Матфей 16:20 - Наа Молҷағ

²⁰ Анаң Ол ӱгренҷілеріне Позының Иисус Мессий-Христос полчатханынаңар пірдеезіне чоохтабасха чахаан.

Матфей 16:20 Referans Kwoze

Марк 8:30

Андада Ол ӱгренҷілерін Позынаңар пір дее кізее чоохтабасха хатығлаан.

Лука 9:21

Андада Иисус аннаңар пірдеезіне чоохтабасха хатығ чахығ пирген. –

Иоанн 1:41

Ол, сах андох Симон харындазына тоғазып «Піс кізілер сағыпчатхан Мессийні (пу «Христосты» теені полча) таап алдыбыс» тіп, аны Иисуссар ағыл килген. Иисус, Симонны кӧріп, теен: – Син, Симон, Ионаның оолғы, Кифа (пу грек тілінде Пётр полча) тіп адаларзың.

Матфей 17:9

Тағдаң ин килчеткеннерінде, Иисус оларға мындағ чахығ пирген: – Кізі Оолғы, ӧл парып, хатап тіріл килгенҷе, кӧрген пу нимедеңер пірдеезіне чоохтабаңар.

Лука 9:36

Ол табыс тохтап парғанда, Иисус чалғызан халған. Ӱгренҷілері сым полғаннар, кӧрген нимедеңер олар пірдеезіне ол кӱннерде чоохтабааннар.

Матфей 8:4

Андада Иисус ағаа теен: – Кӧр, пірдеезіне чоохтаба! Абыссар парып, позыңның арығ пол парғаныңны кӧзіт; анаң, имненіп алғаныңны киречілирге тіп, Моисей Чахии хоостыра тайығ сал.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

1 Иоанның 2:22

Кемдір ол, чой? Иисусты Мессий Арачылағҷы полбинча тіпчеткен кізі нимес пе зе? Ол Худай Пабаа даа, Аның Оолғына даа киртінминчеткен антихрист полча.

Илҷілернің 2:36

Аннаңар, Израильнің прай чоны, чахсы піл: Худай Аны – сірер хазаан Иисусты – Хан-пиг паза Мессий ит салған.

Иоанн 20:31

Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Иоанн 1:45

Филипп, Нафанаилге тоғазып, чоохтанған: – Піс Моисей Чахиинда паза ухаанҷыларның пічиинде пазылған Кізіні таап алғабыс. Ол Назареттегі Иосифтің оолғы Иисус. –

Марк 9:9

Тағдаң тӱсчеткеннерінде, тізең, Иисус оларға, Кізі Оолғы ӱреп, тірілгенҷе, пу кӧрген нимедеңер пірдеезіне чоохтабасха чахаан.

Матфей 1:16

Иаковтаң Марияның ирі Иосиф тӧреен. Мариядаң, тізең, Иисус тӧреен. Аны Мессий-Христос тіп адаҷаңнар.

Матфей 16:16

Син – Мессий-Христоссың, Тіріг Худайның Оолғызың, – нандырған Симон-Пётр.

Лука 2:11

пӱӱн Давидтің саарында сірерге Арачылағҷы тӧріді – Мессий-Христос Хан-пиг.

Иоанн 11:27

Йа, Хан-пигім! Чир ӱстӱнзер килер Мессий-Христос, Худайның Оолғы, полчатханыңа киртінчем, – нандырған Марфа.