoze

Матфей 7:7

Полған на сурынған кізі алып алар, тілеен кізі табар, тохлатхан кізее ізік азылар. Аннаңар сурыңар – сірерге Худай пирер, тілеңер – таап аларзар, тохладыңар – сірерге азыл парар.

Марк 11:24

Аннаңар сірерге чоохтапчам, Худайға пазырып, ниме дее сурзаңар, киртініңер – ол ниме толдырылар.

Иоанн 16:23

Ол кӱнде сірер Миннең пір дее ниме сурастырбассар. Сынны сірерге чоохтапчам, Минің ӱгренҷілерім полып, Пабамнаң ниме дее сурзаңар, аны сірерге пирер.

Филипптегілерге 1:19

Пілчем нооза ниме дее миннең пол парза, сірернің пазырғаныңар паза Иисус Христос пирген Хут полысханы мағаа арачыланыс полар.

Матфей 21:22

Киртініп ала, Худайдаң ниме дее сурзаңар, ол нимені аларзар.

Иоанн 15:7

Сірер Мағаа киртінзеңер, Минің сӧзімні толдыр турзаңар, андада ниме дее сурыңар – Пабам аны сірерге пирер.

1 Иоанның 3:22

Худайның чахығларын толдырчатханыбыс паза Аның кӧңніне кірчеткен нимелерні итчеткенібіс ӱчӱн, Худайдаң ниме дее сурзабыс, аны алчабыс.

Илҷілернің 12:5

Іди Пётрны харибде тутхан туста тигіриб чоны аннаңар Худайға матап пазырған.

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

Илҷілернің 1:14

Олар, хай піреелері ипчілерінең хада, ідӧк Иисустың іҷезі Мария паза Аның харындастары прайзы, удаа хада чыылызып, сурынып, пазырҷаңнар.

Матфей 5:24

сыйииңны, тайығ салҷаң орындох халғыс салып, пастап, парып, харындазыңнаң чаразып ал, анаң нандыра киліп, сыйииңны тайыға сал.

Илҷілернің 6:4

Піс, тізең, тӧреміл Худайға пазырып, Аның сӧзін тарадарбыс.

Илҷілернің 16:10

Аны кӧрген соонаң, Хан Худай пісті Чахсы Хабардаңар искірерге андар хығырча тіп сағына тартып, сах андох Македон чирінзер парарға тимненібіскебіс.