Матфей 16:24 - Наа Молҷағ

²⁴ Андада Иисус Позының ӱгренҷілеріне чоохтанған: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Матфей 16:24 Referans Kwoze

Матфей 10:38

Кем Минің соомҷа кірезін албин парча, ол Мағаа турыстығ нимес.

Лука 14:27

Кем, позының кірезін ал чӧрбин, соомҷа ла парча, ағаа Минің ӱгренҷім поларға киліспинче.

Марк 10:21

Иисус, ол кізізер кӧрібізіп, аны чӱрекке алынып, теен ағаа: – Пір ниме сағаа читпинче: парып, прай пар-чох нимеңні садыбыс, ахчаңны чох кізілерге ӱлебіс, андада пайың тигірде полар. Анаң Минзер киліп, кірезің алып, соомҷа пар.

2 Тимофейге 3:12

Прайзы даа, Христос Иисуста Худайның кӧңнінҷе чуртирға хынғаннары, сӱрдірер.

Марк 8:34

Анаң, чонны паза ӱгренҷілерін Позынзар хығырып, теен: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Илҷілернің 14:22

Піске Худайның хан-ӱлгӱзінзер кӧп хыйаллар пастыра кірерге килізер тіп ӱгредіп ала, Худайға киртінерге хығырғаннар паза ӱгренҷілернің кӧңні-сағыстарын тыытханнар.

Колоссадағыларға 1:24

Амды сірернің ӱчӱн ирееленчеткеніме ӧрінчем. Позым илеп, мин Христос кӧрген чобағның чидіспинчеткенін толдырчам. Тигіриб полчатхан Аның Иді-сӧӧгі ӱчӱн ирееленчем.

Иоанн 19:17

Иисус, Позының кірезін апарып, «Хуу Пас» алай еврей тілінде «Голгофа» тіп орынзар сыххан.

1 Фессалониктегілерге 3:3

Ана андада пу ирееленістерде пірдеезі киртіністең тӧдірленмес: постарың пілче нооңзар, пу ирееленістерде сыдас парары пістің ӱлӱзібіс полча.

Матфей 27:32

Саардаң сыхчадып, олар ады-солазы Симон полчатхан кізее, Киринейдегілернің пірсіне, учурап парғаннар. Ағаа Иисустың кірезін апардырғаннар.

Марк 15:21

Чазыдаң Киринейдегі Симон, Александрнаң Руфтың пабазы, париған полған. Чааҷылар аны Иисустың кірезін апардырғаннар.

Лука 23:26

Кізілер, Иисусты апарчадып, чолда хырадаң саарзар айланчатхан Киринейдегі Симонны тохтадып, ағаа кіресті, Иисустың соонҷа апарзын тіп, чӱктендірібіскеннер.

Иоанн 21:19

Иисус, іди чоохтап, Пётрны хайдағ ӧлімнең Худайны сабландырарынаңар, сизіндірген. Анаң ағаа теен: – Минің соомҷа пар.

Иоанн 21:22

Мин аны, Позым хатап килгенҷе, чуртадарға хынчатхан ползам даа, синің анда ноо киреең? Син Минің соомҷа пар, – нандырған Иисус.

1 Петрның 2:21

Худай сірерні іди поларға хығыртхан. Христос сірернің ӱчӱн ирее кӧріп, Позы сірерге кӧзідім полған нооза. Сірер дее Аның чолынҷа парыңар.